Roomanko'en 6:4 - Fulfulde Nigeria

⁴ Ngam non, baptisma ɗum um waɗani'en bo ɗum uwudu'en e maako, nden en ngartii go'o e maako nder mayde maako, ngam, non no teddungal Nyaako meeɗen Mo Dow umminiri Almasiihu daga mayde, non enen maa en ngaɗu jonde heyre.

Roomanko'en 6:4 ပူးပေါင်းရင်းမြစ်များ

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Koloosiyanko'en 3:10

Jooni on ɓornake ngikku kesum. Allah taguɗo ngikku ɗum, e mo mo''inaɗum ɗum warta iri ngikku maako, ngam andonmo boɗɗum.

Roomanko'en 7:6

Ammaa jooni en ndimɗinaama daga Attawra gartirɗum'en maccuɓe, ngam en maydii e Almasiihu. Jooni en kuwana Allah nder laawol kesol ngol Ruuhu maako, naa' nder tokkuki laawol kiingol ngol dooka bindaaɗum.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

Roomanko'en 6:9

Ngam en andi Almasiihu umminaama daga mayde, nden o fuɗɗitataa o maaya kadin. Mayde fuɗɗitataa heɓa bawɗe dow maako.

2 Korintiyanko'en 13:4

Koo nde o waraama dow gaafaangal nder ciya sembe, fuu e non jooni e mo foofa laawol bawɗe Allah. Minon maa non no o wontindirnoo, min ngalaa sembe. Non no Almasiihu jooɗorii jooni nder bawɗe Allah, minon maa min njooɗodoto e bawɗe Allah nder mooɗon.

Roomanko'en 6:3

Goonga on andi nde ɗum waɗanii'en baptisma ngam cumpootiren e Yeesu Almasiihu, en ngaɗana baptisma ngam en maydi e maako.

1 Yahaya 2:6

Fuu biiɗo e sumpootira e Allah, haanii o jooɗoroo no Yeesu Almasiihu jooɗorii.

1 Korintiyanko'en 6:14

Allah umminii Yeesu Joomiraawo meeɗen daga mayde, enen maa o umminay'en daga mayde barka bawɗe maako.

Roomanko'en 8:11

To Ruuhu Allah umminɗo Yeesu daga mayde e jooɗoo nder ɓerɗe mooɗon, on ɗon umminɗo Almasiihu daga mayde hokkay ɓalli mooɗon maayayɗi yonki barka Ruuhu maako jooɗiiɗum nder ɓerɗe mooɗon.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Roomanko'en 6:19

E mi huutira boliiɗe ɗe caɗaa ngam on cembiɗaa. Ndenno on ngartirii ko'e mooɗon maccuɓe waɗuki fii nefniiɗum e fii kalluɗum gaɗuɗum ka ɓeydaaki naa' seɗɗa. Non maa, jooni ngartiree ko'e mooɗon maccuɓe aadilaaku ngam ngaɗon jonde ceniinde.

Yahaya 11:40

Sey Yeesu wi'imo, “Naa' mi wi'iima taa hoolakeyam, a yi'ay teddungal Allah?”

Kuuɗe Lilaaɓe 2:24

Ammaa Allah umminiimo daga mayde, wurtiniimo yenaande, ngam mayde waawataa jogaakimo.

Koloosiyanko'en 4:1

Onon gooduɓe maccuɓe, njogee maccuɓe mooɗon boɗɗum, kokkeeɓe ko haani ɓe keɓa, ngam on andi onon maa on ngoodi jeyɗo'on ton dow.

Aafisanko'en 5:8

Ngam ndenno nder nyiwre ngonɗon, ammaa jooni nde on ngartii yimɓe Joomiraawo, on nder jayngol. Ngam maajum sey ngaɗon jonde iri nde yimɓe gonɓe nder jayngol.

Yahaya 2:11

Kanjum woni fii kayɗiniiɗum arandejum ɗum Yeesu waɗi e gariiri Kaana ngondi leydi Galiili. Non o holliri teddungal maako, nden tokkuɓemo kooliimo.

Kuuɗe Lilaaɓe 2:32

Almasiihu on woni Yeesu mo Allah ummini daga mayde. Min fuu e min ceydiiɗum.

Roomanko'en 6:8

To en maydii e Almasiihu, en tabbitinii en njooɗodoto e maako.