Roomanko'en 5:1 - Fulfulde Nigeria

¹ Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu.

Roomanko'en 5:1 ပူးပေါင်းရင်းမြစ်များ

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Koloosiyanko'en 1:20

Barka Ɓiɗɗo on Allah siryootiri hoore muuɗum e koo ɗume gonɗum dow e ley. O siryootira e maajum barka ƴiiƴam Ɓiɗɗo on ndufaaɗam dow gaafaangal.

Roomanko'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Roomanko'en 14:17

Ngam Laamu Allah naa' ɗum nyaamuki e yarki, ammaa ɗum aadilaaku, e jonde jam, e belɗum ɓernde keɓeteeɗum barka Ruuhu Allah.

2 Tasaloonikanko'en 3:16

Joomiraawo joomu jam e hoore muuɗum hokka'on jam koo ndeye nder koo ɗume. Joomiraawo wonda e mooɗon on fuu.

Yahaya 14:27

“Jam woni ko aldumi'on, jam am kokkumi'on. Mi hokkii'onɗum naa' no yimɓe duuniyaaru kokkirta. To' on alu ɓerɗe mooɗon nganna, to' on kulu.

Roomanko'en 4:5

Neɗɗo mo waɗaayi ɓernde muuɗum dow kuuɗe muuɗum, ammaa o waɗi ɓernde maako dow Allah gaɗoowo gaɗooɓe hakke ngarta aadili'en, ɗum nodday hoolaaki maako aadilaaku.

Koloosiyanko'en 3:15

Jam ƴiwoyɗum to Almasiihu walla'on cuɓon ko haani ngaɗon, nde Allah noddii'on ngam ngarton bo ɓandu go'o njooɗodooɗon jam. Ngartee gettooɓe Allah koo ndeye.

Roomanko'en 15:33

Allah joomu jam wonda e mooɗon on fuu. Aamin.

Kuuɗe Lilaaɓe 10:36

On andi habaru ɗum Allah lildoyi Israa'iilanko'en. Kanjum woni ɓe nga'ajina Habaru Belɗum, ɗum jam keɓaaɗum barka Yeesu Almasiihu. Kanko woni Joomiraawo yimɓe fuu.

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

1 Tasaloonikanko'en 5:23

Allah Joomu Jam e hoore muuɗum wartira'on laaɓuɓe gaɗa e yeeso. O sura yonkiiji mooɗon e ɓerɗe mooɗon e ɓalli mooɗon boɗɗum, ngarton ɓe ngalaa goɗɗum ko wooɗaa nyalnde wartuki Joomiraawo meeɗen Yeesu Almasiihu.

Roomanko'en 5:18

Ngam non, non no hakke neɗɗo go'oto fooɗirani fuu yimɓe kiita halkere, non maa kuugal aadilaaku ngal neɗɗo go'oto waɗi wartirii yimɓe ɗuɗɓe aadili'en hokkiiɓe yonki kesi.

Luka 19:42

e mo wi'a, “Daa a anduno hande ko waddata jam! Ammaa ɗum suuɗanake gite maaɗa.

Roomanko'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

Luka 19:38

E ɓe mbi'a, “O barkiɗinaaɗo Laamiiɗo garoyɗo nder inde Joomiraawo! Jam e ton dow, en mawnin Allah!”

Galaatiyanko'en 2:16

Fuu e non, en andi Allah jaɓataa neɗɗo o aadiliijo ngam tokkuki Attawra, ammaa o jaɓaymo barka hoolaaki Yeesu Almasiihu. Enen maa en koolake Yeesu Almasiihu ngam Allah jaɓa'en en aadili'en barka hoolaaki Almasiihu, naa' ngam tokkuki Attawra. Ngam walaa mo Allah jaɓata o aadiliijo ngam tokkuki Attawra.

Yahaya 20:31

Ammaa ɗu'um ɗum windaa ngam koolooɗon Yeesu woni Almasiihu Ɓiɗɗo Allah, nden laawol hoolaakimo keɓon yonki ki re'ataa barka inde maako.

Roomanko'en 10:10

Ngam nder ɓernde neɗɗo hoolotoo Almasiihu nden Allah wartiramo aadiliijo, nden e honduko neɗɗo wi'ata e njayri Yeesu woni Joomiraawo hisa.

Roomanko'en 3:30

Allah o go'oto, gartirayɗo Yahuudanko'en aadili'en yeeso maako to ɓe koolake Yeesu. Non maa yimɓe naa' Yahuudanko'en, o wartirayɓe aadili'en to ɓe koolake Yeesu.

Roomanko'en 1:17

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Ibraaniyanko'en 13:20

Allah Joomu Jam umminii Yeesu Joomiraawo meeɗen daga mayde laawol ƴiiƴam alkawal tabotoongal. Kanjum waɗi Yeesu warti Duroowo Baali Mawɗo,

Aafisanko'en 2:7

Allah waɗii ɗu'um ngam e jaamanuuji garayɗi o holla yidde maako nde walaa keerol ngam ko Yeesu Almasiihu waɗi.

Galaatiyanko'en 3:25

Jooni nde hoolaaki Almasiihu warii, Attawra walaa laamu dow amin kadin.

Roomanko'en 10:15

Nden no yimɓe nga'ajinirta to ɓe lilaaka? Non no ɗum windiraa, “Ɗum fii boɗɗum yottaaki ɓen ɗon gadduɓe Habaru Belɗum.”

Roomanko'en 9:30

Ɗume mbi'eten kadin? Yimɓe naa' Yahuudanko'en ɓe ɗaɓɓitaayi ɓe ngarta aadili'en, kamɓe ngartiraa aadili'en, waato aadilaaku keɓeteeɗum barka hoolaaki Almasiihu.

Luka 2:14

“En mawnin Allah Mo Dow, jam jooɗoo nder duuniyaaru e dow yimɓe ɓe o nanata belɗum maɓɓe.”

Roomanko'en 3:22

Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol.

Yahaya 5:24

“E mi wi'a'on goonga, koo moye nanɗo boliiɗe am hoolii on ɗon liloyɗoyam e woodi yonki ki re'ataa, o taƴantaake kiita, o yaadake o ƴaɓɓake mayde o heɓii yonki ki re'ataa.

Roomanko'en 5:11

Ammaa naa' kanjum tan, haa maa en nana belɗum ngam ko Allah waɗi barka Joomiraawo meeɗen Yeesu Almasiihu, ciryootirɗo'en e Allah jooni.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,