Roomanko'en 7:23 - Fulfulde Nigeria

²³ Ammaa nder ɓandu am mi yi'ii goɗɗum dooka feere e honida e dooka ɗum ɓernde am yiɗi. Ɗum wartiriiyam maccuɗo hakke gonɗum nder ɓandu am.

Roomanko'en 7:23 ပူးပေါင်းရင်းမြစ်များ

Galaatiyanko'en 5:17

Ngam ko ɓalli meeɗen ngiɗi e wanya ko Ruuhu Allah yiɗi, non maa ko Ruuhu Allah yiɗi e wanya ko ɓalli meeɗen ngiɗi. Fii ɗiɗum ɗu'um e ɗum wanywanytira. Kanjum waɗi on mbaawataa waɗuki ko ngiɗɗon waɗuki.

Yaakubu 4:1

Ko waddata hawre e yeddootirki hakkunde mooɗon? Naa' suunooji konidooji e ɓerɗe mooɗon waddataɗum?

Roomanko'en 8:2

Ngam dooka Ruuhu Allah kokkoojum yonki nder sumpootirki e Yeesu rimɗiniiyam daga bawɗe hakke laamotooɗum'en pooɗanayɗum'en halkere.

Roomanko'en 6:19

E mi huutira boliiɗe ɗe caɗaa ngam on cembiɗaa. Ndenno on ngartirii ko'e mooɗon maccuɓe waɗuki fii nefniiɗum e fii kalluɗum gaɗuɗum ka ɓeydaaki naa' seɗɗa. Non maa, jooni ngartiree ko'e mooɗon maccuɓe aadilaaku ngam ngaɗon jonde ceniinde.

Roomanko'en 7:25

Yettoore tabbita to Allah barka Joomiraawo meeɗen Yeesu Almasiihu! Ngam non, min e hoore am nder ɓernde am mi maccuɗo dooka Allah, ammaa ngam ngikku am ɗum hakke mi maccuɗo hakke.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Ibraaniyanko'en 12:4

On kaɓda e hakke, ammaa on njottaaki to hewti ɗum wara'on.

Roomanko'en 7:21

Ɗum wartaniiyam ngikku, fuu carel ko ngiɗumi waɗuki goɗɗum boɗɗum, sey goɗɗum kalluɗum gonɗum nder am haɗayam waɗukiɗum.

Roomanko'en 7:5

Carel ko ngaɗeten ko ɓalli meeɗen ngiɗi, suunooji pooɗayɗi hakke, ɗi ɓeydii sembe nder meeɗen ko nanɗen nder Attawra, e ɗi kuwa nder ɓalli meeɗen ngam kuwen ko fooɗanta'en mayde.

Roomanko'en 6:13

To' on puɗɗutu alanon hakke wonde jokkoode ɓandu mooɗon nde huutiree fii kalluɗum. Ammaa kokkee Allah ko'e mooɗon bo yimɓe ɓe ɗum ummini daga mayde yaaki yonki, nden kokkonmo fuu ko'e mooɗon ngam o huutira'on kuuɗe aadilaaku.

Roomanko'en 7:14

En andi Attawra ɗum kuugal Ruuhu Allah, ammaa min mi neɗɗo tan, mi maccuɗo hakke.

Yaakubu 3:2

Ngam en fuu en parka naa' seɗɗa. To boo goɗɗo farkataa nder koo ɗume ko o wi'ata, too, kanko o kewɗo, e mo waawa o sura hoore maako.