Roomanko'en 8:13 - Fulfulde Nigeria

¹³ Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Roomanko'en 8:13 ပူးပေါင်းရင်းမြစ်များ

Galaatiyanko'en 6:8

Aawuɗo waɗuki ko ɓandu muuɗum yiɗi, daga nder waɗuki ko ɓandu maako yiɗi, o fooɗanay hoore maako halkere. Ammaa aawuɗo waɗuki ko Ruuhu Allah yiɗi, daga nder waɗuki ko Ruuhu ɗum yiɗi o heɓay yonki ki re'ataa.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

1 Korintiyanko'en 9:27

Ammaa e mi torra ɓandu am, e mi wartirandu maccuɗo am, ngam to' gaɗa mi wa'ajinanii woɓɓe, min e hoore am mi dulla heɓuki dokkal ngal.

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Roomanko'en 7:5

Carel ko ngaɗeten ko ɓalli meeɗen ngiɗi, suunooji pooɗayɗi hakke, ɗi ɓeydii sembe nder meeɗen ko nanɗen nder Attawra, e ɗi kuwa nder ɓalli meeɗen ngam kuwen ko fooɗanta'en mayde.

Aafisanko'en 5:18

To' on nattin ko'e mooɗon njaru, ngam ɗum laawol lallere. Ammaa alee Ruuhu Allah heewa'on.

Roomanko'en 6:21

Ndiye ɓeydaari keɓuɗon nder ko ngaɗaynooɗon ndenno ɗum cemtoton jooni? Ko fii ɗum ɗon fooɗata woni mayde!

Aafisanko'en 4:30

Paamee, to' mettinanon Ruuhu Allah ɓernde, ngam Allah hokkii'onɗum ngam holla onon ɗum ɓe maako, nden Nyalnde Jaango o rimɗinay'on.

Roomanko'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Roomanko'en 8:12

Ngam non bandiraaɓe am, e woodi goɗɗum ɗum ngaɗeten doole, ammaa kanjum naa' ɗum tokkuki ko ɓalli meeɗen ngiɗi.