Roomanko'en 3:4 - Fulfulde Nigeria

⁴ Goonga ɗum waawataa! Allah o gooduɗo goonga, koo nde koo moye neɗɗo o pewoowo. Non no ɗum windiraa, “Ngam ɗum tabbitina haala maaɗa e woodi goonga, nden nder kiita keɓaa jaalorgal.”

Roomanko'en 3:4 ပူးပေါင်းရင်းမြစ်များ

Galaatiyanko'en 2:17

Carel ngel ɗaɓɓiteten Allah jaɓa'en en aadili'en barka sumpootirki e Almasiihu, to ɗum tawrii'en e hakke, too, Almasiihu wartii gaɗoowo'en ngaɗen hakke won ɗon? Goonga naa' ɗum non!

Ibraaniyanko'en 6:18

Fii ɗiɗum ɗu'um, waato alkawal ngal e hunayeere nden ɗum waylitataako haa abadaa, ngam ɗum waɗataako Allah fewa. Non e sembiɗina'en, enen dogguɓe njahi to maako, njogooɗen kammunde gonde yeeso meeɗen boɗɗum.

Tiitus 1:2

Goonga ka'a waɗay ɓe ngaɗa ɓerɗe dow heɓuki yonki ki re'ataa. Allah waɗii alkawal dow yonki kin ko duuniyaaru tagee, o boo fewataa.

Yahaya 3:33

Koo moye jaɓuɗo ko o wi'i tabbitinii jaɓii ko Allah wi'i ɗum goonga.

Wahayu Yahaya 3:7

“Windan malaa'ikaajo kawtal tokkuɓe Yeesu wonɓe gariiri Filadelfiya wi'uki: “Min woni Ceniiɗo mo goonga jogiiɗo maɓɓitirgel Dawda. To o maɓɓitii dammugal, walaa maɓɓayɗongal, to o maɓɓiingal, walaa maɓɓitayɗongal.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

Roomanko'en 9:14

Ɗume mbi'eten? Jooni en mbi'ay Allah waɗii ciya aadilaaku won ɗon? Naa' non, koo seɗɗa!

1 Yahaya 5:10

Fuu kooliiɗo Ɓiɗɗo Allah tabbitinii ɗu'um nder ɓernde muuɗum. Ammaa fuu mo hoolaaki Allah, o wartirii Allah pewoowo won ɗon, ngam o wanyii o hooloo ko Allah tabbitini dow Ɓiɗɗo muuɗum.

Galaatiyanko'en 2:21

Mi wanyataa yidde Allah. Ngam to neɗɗo waaway wartuki aadiliijo ngam tokkuki Attawra, too, mayde Almasiihu wartii meere.

Roomanko'en 6:15

Ɗume ngaɗeten? En ngaɗay hakke ngam ley yidde Allah gonɗen naa' ley Attawra? To' en ngaɗu non!

Roomanko'en 3:31

To ɗum non, en alay tokkuki Attawra ngam en koolake Yeesu? Ɗum waɗataako! Sey ni, en tabbitinaɗum.

Maatiyu 11:19

Ɓii Neɗɗo boo warii e nyaama e yara, sey ɓe mbi'i, ‘Raa o'o, o beelaaɗo o jaroowo, higo jaɓooɓe ceede leydi e gaɗooɓe hakke.’ Fuu e non, tokkuɓe laawol Allah fuu e ɓe kolla kangol woni goongawol.”

Galaatiyanko'en 6:14

Ammaa min, koo seɗɗa mi mawnintaa hoore am sey ni dow gaafaangal Joomiraawo meeɗen Yeesu Almasiihu. Barka mayde maako dow gaafaangal, ko woni nder duuniyaaru wartii meere to am, min maa mi wartii meere to mayru.

Roomanko'en 11:1

E mi ƴama, Allah wanyii yimɓe muuɗum? Goonga, o wanyaayiɓe. Min e hoore am mi Israa'iilankeejo, taaniraawo Ibraahim daga lenyol Biliyaaminu.

2 Korintiyanko'en 1:18

Allah o gaɗoowo ko o wi'i, o ceyduujo amin, min mbi'ataa “Ee” e “Aa'a” carel go'o.

Roomanko'en 11:11

E mi ƴama, nde Yahuudanko'en njani nder hakke, ɓe ummataako won ɗon? Goonga naa' non! Ammaa ngam hakke ɗum ɓe ngaɗi, kisndam waranii yimɓe naa' Yahuudanko'en ngam Yahuudanko'en nana lawliiru maɓɓe.

Roomanko'en 7:7

Ɗume mbi'eten kadin? Attawra ɗum hakke? Goonga naa' non! Ammaa daa Attawra walaa, daa mi andaa ko woni hakke. Daa Attawra wi'aayino, “Taa' yiɗu fii ɗum a jeyaayi,” daa mi andaa yiɗuki fii ɗum mi jeyaayi wooɗaa.

Roomanko'en 6:2

Goonga naa' non! Haanaa nyamren yeeso e waɗuki hakke, ngam en njaadake en ngartii bo mayɓe to hakke. No waɗata kadin en nyamra yeeso e jonde nder hakke?

Luka 20:16

O waray o halkaɓe, o hokka woɓɓe ngesa kan.” Nde yimɓe nani non, ɓe mbi'i, “Allah hoyna!”

Roomanko'en 7:13

Too, ɗum ɗon dooka boɗɗum ɗum fooɗaniiyam halkere won ɗon? Naa' non! Ammaa ngam hakke andee ɗum hakke, ɗum pooɗaniiyam halkere laawol ɗum ɗon dooka boɗɗum, ngam e laawol dooka hakke warta fii kalluɗum naa' seɗɗa.

1 Korintiyanko'en 6:15

On andaa ɓalli mooɗon ɗum jokkooɗe ɓandu Almasiihu? Too, mi hoccay ɓandu Almasiihu mi hawtandu e ɓandu kaaruwaajo? Sam, mi waɗataa non!

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.