Roomanko'en 12:3 - Fulfulde Nigeria

³ Ngam caahu ɗum Allah hokkiyam, e mi wi'a koo moye mooɗon, to' hocca hoore muuɗum ko ɓuri no haani. Ammaa koo moye faama no hocciri hoore muuɗum. Koo moye hocca hoore muuɗum ko fottidi e hoolaaki Allah ki Allah hokkimo.

Roomanko'en 12:3 ပူးပေါင်းရင်းမြစ်များ

Galaatiyanko'en 6:3

To goɗɗo e nyuma kanum ɗum goɗɗum koo nde naa' o goɗɗum, e mo majjina hoore maako.

1 Biiturus 5:5

Onon sukaaɓe, ngaɗee ko mawɓe kawtal tokkuɓe Yeesu gonɓe nder mooɗon mbi'i. On fuu ngartee leynooɓe ko'e, mballindiree hakkunde mooɗon. Ngam aayaare wi'ii, “Allah wanyii gooduɓe mangu hoore, ammaa e mo walla lesnuɓe ko'e.”

Roomanko'en 12:16

Njooɗee jonde jam hakkunde mooɗon. To' on mawnin ko'e mooɗon, ammaa kawtee ko'e mooɗon e yimɓe ɓe ɗum hocci naa' ɓe goɗɗum. To' on koccu ko'e mooɗon bo on ɓurii yimɓe koriiɓe faamu.

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.

Yaakubu 4:6

Ammaa Allah e ɓeyda walluki'en. Kanjum waɗi aayaare wi'i, “Allah wanyii gooduɓe mangu hoore, ammaa e mo walla lesnuɓe ko'e.”

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

1 Korintiyanko'en 7:17

E haani koo moye nyamra yeeso e waɗuki jonde non no Joomiraawo suɓiri o jooɗoroo non no o wontindirnoo ko Allah noddamo. Kanjum woni ko ekkitinaymi koo toye nder tokkuɓe Yeesu.

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.

Tiitus 2:2

Wi'u ndotti'en to' ɓe ngarta jarooɓe, ammaa ɓe ngarta ɓe hakkiilo, ɓe cura ko'e maɓɓe. E haani ɓe kooloo Allah naa' seɗɗa, ɓe keewa yidde e munyal.

2 Korintiyanko'en 12:7

Allah holliiyam wahayu mawɗum. Ammaa ngam to' mi ƴefta hoore am, sey ɗum yowaniyam goɗɗum ɗum wartaniyam bo gi'al nder ɓandu, bo goɗɗo Ceyɗan liloyi waɗa ka torrukiyam.

Roomanko'en 11:20

Ɗu'um ɗum goonga. Ɓe itta daga lekki kin ngam ɓe koolaaki Allah, ammaa an boo a takka e lekki kin ngam a hoolake Almasiihu. Ngam non, taa' mawnin hoore, ammaa jooɗa nder kulol Allah.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

1 Biiturus 1:13

Ngam non, ciryee ɓerɗe mooɗon, curee ko'e mooɗon, ngaɗee kammunde mooɗon fuu dow barka ɗum um hokkata'on nyalnde wartoyki Yeesu Almasiihu.

Tiitus 2:4

ngam ɓe ekkita rewɓe sukaaɓe no ngiɗirta worɓe maɓɓe e ɓiɓɓe maɓɓe,

1 Korintiyanko'en 15:10

Ammaa ngam yidde nde Allah holliyam mi wartii ko ngonmi hande, nden yidde nde o holliyam wartaayi meere. Mi ɓurii koo moye lilaaɗo huwuki, koo nde naa' ɗum min huwata, ɗum yidde Allah gondunde e am huwata.

Yahaya 3:34

On ɗon mo Allah lili, e mo meta ko Allah wi'i, ngam Allah hokkiimo Ruuhu muuɗum keerol walaa.

