Roomanko'en 5:6 - Fulfulde Nigeria

⁶ Nder carel ngel tampuɗen, Almasiihu maayii ngam gaɗooɓe hakke nder carel ngel Allah suɓi.

Roomanko'en 5:6 ပူးပေါင်းရင်းမြစ်များ

Roomanko'en 5:8

Ammaa laawol ngol Allah hollii'en yidde maako woni, carel ko ngonɗen nder hakke, Almasiihu maayii ngam meeɗen.

Koloosiyanko'en 2:13

Ndenno on nandi e mayɓe ngam hakke ɗum ngaɗɗon, kadin ngam ɗum ittanaayi'on ngikku mooɗon giɗɗum waɗuki hakke. Ammaa jooni Allah hokkii'on yonki nder sumpootirki e Almasiihu. O yaafanake'en fuu hakke meeɗen.

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

Roomanko'en 4:25

O waraama ngam hakke meeɗen, nden o umminaama daga mayde ngam ngarten aadili'en yeeso Allah.

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.

Roomanko'en 4:5

Neɗɗo mo waɗaayi ɓernde muuɗum dow kuuɗe muuɗum, ammaa o waɗi ɓernde maako dow Allah gaɗoowo gaɗooɓe hakke ngarta aadili'en, ɗum nodday hoolaaki maako aadilaaku.

Ibraaniyanko'en 9:26

Daa ɗum non, daa Almasiihu yarii torra nde ɗuɗɗum daga carel ngel duuniyaaru tagaa. Ammaa raɗɗum jooni e re'irde duuniyaaru o warii nde go'o tan ngam o itta hakke barka sakkuki hoore maako.

Galaatiyanko'en 4:4

Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

1 Timooti 1:9

Kadimaa en andi dooka waɗaaka ngam aadili'en, ammaa ngam gewooɓe dooka, e yimɓe ɓe ngaɗataa ko ɗum wi'iɓe, e ɓe kulataa Allah, e gaɗooɓe ko wooɗaa, e yimɓe ɓe cenaaki, e kuɗooɓe Allah, e yimɓe barooɓe danyooɓe mu''en, e gaɗooɓe warhoore,

1 Tasaloonikanko'en 5:9

Allah suɓaayi njaren monnere muuɗum, ammaa o suɓanii'en heɓuki kisndam barka Joomiraawo meeɗen Yeesu Almasiihu.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

Yahuuda 1:15

ngam o waɗana koo moye kiita. O taƴana fuu ɓe tokkaayi Allah kiita ngam kuuɗe maɓɓe ɗe ciya kulol Allah ɗe ɓe ngaɗi, e fuu haalaaji kalluɗi ɗi gaɗooɓe hakke ɓe kulataa Allah meti dow maako.”

2 Biiturus 3:7

Ammaa Wolde maako jogii dow e ley ɗum ngi'eten jooni ngam ɗum halkiree hiite. E mo jogiiɗum haa yaaki nyalnde nde o waɗanta ɓe kulataamo kiita o halkaɓe.

Roomanko'en 11:26

Non Israa'iilanko'en fuu kisirta. Non no ɗum windiraa, “Kisnoowo waray daga Sihiyoona, o ittay fuu ciya kulol Allah daga ɓerɗe lenyol Yaakubu.

Yahuuda 1:18

Ɓe mbi'ii'on, “E balɗe re'uki duuniyaaru yimɓe jukkitooɓe mburtoyto, tokkiranooɓe suuno maɓɓe kallungo ngo ciya kulol Allah.”

Roomanko'en 5:7

E ɗum saɗi goɗɗo maaya ngam aadiliijo. Sey ni ɗum gaɗotooɗum goɗɗo waɗa sembe ɓernde maaya ngam neɗɗo mo ngikku boɗɗum.

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Roomanko'en 8:34

Moye waawata taƴankiɓe kiita? Walaa! Yeesu Almasiihu maayii, ko ɓuri woni o umminaama daga mayde, e mo ton jooɗii to jungo nyaamo ngo Allah, kadin e mo toroo Allah ngam meeɗen.

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Ibraaniyanko'en 8:3

Koo moye mawɗo mawɓe ardiiɗo diina o suɓa ngam o hokka Allah dokke o sakkanamo marle. Non maa Mawɗo Mawɓe Ardiiɓe Diina meeɗen doole heɓa ko sakkata.