Roomanko'en 8:7 - Fulfulde Nigeria

⁷ Ngam yowuki ɓernde dow ko ɓandu yiɗi ɗum wanyuki Allah, ɗum tokkataa ko dooka Allah wi'i, ɗum waawataa waɗukiɗum.

Roomanko'en 8:7 ပူးပေါင်းရင်းမြစ်များ

1 Korintiyanko'en 2:14

Neɗɗo mo walaa Ruuhu Allah, o jaɓataa ko ƴiwoyi to Ruuhu Allah, ngam to maako ɗum haaŋoore. O waawataa o faamaɗum ngam o walaa Ruuhu Allah.

Yaakubu 4:4

On nyaamooɓe amaana! On andaa waaduki higaaku e duuniyaaru ɗum wanyuki Allah? Ngam non, fuu cuɓuɗo waada higaaku e duuniyaaru, o wartirii hoore maako ganyo Allah.

Roomanko'en 7:22

Daga nder ɓernde am e mi nana belɗum dooka ƴiwoyɗum daga to Allah.

Ibraaniyanko'en 8:10

O ɓeydi wiiki, “Raa alkawal ngal ngaadaymi e yimɓe Israa'iila gaɗa balɗe ɗen. Mi waɗay dooka am nder nyumo maɓɓe, nden mi windaɗum nder ɓerɗe maɓɓe. Mi wartay Allah maɓɓe, kamɓe boo ɓe ngartay yimɓe am.

2 Timooti 3:4

Ɓe ngartay nyaamooɓe amaana, ɓe ngalaa hakkiilo, ngi'ooɓe ko'e maɓɓe ɓe ɓurii koo moye, ɓurɓe yiɗuki nanki belɗum dow yiɗuki Allah.

Koloosiyanko'en 1:21

Ndenno on ngoɗɗitake Allah, on wanywanyɓe maako ngam ɓerɗe mooɗon nganyiimo nden ngam on kuwa kuuɗe kalluɗe.

Roomanko'en 8:4

Allah waɗii ɗu'um ngam mbaawen waɗuki fuu kuuɗe aadilaaku ɗe Attawra wi'i ɗum waɗa, enen tokkooɓe ko Ruuhu Allah wi'i, naa' ko ɓalli meeɗen ngiɗi.

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

Roomanko'en 1:28

Nde ɓe nganyii ɓe anda Allah, Allah aliiɓe ɓe tokka nyumooji kalluɗi ngam ɓe ngaɗa ko haanaa ɗum waɗa.

Yahaya 7:7

Jooni duuniyaaru heɓaayi ko wanyirta'on, ammaa e ndu wanyiiyam ngam e mi wi'a kuuɗe mayru ɗe kalluɗe.

Roomanko'en 3:31

To ɗum non, en alay tokkuki Attawra ngam en koolake Yeesu? Ɗum waɗataako! Sey ni, en tabbitinaɗum.

Roomanko'en 1:30

e ɓe meta kalluka dow woɓɓe, e ɓe nganya Allah, e ɓe kolla mangu, e ɓe ngoodi mangu hoore, mawninooɓe ko'e maɓɓe, e ɓe ɗaɓɓita laawol waɗuki ko halli, ɓe mawnintaa danyooɓe.

Maatiyu 12:34

Onon boole kalluɗe! No waɗata onon kalluɓe meton ko wooɗi? Ngam honduko neɗɗo e meta ko woni nder ɓernde muuɗum.

2 Biiturus 2:14

Koo ndeye ɗaɓɓutuki rewɓe woni nyumo maɓɓe. Ɓe comataa waɗuki hakke. E ɓe majjina ɓe cembiɗaa nder tokkuki Yeesu. Ɓe ekkitini ɓerɗe maɓɓe yidde ceede. Allah boo laaniiɓe.

Maatiyu 5:19

Ngam non, koo moye yewi go'o nder koo ko ɓuri famɗuki nder ko Allah wi'i ɗum waɗa, nden o ekkitini woɓɓe ngaɗa non, ɗum noddaymo ɓurɗo famɗuki nder Laamu Allah. Ammaa koo moye waɗi ko Allah wi'i ɗum waɗa, nden o ekkitini woɓɓe ngaɗa non, ɗum noddaymo mawɗo nder Laamu Allah.

1 Korintiyanko'en 9:21

Nder yimɓe ɓe ngalaa ley laamu Attawra boo, mi wartirii hoore am bo mo walaa ley laamu Attawra ngam mi waddaɓe to Almasiihu kamɓe maa. Non hollaayi mi tokkaayi dooka Allah, ammaa e mi tokka dooka Almasiihu.

Koloosiyanko'en 2:18

E woodi woɓɓe yiɗuɓe lesnuki hoore ki fewre e mawninki malaa'ika'en. To' on alu ɓe njawana'on. Iri maɓɓe e ɓe mbi'a e ɓe ngi'a wahayu. E ɓe ƴefta ko'e maɓɓe e meere, ngam nyumooji maɓɓe ɗum ɗi duuniyaaru.