Roomanko'en 4:11 - Fulfulde Nigeria

¹¹ Naaduki ki o waɗanaa woni alaama kolluɗum Allah jaɓii o aadiliijo ngam o hoolakemo ko o naadee. Ngam maajum, Ibraahim woni nyaako koo moye kooliiɗo Allah mo Allah wartiri aadiliijo, koo o naadaaka.

Roomanko'en 4:11 ပူးပေါင်းရင်းမြစ်များ

Roomanko'en 3:22

Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol.

Luka 19:9

Yeesu wi'imo, “Hande kisndam warii nder wuro ngo'o, ngam kanko maa o ɓiɗɗo Ibraahim.

Ibraaniyanko'en 11:7

Ngam Nuhu e hoolii Allah waɗi o jaɓi wagginol Allah dow ko waroyta yeeso ɗum yi'aaka e carel ngel. O waɗii ko Allah wi'i o waɗi komiwal ngam o hisna wuro maako. Non o holli yimɓe duuniyaaru ngaɗii ko wooɗaa, o boo wartii aadiliijo laawol hoolaaki Allah.

2 Korintiyanko'en 1:22

o waɗanii'en alaama maako kolluɗum enen ɗum ɓe maako. O hokkii'en Ruuhu maako nder ɓerɗe meeɗen, ngam ɗum tabbitinana'en ko o hokkata'en yeeso ɗo'o.

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

Aafisanko'en 4:30

Paamee, to' mettinanon Ruuhu Allah ɓernde, ngam Allah hokkii'onɗum ngam holla onon ɗum ɓe maako, nden Nyalnde Jaango o rimɗinay'on.

Aafisanko'en 1:13

Onon maa, on ngartii yimɓe Allah carel ko nanɗon wolde goonga, waato Habaru Belɗum dow Yeesu gaddanɗum'on kisndam. On koolakemo, Allah boo hokkii'on Ruuhu muuɗum ɗum o waɗani'on alkawal. Ruuhu ɗum hollii on ngartii ɓe maako.

Galaatiyanko'en 6:16

Jam Allah e yurmeende maako tabbita to ɓen ɗon tokkooɓe ekkitinol ngo'ol, waato yimɓe Allah ɓe goonga.

Galaatiyanko'en 5:5

En tabbitinii daga to Ruuhu Allah, o jaɓay'en en aadili'en ngam en koolake Almasiihu. En kaaɓii yiikiɗum.

Galaatiyanko'en 3:29

To Almasiihu jeyi'on, onon ngoni ɓiɓɓe Ibraahim, onon keɓata ko Allah waɗi alkawal.

Galaatiyanko'en 3:22

Ammaa aayaare wi'ii hakke haɓɓii koo moye gonɗo nder duuniyaaru, ngam ko Allah waɗi alkawal keɓeteeɗum to ɗum hoolake Yeesu Almasiihu, ɗum hokkayɗum kooliiɓemo.

Galaatiyanko'en 3:7

Too, on ngi'ii ɓiɓɓe Ibraahim ɓe goonga woni yimɓe kooliiɓe Allah.

Roomanko'en 10:11

Wonde aayaare wi'ii, “Koo moye kooliiɗomo semtintaake.”

Roomanko'en 10:6

Ammaa ɗu'um woni ko Wolde Allah wi'i dow wartuki aadiliijo barka hoolaaki Almasiihu, “Taa' wi'u nder ɓernde maaɗa, ‘Moye yahata ton dow?’ ” (Waato ngam waddoya Almasiihu nder duuniyaaru),

Roomanko'en 10:4

Ngam Almasiihu woni de'uɗo kuuɗe Attawra, ngam koo moye kooliiɗomo warta aadiliijo.

Yahaya 6:35

Yeesu wi'iɓe, “Min woni nyamndu kokkayndu yonki. Fuu garɗo to am fuɗɗitataa nana weelo, fuu kooliiɗoyam fuɗɗitataa nana ɗonka.

Wahayu Yahaya 9:4

Sey ɗum wi'iko to' ko meema geene, koo leɗɗe, koo goɗɗum fuɗe‑fuɗe, sey ni yimɓe ɓe ngalaa alaama Allah e tiiɗe maɓɓe tan.

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Roomanko'en 9:30

Ɗume mbi'eten kadin? Yimɓe naa' Yahuudanko'en ɓe ɗaɓɓitaayi ɓe ngarta aadili'en, kamɓe ngartiraa aadili'en, waato aadilaaku keɓeteeɗum barka hoolaaki Almasiihu.

Roomanko'en 9:6

Naa' e mi wi'a Allah hebbinaayi alkawal muuɗum. Ngam naa' fuu Israa'iilanko'en ngoni yimɓe Allah ɓe goonga.

Roomanko'en 3:26

O waɗu non ngam e carel ngel o holla kanko e hoore maako o aadiliijo, nden e mo waɗa koo moye kooliiɗo Yeesu warta aadiliijo.

Yahaya 8:33

Ɓe mbi'imo, “Min taaniraaɓe Ibraahim, min meeɗaayi wartuki maccuɓe goɗɗo. No waɗata mbi'aa, ‘Ɗum rimɗinaymin?’ ”

Yahaya 6:47

E mi wi'a'on goonga, koo moye kooliiɗoyam e woodi yonki ki re'ataa.

Yahaya 6:40

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

Yahaya 3:36

Koo moye kooliiɗo Ɓiɗɗo on e woodi yonki ki re'ataa. Ammaa koo moye mo tokkaayi ko Ɓiɗɗo on wi'i, o heɓataa yonki ki re'ataa, ammaa monnere Allah e dow maako haa abadaa.”

Maatiyu 16:16

Sey Siiman Biiturus nootii, wi'i, “An woni Almasiihu, Ɓiɗɗo Allah mo yonki.”

Maatiyu 8:11

E mi wi'a'on, yimɓe naa' Yahuudanko'en ɗuɗɓe ngaray daga fuuna e hirna ɓe njooɗoo ɓe nyaama nyamndu humto e Annabi Ibraahim, e Iciyaaku, e Yaakubu nder Laamu Allah.

Roomanko'en 9:33

no aayaare wi'i, “Ndaaree, mi resii hayre nder Sihiyoona gaɗaynde yimɓe peggoo, nde waɗay ɓe njana. Fuu kooliiɗomo semtintaake.”

Yahaya 3:33

Koo moye jaɓuɗo ko o wi'i tabbitinii jaɓii ko Allah wi'i ɗum goonga.

Roomanko'en 3:30

Allah o go'oto, gartirayɗo Yahuudanko'en aadili'en yeeso maako to ɓe koolake Yeesu. Non maa yimɓe naa' Yahuudanko'en, o wartirayɓe aadili'en to ɓe koolake Yeesu.

Roomanko'en 4:10

Ndeye fii ɗu'um waɗi? Ko Ibraahim naadee, koo gaɗa o naadaama? Ko o naadee ɗum waɗi, naa' gaɗa o naadaama.