Roomanko'en 14:2 - Fulfulde Nigeria

² Goɗɗo e andi Allah aliimo o nyaama koo iri nduye nyamndu, ammaa neɗɗo gooduɗo hoolaare nde sembiɗaa nyaamataa koo iri nduye nyamndu.

Roomanko'en 14:2 ပူးပေါင်းရင်းမြစ်များ

1 Timooti 4:4

Ngam fuu ko Allah waɗi e ɗum wooɗi. Nden to' ɗum wanya koo ɗume, ammaa ɗum jaɓee nder yettoore,

Roomanko'en 14:14

E mi andi mi tabbitinii ngam sumpo am e Yeesu Joomiraawo, walaa nyamndu ndu laaɓaa yeeso Allah. Ammaa fuu koccuɗo wondu nyamndu bo ndu laaɓaa, too, to maako ndu laaɓaa.

Ibraaniyanko'en 13:9

To' on njaɓu ekkitinol ngol tokkaayi laawol goonga majjina'on. E ɗum wooɗi yidde Allah sembiɗina ɓerɗe meeɗen, naa' tokkuki dookaaji dow nyamndu. Iri ɗin ɗon dookaaji nafantaa tokkooɓeɗi.

Galaatiyanko'en 2:12

Ko woɓɓe yimɓe ɓe Yaakubu lili njottoo ton, Biiturus e nyamda e yimɓe naa' Yahuudanko'en. Ammaa gaɗa yimɓe ɓen njottake, Biiturus hakkiti hoore muuɗum e maɓɓe, ngam e mo hula ɓen ɗon yimɓe bi'ooɓe doole yimɓe naa' Yahuudanko'en tokkuɓe Yeesu naadee.

Ibraaniyanko'en 9:10

Nyamki e yarki e loote‑loote feere‑feere ngam diina, ɗum dookaaji ngam ɓandu tan, ɗi ɗum waɗi naa carel alkawal kesal waɗii.

Tiitus 1:15

Koo ɗume e laaɓani ɓe ɓerɗe laaɓuɗe. Ammaa ɓe ɓerɗe ɗe laaɓaa e ɓe njaɓaayi goonga, walaa ko laaɓaniɓe, ngam hakke wonnii ɓerɗe maɓɓe e nyumol maɓɓe.

1 Korintiyanko'en 10:25

Nyaamee koo ngele kusel cooreteengel to luumo. To' on ƴamu koo ɗum sakkaniingel gunkiiji.

Roomanko'en 14:1

Njaɓee fuu tokkuɗo Yeesu gooduɗo hoolaare nde sembiɗaa, ammaa to' on ngeddootir e maako dow nyumol maako.

Roomanko'en 14:20

Taa' lallin kuugal Allah ngam nyamndu. Koo nduye nyamndu e laaɓi, ammaa ɗum wooɗaa neɗɗo nyaama nyamndu gaɗayndu goɗɗo waɗa hakke.

Roomanko'en 15:1

Enen cembiɗɓe nder tokkuki Yeesu, e haani munyanen ɓe cembiɗaa nder tokkuki Yeesu. Nden to' en mbelnan ko'e meeɗen ɓerɗe tan.

1 Korintiyanko'en 8:9

On kokkaama laawol nyaamon koo iri nduye nyamndu. Ammaa paamee to' non warta ko majjinta mo sembiɗaa nder tokkuki Yeesu.

1 Korintiyanko'en 9:22

Nder yimɓe ɓe cembiɗaa nder tokkuki Yeesu, mi wartirii hoore am bo mo sembiɗaa, ngam mi waddaɓe to Almasiihu. Mi wartirii hoore am bo koo iri moye neɗɗo ngam e koo ngole laawol mi hisna woɓɓe.