Roomanko'en 5:17 - Fulfulde Nigeria

¹⁷ Ngam hakke ɗum neɗɗo go'oto waɗi, mayde fuɗɗi laamaaki dow koo moye. Ammaa laamu ɗum, ɗum hewtaayi koo ɗume to ɗum hawtaama e laamu ɗum neɗɗo go'oto waddi, waato Yeesu Almasiihu. Koo moye mo Allah holli yidde mawnde wartiriimo aadiliijo caahu, o heɓay jaalorgal dow hakke barka Almasiihu.

Roomanko'en 5:17 ပူးပေါင်းရင်းမြစ်များ

Roomanko'en 5:12

Hakke nattii nder duuniyaaru ndu'u laawol neɗɗo go'oto. Hakke ɗum o waɗi ngaddii mayde. Non koo moye wartii maayayɗo, ngam koo moye waɗii hakke.

1 Korintiyanko'en 15:49

Non no ngoodirɗen nandi on ɗon tagiraaɗo mbulmbuldi, non maa en keɓay nandi on ɗon ƴiwoyɗo daga dow.

Yahaya 10:10

Gujjo waray tan ngam wujja, waɗa warhoore, halka. Min boo mi waroyi ngam tokkirɓe to am keɓa yonki, ɓe keɓaki keewuki.

2 Timooti 2:12

To en munyii, en laamodoto e maako. To en nganyiimo, kanko maa o wanyay'en.

Wahayu Yahaya 22:5

Ɗum fuɗɗitataa ɗum waɗa jemma, ɓe ngannidataa e jayngol fitilaaji koo jayngol naange, ngam Allah Joomiraawo wartay jayngol maɓɓe. Ɓe laamoto haa abadaa abadin.

Wahayu Yahaya 20:6

Ɓe barkiɗinaaɓe ɓe ceniiɓe yimɓe gooduɓe geɗal nder kin ɗon ummaaki arandehi. Mayde ɗiɗawre meemataaɓe, waato ɓe nattataa wuro hiite, ɓe ngartay kuwanooɓe Allah e Almasiihu, ɓe laamodoto e maako haa duuɓi 1,000.

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

1 Timooti 1:14

Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu.

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Wahayu Yahaya 1:6

O wartirii'en yimɓe maako ardiiɓe diina kuwanooɓe Allah Nyaako maako. Mangu e laamu tabbita to Yeesu Almasiihu haa abadaa abadin. Aamin.

1 Korintiyanko'en 4:8

On ngi'a bo on njaadake on keɓii ko ngiɗɗon! On ngi'a bo on njaadake on ngartii diskuɓe! On ngi'a bo on ngartii laamiiɓe, koo nde minon naa' min laamiiɓe. Daa on ngartii laamiiɓe daa wooɗii, sey laamodooɗen!

Roomanko'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Roomanko'en 5:20

Attawra waddaama ngam ko wooɗaa ɗum yimɓe ngaɗata wurtoo e njayri. Ammaa fuu to hakke ɓeydii, sey yidde Allah ɓura ɓeydaaki.

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Roomanko'en 8:39

koo ko woni e dow, koo ko woni e ley, walaa goɗɗum nder fuu ko tagaa baawayɗum haɗa Allah yiɗuki'en yidde nde o hollata'en barka Yeesu Almasiihu Joomiraawo meeɗen.

Roomanko'en 5:15

Ammaa caahu ɗum Allah hokkata ɗum nandaa e hakke Aadamu. Yimɓe ɗuɗɓe maayii ngam hakke neɗɗo go'oto, ammaa yidde Allah ɓurii mawnuki naa' seɗɗa, non maa caahu ɗum o hokkata yimɓe ɗuɗɓe barka neɗɗo go'oto, waato Yeesu Almasiihu.

Roomanko'en 6:14

Ngam hakke heɓataa jaalorgal dow mooɗon, nde naa' ley Attawra ngonɗon, ammaa ley yidde Allah ngonɗon.