Roomanko'en 6:6 - Fulfulde Nigeria

⁶ En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Roomanko'en 6:6 ပူးပေါင်းရင်းမြစ်များ

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

Galaatiyanko'en 6:14

Ammaa min, koo seɗɗa mi mawnintaa hoore am sey ni dow gaafaangal Joomiraawo meeɗen Yeesu Almasiihu. Barka mayde maako dow gaafaangal, ko woni nder duuniyaaru wartii meere to am, min maa mi wartii meere to mayru.

Koloosiyanko'en 3:5

Ngam non, cendiree e suunooji duuniyaaru gonɗi nder mooɗon, waato njeenu, e kuuɗe nefniiɗe, e tokkiranki ko ɓandu yiɗi, e suunooji kalluɗi, e yiɗuki ko goɗɗo jeyi. (Ngam yiɗuki ko goɗɗo jeyi ɗum go'o e mawninki gunkiiji).

Roomanko'en 8:13

Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

Roomanko'en 6:12

Ngam non, to' on alu hakke laamoo dow ɓalli mooɗon maayayɗi haa tokkon ko suuno ɓalli mooɗon ngiɗi.

Roomanko'en 7:14

En andi Attawra ɗum kuugal Ruuhu Allah, ammaa min mi neɗɗo tan, mi maccuɗo hakke.

2 Korintiyanko'en 5:14

Ngam yidde Almasiihu waɗatamin e min kuwa kuuɗe amin, ngam en tabbitinii go'oto maayii ngam koo moye, ngam non koo moye maayii.

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.