Roomanko'en 7:6 - Fulfulde Nigeria

⁶ Ammaa jooni en ndimɗinaama daga Attawra gartirɗum'en maccuɓe, ngam en maydii e Almasiihu. Jooni en kuwana Allah nder laawol kesol ngol Ruuhu maako, naa' nder tokkuki laawol kiingol ngol dooka bindaaɗum.

Roomanko'en 7:6 ပူးပေါင်းရင်းမြစ်များ

2 Korintiyanko'en 3:6

Kanko waɗi min mbaawi wartuki ekkitinooɓe Alkawal Kesal. Alkawal ngal boo daraaki dow dooka bindaaɗum, ammaa dow Ruuhu maako ngal dari. Ngam dooka bindaaɗum e fooɗa mayde, ammaa Ruuhu e hokka yonki ki re'ataa.

Roomanko'en 7:4

Bandiraaɓe am, dow Attawra, on ngartii bo mayɓe barka mayde Almasiihu dow gaafaangal, ngam ngarton ɓe goɗɗo jeyi. Jooni jeyɗo'on woni Almasiihu ummiiɗo daga mayde, ngam ngarten kuwooɓe nder kuugal Allah.

Roomanko'en 6:4

Ngam non, baptisma ɗum um waɗani'en bo ɗum uwudu'en e maako, nden en ngartii go'o e maako nder mayde maako, ngam, non no teddungal Nyaako meeɗen Mo Dow umminiri Almasiihu daga mayde, non enen maa en ngaɗu jonde heyre.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Koloosiyanko'en 3:10

Jooni on ɓornake ngikku kesum. Allah taguɗo ngikku ɗum, e mo mo''inaɗum ɗum warta iri ngikku maako, ngam andonmo boɗɗum.

Galaatiyanko'en 6:15

Ngam walaa feerootirol hakkunde naadaaɗo e mo naadaaka. Ko ɓuri woni Allah wartira neɗɗo keso.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Roomanko'en 7:1

Bandiraaɓe am, nde on fuu on andi dooka, on paamay ko ngiɗmi wiiki. Dooka e laamoo dow neɗɗo to e mo foofa tan.

Roomanko'en 6:2

Goonga naa' non! Haanaa nyamren yeeso e waɗuki hakke, ngam en njaadake en ngartii bo mayɓe to hakke. No waɗata kadin en nyamra yeeso e jonde nder hakke?

Roomanko'en 6:19

E mi huutira boliiɗe ɗe caɗaa ngam on cembiɗaa. Ndenno on ngartirii ko'e mooɗon maccuɓe waɗuki fii nefniiɗum e fii kalluɗum gaɗuɗum ka ɓeydaaki naa' seɗɗa. Non maa, jooni ngartiree ko'e mooɗon maccuɓe aadilaaku ngam ngaɗon jonde ceniinde.

Roomanko'en 6:11

Non onon maa, doole koccee ko'e mooɗon bo mayɓe ɓe bawɗe hakke laamaaki dow maɓɓe, ammaa jooni on ngaɗa jonde ngam ngaɗon ko Allah yiɗi barka sumpootirki e Yeesu Almasiihu.

Roomanko'en 1:9

Allah mo kuwanaymi kuugal wa'ajinki Habaru Belɗum dow Ɓiɗɗo maako e ɓernde am fuu, kanko woni ceyduujo am, koo ndeye mi yejjitataa'on nder do'aare am.

Filibiyanko'en 3:3

Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

Roomanko'en 7:2

Misaalu, debbo teegal dooka haɓɓiimo e gorko maako to ni gorko on e foofa. Ammaa to gorko on maayii, debbo on fittake daga dooka kaɓɓindirɗummo e gorko on.

Aafisanko'en 4:24

Puɗɗee ngikku kesum iri ɗum Allah nder aadilaaku e cenaaki.