Aafisanko'en 4:16

Kanko hawti jokkooɗe ɓandu ndun. To koo ɗume e ɓandu ndun e huwa no haani, ɓandu ndun mawnay, sembiɗa, yiɗindira.

Luka 18:11

Faarisankeejo on darii, waɗi do'aare nder ɓernde muuɗum wi'i, ‘Allah, mi yettiima ngam mi waɗataa ko woɓɓe yimɓe ngaɗata, bo wuyɓe, e gaɗooɓe ko wooɗaa, e gaɗooɓe njeenu, koo maa bo jaɓoowo ceede leydi o'o.

Tiitus 2:6

Non maa waggin kaye'en ɓe cura ko'e maɓɓe.

1 Timooti 2:15

Fuu e non, rewɓe nder danyngol ɓiɓɓe ɓe kisay to ɓe ngaɗii ka hoolaaki Yeesu e ɓe kolla yidde e ɓe ngaɗa jonde lamnde e semteende.

1 Timooti 2:9

Non maa, e mi yiɗi rewɓe ɓornoo kolte no haani ngam semteende e faamanki hoore. Mi yiɗaa ɓe ɓornoo kolte ɗe ceede e mo''itinaaki koccayki hakkiilo yimɓe bo mo''inki gaasa, koo waɗuki coddi, koo jiinaari,

1 Timooti 1:14

Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu.

Aafisanko'en 3:4

To on jangii ko mbindumi, on anday e mi woodi faamu dow sirru Almasiihu.

2 Korintiyanko'en 12:13

Ɗume ngaɗanmi goɗɗe kawte tokkuɓe Yeesu ɗum mi waɗanaayi'on? Fii go'o ɗum mi waɗaayi woni mi toroo'on ballal. Njaafaneeyam ɗu'um ɗum ngaɗumi!

1 Korintiyanko'en 3:10

Barka dokkal ngal Allah hokkiyam, mi fuɗɗii maadi bo mahoowo bawɗo maadi naa' seɗɗa. Mi fuɗɗi maadii, nden goɗɗo e maha dow fuɗɗoode nden. Ammaa koo moye mahoowo dow fuɗɗoode nden o faama iri mahuki ki o mahata.

Roomanko'en 11:25

Bandiraaɓe am, mi yiɗaa ndullon anduki sirru ɗu'um, ngam to' ngarton ɓe mangu hoore. Israa'iilanko'en ɗuɗɓe ngaɗay ka wanyuki ko Allah wi'i sey to carel waɗii ngel fuu yimɓe naa' Yahuudanko'en ɓe Allah suɓi kooliimo.

3 Yahaya 1:9

Mi windanii kawtal tokkuɓe Yeesu gonɓe to maaɗa, ammaa Diyotaarifis wanyii ko mbiimi ngam e mo yiɗi o warta mawɗo dow mooɗon.

Koloosiyanko'en 2:13

Ndenno on nandi e mayɓe ngam hakke ɗum ngaɗɗon, kadin ngam ɗum ittanaayi'on ngikku mooɗon giɗɗum waɗuki hakke. Ammaa jooni Allah hokkii'on yonki nder sumpootirki e Almasiihu. O yaafanake'en fuu hakke meeɗen.

Koloosiyanko'en 1:29

Kanjum waɗi e mi huwa, e mi fiida, e mi huutira fuu sembe Almasiihu kuwoojum e bawɗe nder am.

Aafisanko'en 3:2

Goonga on nanii Allah hokkiiyam kuugal nga'al mi huwangal ngam ɓeydaari mooɗon.

2 Korintiyanko'en 10:13

Minon boo, min mantitataako ko ɓuri no haani, sey ni min ndaroo dow keerol ngol Allah nokkanimin. Ɗu'um hawtii e kuugal ngal min kuwata nder mooɗon.

Filibiyanko'en 2:13

Ngam Allah e huwa nder ɓerɗe mooɗon ngam o waɗa'on ngiɗon waɗuki ko o yiɗi, mbaawon waɗukiɗum.