Roomanko'en 3:30 - Fulfulde Nigeria

³⁰ Allah o go'oto, gartirayɗo Yahuudanko'en aadili'en yeeso maako to ɓe koolake Yeesu. Non maa yimɓe naa' Yahuudanko'en, o wartirayɓe aadili'en to ɓe koolake Yeesu.

Roomanko'en 3:30 ပူးပေါင်းရင်းမြစ်များ

Galaatiyanko'en 3:8

Ko neeɓi aayaare wi'ii Allah jaɓay yimɓe naa' Yahuudanko'en ɓe aadili'en to ɓe koolakemo. Kanjum waɗi Allah wa'ajinani Ibraahim Habaru Belɗum wi'i, “Barka maaɗa ɗum barkiɗinay koo ngole lenyol nder duuniyaaru.”

Galaatiyanko'en 3:20

Ammaa nde Allah waɗani Ibraahim alkawal, o meddi e Ibraahim kanko e hoore maako.

Filibiyanko'en 3:3

Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

Galaatiyanko'en 6:15

Ngam walaa feerootirol hakkunde naadaaɗo e mo naadaaka. Ko ɓuri woni Allah wartira neɗɗo keso.

Galaatiyanko'en 5:6

Ngam to en cumpootira e Yeesu Almasiihu, naadeeki e ciya naadeeki fuu walaa ko nafi. Ammaa ko ɓuri woni hoolaaki Almasiihu. Ko hollata en koolimo woni ngiɗen yimɓe e Allah.

Galaatiyanko'en 3:28

Ngam non walaa feerootirol hakkunde Yahuudanko'en e naa' Yahuudanko'en, e hakkunde maccuɓe e naa' maccuɓe, e hakkunde worɓe e rewɓe. On fuu on ngartii go'o nder sumpootirki e Yeesu Almasiihu.

Roomanko'en 3:28

Ngam en andi neɗɗo wartay aadiliijo yeeso Allah to hoolake Yeesu, naa' ngam tokkuki Attawra.

Roomanko'en 2:26

To neɗɗo mo naadaaka tokkii ko Attawra wi'i, naa' Allah yi'aymo bo o naadaaɗo?

Roomanko'en 2:27

Neɗɗo mo naadaaka, to o tokkii Attawra, o hollay on ngaɗii ko wooɗaa, ngam on ngewi Attawra koo nde on ngoodiɗum bindaaɗum nden on naadaaɓe.

Roomanko'en 3:22

Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol.

Roomanko'en 4:9

Too, barka ɗu'um, Yahuudanko'en tan keɓataɗum, koo haa e yimɓe naa' Yahuudanko'en? En mbi'ii, “Ibraahim hoolake Allah; ngam maajum Allah wi'i o aadiliijo.”

Roomanko'en 4:16

Ngam non, yimɓe kooliiɓe Allah ngoni keɓooɓe ko o waɗi alkawal, ngam ɗum heɓa ko o waɗi alkawal caahu, nden fuu ɓiɓɓe ɓiɓɓeeji Ibraahim tabbitina heɓukiɗum, naa' tokkooɓe Attawra tan, ammaa haa e kooliiɓe Allah non no Ibraahim hooloriimo. Ngam Ibraahim woni nyaako meeɗen en fuu.

1 Timooti 2:5

Ngam Allah o go'oto, nden ciryootirɗo hakkunde Allah e yimɓe o go'oto. Kanko woni Yeesu Almasiihu,