Roomanko'en 2:13 - Fulfulde Nigeria

¹³ Ngam naa' nanooɓe ko Attawra wi'i ngoni aadili'en yeeso Allah, ammaa tokkuɓe ko ɗum wi'i, kamɓe noddirtee aadili'en.

Roomanko'en 2:13 ပူးပေါင်းရင်းမြစ်များ

1 Yahaya 3:7

Onon ɓiɓɓe am, to' on alu goɗɗo majjina'on. Koo moye gaɗoowo aadilaaku, kanko woni aadiliijo non no Almasiihu woni Aadiliijo.

Roomanko'en 2:25

Taa tokkii ko Attawra wi'i, naaduki maaɗa e nafi. Ammaa taa yewii ko Attawra wi'i, naaduki maaɗa wartii bo a naadaaka.

Galaatiyanko'en 2:16

Fuu e non, en andi Allah jaɓataa neɗɗo o aadiliijo ngam tokkuki Attawra, ammaa o jaɓaymo barka hoolaaki Yeesu Almasiihu. Enen maa en koolake Yeesu Almasiihu ngam Allah jaɓa'en en aadili'en barka hoolaaki Almasiihu, naa' ngam tokkuki Attawra. Ngam walaa mo Allah jaɓata o aadiliijo ngam tokkuki Attawra.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

Roomanko'en 10:5

Muusa windii dow wartuki aadiliijo laawol tokkuki Attawra, o wi'ii, “Koo moye gaɗoowo ko Attawra wi'i o heɓay jonde nde goonga.”

Luka 8:21

Ammaa o nootii, o wi'i, “Nanooɓe Wolde Allah, ngaɗa ko nde wi'i, kamɓe ngoni maduujo am e minyiraaɓe am.”

Roomanko'en 3:30

Allah o go'oto, gartirayɗo Yahuudanko'en aadili'en yeeso maako to ɓe koolake Yeesu. Non maa yimɓe naa' Yahuudanko'en, o wartirayɓe aadili'en to ɓe koolake Yeesu.

Kuuɗe Lilaaɓe 13:39

Kooliiɗomo fuu, o rimɗinaymo daga hakke ɗum Attawra waawaayi rimɗinkiɗum.

Luka 18:14

E mi wi'a'on, jaɓoowo ceede leydi on hootii wuro o jaafanaaɗo hakke maako, ammaa Faarisankeejo on yaafanaaka. Ngam koo moye mawninɗo hoore muuɗum o pamɗinteeɗo, nden lestinɗo hoore muuɗum boo o mawninteeɗo.”

Galaatiyanko'en 5:4

Onon giɗuɓe wartuki aadili'en ngam tokkuki Attawra, on cendirii e Almasiihu, on cendirii e caahu Allah.

Roomanko'en 3:23

Koo moye neɗɗo waɗi hakke woɗɗitake ko Allah yiɗi o waɗa.

Roomanko'en 3:20

Ngam walaa neɗɗo noddeteeɗo aadiliijo yeeso Allah ngam tokkuki Attawra, ngam ko Attawra waɗata woni ɗum holla neɗɗo hakke muuɗum.

Yahaya 13:17

Jooni nde on andi fuu fii ɗu'um, on barkiɗinaaɓe to on ngaɗiiɗum.

1 Korintiyanko'en 4:4

Ɓernde am e ranni tar, ammaa non hollaayi mi waɗaayi goɗɗum ko wooɗaa. Joomiraawo woni daarayɗo kuugal am wi'a koo ko ngaɗumi e wooɗi koo ɗum wooɗaa.

Yaakubu 1:27

Diina laaɓuka ka Allah Nyaako meeɗen Mo Dow yiɗi, kanka woni walluki maraaya'en e rewɓe ɓe worɓe mu''en maayi torrotooɓe, nden e suruki hoore daga hoccuki tuundi duuniyaaru.