Roomanko'en 14:8 - Fulfulde Nigeria

⁸ To ni en ngaɗa jonde, en ngaɗande ngam Joomiraawo. To en maayi boo, en maayu ngam Joomiraawo. Ngam non, koo en foofa, koo en maayii, Joomiraawo jeyi'en.

Roomanko'en 14:8 ပူးပေါင်းရင်းမြစ်များ

Filibiyanko'en 1:20

Ko kaaɓumi yiiki e ko kammiimi woni to' mi semtina hoore am koo seɗɗa, ammaa mi meta e sembe ɓernde, ngam jooni e koo ndeye ɗum mawnina Almasiihu nder koo ɗume ko ngaɗaymi, koo laawol jonde am, koo laawol mayde am.

1 Tasaloonikanko'en 5:10

Kanko maayi ngam meeɗen, ngam koo en ngoodi yonki koo en maayii, en njooɗodoto e maako.

1 Korintiyanko'en 15:23

Ammaa raa no ummaaki mayɓe wa'ata. Arande Almasiihu umminaama daga mayde, nden nyalnde nde o wartoyi ɗum umminay fuu yimɓe maako daga mayde.

Kuuɗe Lilaaɓe 21:13

Bulus nootii, wi'imin, “Alee bojji, to' on ngewanam ɓernde! E mi siryii naa' mi haɓɓee tan, ammaa haa mi maaya ton Urucaliima ngam inde Yeesu Joomiraawo.”

Wahayu Yahaya 14:13

Sey puɗɗutumi nanmi wonde hononde daga dow e wi'a, “Windu ɗu'um, ‘Ɓe barkiɗinaaɓe maayayɓe daga jooni e tokki Joomiraawo.’ ” Ruuhu Allah wi'ii, “Goonga, ɓe ciwtoto daga kuugal maɓɓe e torra maɓɓe, ngam ko ɓe ngaɗi tokkayɓe.”

Filibiyanko'en 2:17

Kuuɗe ɗe kuwoton ngam on koolake Joomiraawo, bo cakkiri ɗe ngoni to maako. Koo to ɗum rufay ƴiiƴam am dow cakkiri ndin, mi nanay belɗum, mbelmbelten en fuu.

Kuuɗe Lilaaɓe 20:24

Ammaa mi hoccaayi yonki am bono goɗɗum geetum, to ni mi heɓii mi heenyii kuugal ngal Yeesu Joomiraawo hokkiyam, waato wa'ajinki Habaru Belɗum ɗum yidde Allah.

Filibiyanko'en 2:30

Ngam ndenno o ɓadake o maaya dow kuugal Almasiihu. O soorii yonki maako ngam o huwa kuugal wallukiyam ngal on mbaawataa huwuki.

Kuuɗe Lilaaɓe 13:36

Dawda huwii ko Allah yiɗi nder jaamanu muuɗum. Gaɗa maajum o maayi, o uwaa haade maama'en maako, o nyolii.

Yahaya 21:19

Yeesu wi'u ɗu'um ngam holla iri mayde nde Biiturus waɗata ngam mawninki Allah. Sey Yeesu wi'imo, “Tokkam.”

Luka 20:38

Kanko naa' o Allah mayɓe, ammaa o Allah gooduɓe yonki. Ngam to maako, koo moye e woodi yonki.”