Roomanko'en 2:12 - Fulfulde Nigeria

¹² Koo moye gaɗɗo hakke, to o walaa ley Attawra, o waɗantaake kiita dow ko Attawra wi'i. Ammaa koo moye gonɗo ley Attawra, to waɗii hakke, ɗum waɗanaymo kiita dow ko Attawra wi'i.

Roomanko'en 2:12 ပူးပေါင်းရင်းမြစ်များ

1 Korintiyanko'en 9:21

Nder yimɓe ɓe ngalaa ley laamu Attawra boo, mi wartirii hoore am bo mo walaa ley laamu Attawra ngam mi waddaɓe to Almasiihu kamɓe maa. Non hollaayi mi tokkaayi dooka Allah, ammaa e mi tokka dooka Almasiihu.

Galaatiyanko'en 3:10

Fuu giɗɓe welnanki Allah ɓernde laawol tokkuki Attawra ɓe laanaaɓe. Ngam aayaare wi'ii, “Koo moye mo tokkaayi koo ɗume bindaaɗum nder deftere Attawra o laanaaɗo.”

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Roomanko'en 1:32

E ɓe andi Allah wi'ii yimɓe gaɗooɓe iri kuuɗe ɗen ɗon e haani ɓe kalkee. Fuu e non, naa' kuuɗe ɗen tan ɓe ngaɗata, haa maa e ɓe mbi'a gaɗooɓe kuuɗe ɗen e ngaɗa ko wooɗi.

Maatiyu 11:24

Ammaa e mi wi'a'on, Nyalnde Jaango Allah ɓuray yurminanki yimɓe Sodom dow mooɗon.”

Yaakubu 2:10

Ngam fuu tokkuɗo dookaaji ɗi fuu, ammaa o yewi go'o, too, o yewiiɗi ɗi fuu.

Roomanko'en 4:15

Attawra e wadda monnere Allah, ammaa fuu to dooka walaa, naa' no ɗum waɗata ɗum yewa dooka.

Maatiyu 11:22

Ammaa e mi wi'a'on, Nyalnde Jaango Allah ɓuray yurminanki yimɓe Taaya e Sidon dow mooɗon.

Galaatiyanko'en 3:22

Ammaa aayaare wi'ii hakke haɓɓii koo moye gonɗo nder duuniyaaru, ngam ko Allah waɗi alkawal keɓeteeɗum to ɗum hoolake Yeesu Almasiihu, ɗum hokkayɗum kooliiɓemo.

Yahaya 19:11

Yeesu nootii wi'i, “A walaa laamu dow am to naa' Joomiraawo hokkumaa. Ngam non, neɗɗo gaɗuɗoyam nder jungo maaɗa waɗii hakke ɓurɗum halluki.”

Kuuɗe Lilaaɓe 2:23

Fuu e non on kokkitiriimo nder juuɗe kalluɓe. On ngaɗii ɓe ɓiliimo dow gaafaangal, ɓe mbarimo. Fuu e non, non Allah siryorii fii ɗum waɗira.