Roomanko'en 8:10 - Fulfulde Nigeria

¹⁰ Ammaa to Almasiihu e jooɗii nder ɓerɗe mooɗon, koo nde ɓalli mooɗon maayay ngam hakke, fuu e non Ruuhu Allah hokkay'on yonki, ngam on ngartiraama aadili'en.

Roomanko'en 8:10 ပူးပေါင်းရင်းမြစ်များ

Aafisanko'en 3:17

ngam Almasiihu jooɗoo nder ɓerɗe mooɗon barka hoolaakimo. E mi toroo Allah ngam yidde lugga sembiɗa nder ɓerɗe mooɗon,

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Yahaya 17:23

E mi sumpootira e maɓɓe nden en cumpootira ngam ɓe ngarta go'o nder koo ɗume, ngam duuniyaaru anda an liliyam, kadin a yiɗiɓe non no ngiɗirɗaayam.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Roomanko'en 8:11

To Ruuhu Allah umminɗo Yeesu daga mayde e jooɗoo nder ɓerɗe mooɗon, on ɗon umminɗo Almasiihu daga mayde hokkay ɓalli mooɗon maayayɗi yonki barka Ruuhu maako jooɗiiɗum nder ɓerɗe mooɗon.

Filibiyanko'en 1:23

Ɗum fuu ɗiɗum e ɗum fooɗanayam hakkiilo naa' seɗɗa. Ko ɓurmi yiɗuki woni mi dilla mi jooɗodoo e Almasiihu, ngam kanjum ɓuri wooɗuki naa' seɗɗa.

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

1 Korintiyanko'en 15:45

Ngam, non no ɗum windiraa, “Neɗɗo arandeejo, waato Aadamu, o wartii gooduɗo yonki.” Ammaa Aadamu cakitiiɗo, waato Almasiihu, o heɓii ɓandu kuutirteendu ton dow, o wartii kokkoowo yonki ki re'ataa.

Wahayu Yahaya 14:13

Sey puɗɗutumi nanmi wonde hononde daga dow e wi'a, “Windu ɗu'um, ‘Ɓe barkiɗinaaɓe maayayɓe daga jooni e tokki Joomiraawo.’ ” Ruuhu Allah wi'ii, “Goonga, ɓe ciwtoto daga kuugal maɓɓe e torra maɓɓe, ngam ko ɓe ngaɗi tokkayɓe.”

Yahaya 15:5

“Min woni layol inabohi, onon ngoni lice maagol. Koo moye jooɗiiɗo e jokkootiri e am, min maa e mi jokkootiri e maako, o wartay bo lisal dimayngal ɓikkoy ɗuɗkoy. Ngam to naa' on kawtu e am, on mbaawataa ngaɗon goɗɗum.

Yahaya 14:23

Yeesu wi'i, “Fuu giɗɗoyam tokkay ekkitinol am. Nyaako am boo yiɗaymo, nden min e Nyaako am min ngaray to maako min jooɗodoo e maako.

Ibraaniyanko'en 12:23

On ngarii to kawtal afo'en Allah, ɓe ɗum windi inɗe maɓɓe nder wuro maako ton dow. On ngarii to Allah, gaɗanoowo fuu yimɓe kiita, to yonkiiji aadili'en gartiraaɓe keewuɓe.

Ibraaniyanko'en 9:27

Non no ɗum siryanii neɗɗo maaya nde go'o, gaɗa mayde nden ɗum waɗanaymo kiita,

1 Tasaloonikanko'en 4:16

Ngam Joomiraawo e hoore muuɗum jippoyto daga dow e noddol cembingol, e hononde malaa'ikaajo mawɗo, e duudol luwal Allah. Mayɓe e tokki Almasiihu kamɓe artata ummaaki.

2 Korintiyanko'en 13:5

Ƴamee ko'e mooɗon ngi'on koo on tokkuɓe Yeesu e goonga. Poondee ko'e mooɗon. On andaa Almasiihu e jooɗi nder ɓerɗe mooɗon? Goonga e mo jooɗoo nder ɓerɗe mooɗon, sey ni to on tokkaayimo e goonga.

2 Korintiyanko'en 4:11

Ngam minon gooduɓe yonki e min haade mayde koo ndeye ngam Yeesu, ngam ɗum yi'a yonki maako nder ɓalli amin ɗi'i maayayɗi.

Roomanko'en 5:21

Hakke laamake yimɓe ngam ɗum pooɗaniiɓe mayde. Ammaa jooni yidde Allah e laamoo laawol aadilaaku, nden Allah jaɓii'en barka Yeesu Almasiihu Joomiraawo meeɗen. Non waɗay keɓen yonki ki re'ataa.

Roomanko'en 5:12

Hakke nattii nder duuniyaaru ndu'u laawol neɗɗo go'oto. Hakke ɗum o waɗi ngaddii mayde. Non koo moye wartii maayayɗo, ngam koo moye waɗii hakke.

Yahaya 6:56

Koo moye nyaami ɓandu am yari ƴiiƴam am, e mo sumpootira e am, min maa e mi sumpootira e maako.

Yahaya 4:14

ammaa koo moye jarɗo ndiyam ɗam kokkaymoomi o fuɗɗitataa o nana ɗonka kadin. Ndiyam ɗam kokkaymoomi ɗam wartay nder maako ndiyam ɓuloojam kokkayɗammo yonki ki re'ataa.”

Yahaya 6:54

Fuu nyaamuɗo ɓandu am nden yari ƴiiƴam am e woodi yonki ki re'ataa, nden mi umminaymo Nyalnde Jaango.