Roomanko'en 5:5 - Fulfulde Nigeria

⁵ Kammunde nden semtintaa'en, ngam Allah holli'en e mo yiɗi'en nder ɓerɗe meeɗen barka Ruuhu maako, ɗum o hokki'en.

Roomanko'en 5:5 ပူးပေါင်းရင်းမြစ်များ

Galaatiyanko'en 4:6

Ngam on ɓiɓɓe Allah, o liloyi Ruuhu Ɓiɗɗo maako nder ɓerɗe meeɗen, e ɗum nodda Allah e ɗum wi'a, “Nyaako am, Nyaako am.”

Filibiyanko'en 1:20

Ko kaaɓumi yiiki e ko kammiimi woni to' mi semtina hoore am koo seɗɗa, ammaa mi meta e sembe ɓernde, ngam jooni e koo ndeye ɗum mawnina Almasiihu nder koo ɗume ko ngaɗaymi, koo laawol jonde am, koo laawol mayde am.

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

2 Korintiyanko'en 1:22

o waɗanii'en alaama maako kolluɗum enen ɗum ɓe maako. O hokkii'en Ruuhu maako nder ɓerɗe meeɗen, ngam ɗum tabbitinana'en ko o hokkata'en yeeso ɗo'o.

1 Yahaya 4:19

En ngiɗindiri, ngam Allah artii yiɗuki'en.

Aafisanko'en 1:13

Onon maa, on ngartii yimɓe Allah carel ko nanɗon wolde goonga, waato Habaru Belɗum dow Yeesu gaddanɗum'on kisndam. On koolakemo, Allah boo hokkii'on Ruuhu muuɗum ɗum o waɗani'on alkawal. Ruuhu ɗum hollii on ngartii ɓe maako.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Aafisanko'en 4:30

Paamee, to' mettinanon Ruuhu Allah ɓernde, ngam Allah hokkii'onɗum ngam holla onon ɗum ɓe maako, nden Nyalnde Jaango o rimɗinay'on.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

Kuuɗe Lilaaɓe 2:17

‘Nder balɗe cakitiiɗe ko duuniyaaru re'a, mi hokkay yimɓe fuu Ruuhu am. Ɓiɓɓe mooɗon worɓe e rewɓe ɓe nga'ajinay habaru am, kori'en mooɗon ngi'ay wahayu, ndotti'en mooɗon koyɗay koyɗi ƴiwoyɗi to Allah.

2 Tasaloonikanko'en 2:16

Joomiraawo meeɗen Yeesu Almasiihu e hoore muuɗum, e Allah Nyaako meeɗen Mo Dow, giɗɗo'en cembiɗinɗo'en sembiɗinki ki re'ataa kokkuɗo'en kammunde bonde barka yidde maako,

2 Korintiyanko'en 4:6

Ngam Allah biiɗo jayngol wurtoyoo daga nder nyiwre, kanko waɗi jayngol maako yeynii nder ɓerɗe amin ngam min anda teddungal Allah ngal ɗum yi'ii e yeeso Yeesu Almasiihu.

Roomanko'en 8:28

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

1 Korintiyanko'en 8:3

Ammaa neɗɗo giɗɗo Allah, Allah e andimo.

2 Korintiyanko'en 3:18

Enen ɓe geece mu''en cudditaa en fuu en kolla teddungal Joomiraawo en ɓeyda wartuki bo maako. Teddungal ngal waɗay ka ɓeydaaki. Ɗu'um ɗum kuugal Joomiraawo, kanko woni Ruuhu.

Kuuɗe Lilaaɓe 10:45

Yahuudanko'en kooliiɓe Yeesu garduɓe e Biiturus kayɗinii nde ɓe ngi'i no Allah hokkiri yimɓe naa' Yahuudanko'en Ruuhu muuɗum,

Roomanko'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

Roomanko'en 9:33

no aayaare wi'i, “Ndaaree, mi resii hayre nder Sihiyoona gaɗaynde yimɓe peggoo, nde waɗay ɓe njana. Fuu kooliiɗomo semtintaake.”

1 Tasaloonikanko'en 4:8

Ngam non, fuu ganyuɗo ekkitinol ngo'ol, naa' neɗɗo o wanyi, Allah o wanyi, kokkoowo'on Ruuhu maako.