Roomanko'en 8:23 - Fulfulde Nigeria

²³ Ammaa naa' ko tagaa tan ottata, haa maa e enen. Enen gooduɓe Ruuhu Allah, dokkal maako arandewal nder ko o hokkata'en, en otta nder ɓerɗe meeɗen, en kaaɓii Allah wartira'en ɓiɓɓe maako, ɗonmaa o rimɗina ɓalli meeɗen.

Roomanko'en 8:23 ပူးပေါင်းရင်းမြစ်များ

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Aafisanko'en 1:14

Nde en ngoodi Ruuhu Allah, en tabbitinii en keɓay koo ɗume boɗɗum ɗum Allah waɗani'en alkawal. Nden ɗum rimɗinay'en ngam ɗum manta mangu Allah.

Aafisanko'en 4:30

Paamee, to' mettinanon Ruuhu Allah ɓernde, ngam Allah hokkii'onɗum ngam holla onon ɗum ɓe maako, nden Nyalnde Jaango o rimɗinay'on.

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

Galaatiyanko'en 5:5

En tabbitinii daga to Ruuhu Allah, o jaɓay'en en aadili'en ngam en koolake Almasiihu. En kaaɓii yiikiɗum.

Roomanko'en 7:24

Mi neɗɗo jurminiiɗo! Moye hisnatayam daga ndu'u ɓandu am pooɗanaynduyam halkere?

Roomanko'en 8:19

Fuu ko tagaa e heɗii e haaɓi ngam yi'a Allah wanginii ɓiɓɓe muuɗum.

Luka 20:36

Ɓe puɗɗitataa ɓe maaya, ngam ɓe ngartay bo malaa'ika'en. Ɓe ɓiɓɓe Allah ngam ɓe ummake daga mayde.

1 Yahaya 3:2

Onon higooɓe am ɓe ngiɗumi, jooni en ɓiɓɓe Allah. Ɗum hollaayi'en ko ngarteten ɗo'o yeeso taw. Ammaa en andi to Almasiihu wartii, en ngartay bo maako, ngam en ngi'aymo non no o woni.

Luka 21:28

To fii ɗu'um fuɗɗii waɗuki, ummee ndarooɗon, ƴefton ko'e mooɗon ndaaron dow, ngam kisndam mooɗon ɓadake.”

1 Biiturus 1:7

ngam tabbitinki hoolaare mooɗon. Hoolaare nden nde ɓuri jiinaari. Koo nde jiinaari nyalnde go'o ɗum re'ay, e ɗum foondiree hiite. Non maa ɗum foonday hoolaare mooɗon ɗum tabbitinande ngam keɓon manteeki, e teddineeki, e mawnineeki nyalnde nde Yeesu Almasiihu wartata.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

Roomanko'en 5:5

Kammunde nden semtintaa'en, ngam Allah holli'en e mo yiɗi'en nder ɓerɗe meeɗen barka Ruuhu maako, ɗum o hokki'en.

Aafisanko'en 5:9

Mi wi'u non ngam jayngol e waɗa yimɓe ngaɗa ko wooɗi, e ko Allah yiɗi, e goonga.

2 Korintiyanko'en 7:5

Ngam ko min ngari leydi Makidooniya, min keɓaayi siwtaare, ammaa koo toye to min ngaylitorii e min torree. Min ngeddootirii e woɓɓe, nder ɓerɗe amin kulol nangimin.

Roomanko'en 5:3

Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal.

Roomanko'en 5:11

Ammaa naa' kanjum tan, haa maa en nana belɗum ngam ko Allah waɗi barka Joomiraawo meeɗen Yeesu Almasiihu, ciryootirɗo'en e Allah jooni.

1 Korintiyanko'en 1:7

Ngam non, on ndullaayi koo ngale dokkal ngal Ruuhu Allah hokkata, on keɗii on kaaɓii gartol Yeesu Almasiihu Joomiraawo meeɗen.

2 Korintiyanko'en 1:22

o waɗanii'en alaama maako kolluɗum enen ɗum ɓe maako. O hokkii'en Ruuhu maako nder ɓerɗe meeɗen, ngam ɗum tabbitinana'en ko o hokkata'en yeeso ɗo'o.