Roomanko'en 3:20 - Fulfulde Nigeria

²⁰ Ngam walaa neɗɗo noddeteeɗo aadiliijo yeeso Allah ngam tokkuki Attawra, ngam ko Attawra waɗata woni ɗum holla neɗɗo hakke muuɗum.

Roomanko'en 3:20 ပူးပေါင်းရင်းမြစ်များ

Galaatiyanko'en 2:16

Fuu e non, en andi Allah jaɓataa neɗɗo o aadiliijo ngam tokkuki Attawra, ammaa o jaɓaymo barka hoolaaki Yeesu Almasiihu. Enen maa en koolake Yeesu Almasiihu ngam Allah jaɓa'en en aadili'en barka hoolaaki Almasiihu, naa' ngam tokkuki Attawra. Ngam walaa mo Allah jaɓata o aadiliijo ngam tokkuki Attawra.

Kuuɗe Lilaaɓe 13:39

Kooliiɗomo fuu, o rimɗinaymo daga hakke ɗum Attawra waawaayi rimɗinkiɗum.

Roomanko'en 3:28

Ngam en andi neɗɗo wartay aadiliijo yeeso Allah to hoolake Yeesu, naa' ngam tokkuki Attawra.

Galaatiyanko'en 2:19

Ndenno e mi tokka Attawra, ammaa ɗum yoofiiyam daga bawɗe maajum, ngam mi waɗa jonde huwanki Allah.

Roomanko'en 4:15

Attawra e wadda monnere Allah, ammaa fuu to dooka walaa, naa' no ɗum waɗata ɗum yewa dooka.

Roomanko'en 9:32

Ngam ɗume? Ngam ɓe ɗaɓɓitaayi wartuki aadili'en barka hoolaaki Allah, ammaa ɓe ɗaɓɓitiiɗum e laawol waɗuki kuuɗe boɗɗe. Ɓe peggii nden ɗon “hayre gaɗoore yimɓe peggoo,”

Roomanko'en 5:20

Attawra waddaama ngam ko wooɗaa ɗum yimɓe ngaɗata wurtoo e njayri. Ammaa fuu to hakke ɓeydii, sey yidde Allah ɓura ɓeydaaki.

Roomanko'en 4:13

Allah waɗanii Ibraahim e ɓiɓɓe ɓiɓɓeeji maako alkawal wiiki kamɓe ndonata duuniyaaru. Allah waɗii alkawal nga'al naa' ngam Ibraahim e tokka ko Attawra wi'i, ammaa ngam aadilaaku keɓeteeɗum barka hoolaaki Allah.

Galaatiyanko'en 5:4

Onon giɗuɓe wartuki aadili'en ngam tokkuki Attawra, on cendirii e Almasiihu, on cendirii e caahu Allah.

Roomanko'en 5:13

Goonga, ko Attawra waddee, hakke e ɗon nder duuniyaaru, ammaa Allah jogataako hakke neɗɗo nder ɓernde muuɗum to dooka walaa.

Roomanko'en 2:13

Ngam naa' nanooɓe ko Attawra wi'i ngoni aadili'en yeeso Allah, ammaa tokkuɓe ko ɗum wi'i, kamɓe noddirtee aadili'en.

Roomanko'en 7:11

Hakke keɓii laawol nder dooka, ɗum kuutiriiɗum, ɗum ƴoyriiyam, ɗum fooɗaniiyam halkere.

1 Korintiyanko'en 15:56

Ngam hakke woni tooke pooɗayɗe mayde, nden bawɗe hakke to Attawra ƴiwi.

Ibraaniyanko'en 7:19

Ngam Attawra waɗataa koo ɗume warta kewɗum. Ammaa jooni ɗum hokkii'en ko ɓuri wooɗuki ɗum ngaɗeten kammunde dow maajum. Laawol maajum ɓaddotooɗen haade Allah.