Roomanko'en 13:11 - Fulfulde Nigeria

¹¹ Ngaɗee ɗu'um, ngam on andi iri jaamanu ɗum ngonɗen nder. Carel waɗii ngel ummotooɗon daga ɗeyngol. Ngam nyalnde nde Allah hisnata'en e ɓeyda ɓaddoyaaki koo ndeye nyalnde daga nyalnde nde kooliiɗen Yeesu.

Roomanko'en 13:11 ပူးပေါင်းရင်းမြစ်များ

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.

Aafisanko'en 5:14

ngam jayngol e holla koo ɗume. Kanjum waɗi ɗum wi'i, “Umma, an ɗaaniiɗo, umma daga nder mayɓe, nden Almasiihu yeynante.”

1 Korintiyanko'en 15:34

Ngartee nder hakkiilo mooɗon no haani, alee waɗuki hakke, ngam e woodi woɓɓe mooɗon ɓe ngalaa andal dow Allah. Mi wi'u non ngam cemton.

Wahayu Yahaya 22:20

On ɗon ceydinɗo fii ɗu'um fuu e wi'a, “Goonga e mi waroya naa' ko neeɓi.” Aamin. Woroy Yeesu Joomiraawo!

Luka 21:28

To fii ɗu'um fuɗɗii waɗuki, ummee ndarooɗon, ƴefton ko'e mooɗon ndaaron dow, ngam kisndam mooɗon ɓadake.”

Wahayu Yahaya 22:12

“Raɗɗum e mi waroya naa' ko neeɓi! Mi wardanay koo moye e ko waatantee ngam ko waɗi.

1 Korintiyanko'en 10:11

Ɗu'um fuu heɓuɓe ngam ɗum warta misaalu to meeɗen, nden ɗum windaa ngam ɗum waggina'en, enen gonɓe re'irde jaamanu.

Maatiyu 16:3

Ɗonmaa to subaka waɗii on ngi'ii dow woojii e woodi duule koo toye, on mbi'a, ‘Hande ɗum waɗay iyeende.’ On mbaawi raaruki ko woni e dow andon ko waɗata, ammaa on mbaawataa faamuki ma'ana kuuɗe ɗe ngaɗaymi.

Yaakubu 5:8

Onon maa, munyee. Cembiɗinee ɓerɗe mooɗon, ngam wartoyki Joomiraawo ɓadake.

2 Biiturus 3:9

Woɓɓe e mbi'a Joomiraawo neeɓay ko hebbina alkawal muuɗum. Naa' ɗum non, ammaa munyal o waadata e mooɗon, ngam o yiɗaa koo moye halka, sey ni koo moye ala waɗuki hakke, tuuba.

2 Biiturus 3:11

Nde koo ɗume halkiray niini, iri ɓeye yimɓe haani ngarton? E haani ngaɗon jonde ceniinde e jonde kulol Allah,

1 Yahaya 2:18

Onon ɓiɓɓe am, timmoode duuniyaaru ɓadake, non no nanɗon Ganyo Almasiihu e wara. Nden jooni wanywanyɓe Almasiihu njaadake mbangii. Ngam maajum en andi timmoode duuniyaaru ɓadake.

Wahayu Yahaya 1:3

O barkiɗinaaɗo neɗɗo janganoowo woɓɓe ɗu'um habaru ɗum annabaaku, nden ɓe barkiɗinaaɓe nanɓe ko windaa nder deftere nde'e tokkande, ngam carel ko fii ɗum wangata ɓadake.

Wahayu Yahaya 22:10

Nden o wi'iyam, “Taa' suuɗu haala annabaaku deftere nde'e. Ngam carel ɓadake ngel fuu fii ɗu'um waɗata.