Roomanko'en 4:25 - Fulfulde Nigeria

²⁵ O waraama ngam hakke meeɗen, nden o umminaama daga mayde ngam ngarten aadili'en yeeso Allah.

Roomanko'en 4:25 ပူးပေါင်းရင်းမြစ်များ

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

1 Biiturus 2:24

Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

1 Korintiyanko'en 15:17

Daa Almasiihu umminaaka, too, hoolaare mooɗon wartii meere, nden haa jooni on ngondi e hakke mooɗon,

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Roomanko'en 5:18

Ngam non, non no hakke neɗɗo go'oto fooɗirani fuu yimɓe kiita halkere, non maa kuugal aadilaaku ngal neɗɗo go'oto waɗi wartirii yimɓe ɗuɗɓe aadili'en hokkiiɓe yonki kesi.

Roomanko'en 3:25

Allah lilii Yeesu Almasiihu warta cakkiri, ngam to yimɓe koolakemo ɗum yaafanooɓe hakke maɓɓe barka ƴiiƴam maako. Allah waɗii ɗu'um ngam holla aadilaaku muuɗum. Ngam ndenno o munyanii gaɗuɓe hakke o taƴanaayiɓe kiita.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

2 Korintiyanko'en 5:15

O maayii ngam yimɓe fuu, ngam to' ɓe ngaɗa jonde belnanayndeɓe ɓerɗe, ammaa ɓe ngaɗa jonde belnanaynde on ɗon mayɗo ngam maɓɓe ummii daga mayde.

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Ibraaniyanko'en 8:3

Koo moye mawɗo mawɓe ardiiɗo diina o suɓa ngam o hokka Allah dokke o sakkanamo marle. Non maa Mawɗo Mawɓe Ardiiɓe Diina meeɗen doole heɓa ko sakkata.