Roomanko'en 12:12 - Fulfulde Nigeria

¹² Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

Roomanko'en 12:12 ပူးပေါင်းရင်းမြစ်များ

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Ibraaniyanko'en 10:36

E haani munyon ngam ngaɗon ko Allah yiɗi, keɓon ko o waɗi alkawal.

1 Biiturus 4:13

Ammaa nanee belɗum to on njara torra iri ka Almasiihu yari, ngam to o wartii nder mangu maako nanon belɗum naa' seɗɗa.

Yaakubu 5:7

Ngam non, bandiraaɓe am, ngaɗee munyal haa yaaki nyalnde nde Joomiraawo wartata. Ndaaree no demoowo munyirta ngam ndiyam seeto e ɗam ƴaawol ɓendina fii boɗɗum ɗum o remi.

Ibraaniyanko'en 6:15

Non boo, gaɗa Ibraahim munyii, o heɓii ko Allah waɗanimo alkawal.

Ibraaniyanko'en 6:12

Min ngiɗaa ngarton tampuɓe, ammaa tokkee laawol donuɓe ko Allah waɗi alkawal barka hoolaare maɓɓe e munyal maɓɓe.

Filibiyanko'en 4:4

Koo ndeye nanee belɗum ngam Joomiraawo. E mi fuɗɗita e mi wi'a'on, nanee belɗum!

Ibraaniyanko'en 12:1

Ngam maajum, nde e woodi yimɓe ɗuɗɓe kolluɓe no ɓe koolorii Allah, en cendir e koo ɗume kaɗayɗum'en waɗuki ko haani ngaɗen e hakke kaɓɓuɗum'en. En ngaɗu ko mbaaweten waɗuki njottinen ko Allah wi'i ngaɗen.

Koloosiyanko'en 4:2

Ngaɗee ka waɗuki do'aare, ngaɗee hakkiilo mooɗon dow do'aare nden, on ngetta Allah.

2 Tasaloonikanko'en 3:5

Joomiraawo waɗa ɓeydon anduki yidde Allah o waɗa'on munyon nder torraaji ɗi njaroton non no Yeesu munyiri nder torraaji kalluɗi ɗi o yari.

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Kuuɗe Lilaaɓe 1:14

Ɓe fuu, e ɓe kawrita ɓe ngaɗa do'aare e ɓernde go'o, kamɓe e Maryaama maduujo Yeesu e minyiraaɓe Yeesu worɓe, e woɓɓe rewɓe ɗonmaa.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

Ibraaniyanko'en 10:32

Ammaa ciftoree balɗe arandeeje ɗe ɗum famtini'on dow Almasiihu. On munyii nder yarki torra kalluka.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

Koloosiyanko'en 1:11

Allah sembiɗina'on e fuu sembe bawɗe maako tedduɗe, o waɗa'on ndarooɗon e sembe ngam mbaawon munyon nder koo ɗume ko heɓi'on,

Ibraaniyanko'en 5:7

Carel ko Yeesu woni nder duuniyaaru, o waɗii do'aaje e hononde cembinde e gonɗi o torake Allah baawayɗo hisnukimo daga mayde. Ɗum boo jaɓii do'aare maako ngam o waɗii ko Allah wi'i nder kulol Allah.

Wahayu Yahaya 13:10

Koo moye ɗum windi naa yahii maccungaaku, too, naa yahii: nden koo moye ɗum windi e kaafahi o wardetee, too, e kaafahi kin o wardetee. Ngam maajum sey yimɓe Allah kooloomo ngaɗa munyal.”

2 Biiturus 1:6

Nden ɓeydanee andal mooɗon suruki hoore, ɓeydanon suruki hoore mooɗon munyal, ɓeydanon munyal mooɗon kulol Allah.

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

2 Tasaloonikanko'en 1:4

Kanjum waɗi minon e ko'e amin e min mantoroo'on nder kawte tokkuɓe Allah. E min ɗiiwitanaɓe no munyirɗon e hoolaare mooɗon nder fuu torraaji e caɗeele ɗe njaroton.

1 Korintiyanko'en 13:13

Too, jooni e woodi fii tatum, waato hoolaare, e kammunde, e yidde, ammaa yidde woni ko ɓurii mangu.

Roomanko'en 15:4

Fuu ko windaa daga ndenno nder Deftere Ceniinde, ɗum winda ngam ɗum ekkitina'en, ngam barka munyal meeɗen e sembiɗinki ki Deftere Ceniinde sembiɗinta'en ngaɗen kammunde.

Luka 21:19

To on munyii, on keɓay yonki ki re'ataa.

Luka 8:15

Ammaa awdi janundi dow leydi mbondi woni nanuɓe Wolde Allah, ɓe njogoonde ɓernde go'o, nder munyal ɓe tokkande haa ɓe ngaɗa ko Allah yiɗi.

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Roomanko'en 8:25

Ammaa to en ngaɗa kammunde dow goɗɗum ɗum en ngi'ataa, en keɗoɗum nder munyal.

Tiitus 3:7

Too, nde yidde maako wartirii'en ɓe ngalaa hakke yeeso maako, jooni e mo yiɗi ngarten donooɓe yonki ki re'ataa ki ngaɗɗen ɓerɗe en keɓay.

2 Timooti 3:10

Ammaa an, Timooti, a andi ekkitinol am, e ngikku am, e ko ngiɗumi waɗuki nder jonde am, e no kooloriimi Yeesu, e munyal am, e yidde am, e munyal am nder torra,

1 Tasaloonikanko'en 1:3

Yeeso Allah meeɗen Nyaako meeɗen Mo Dow, e min nyuma dow kuuɗe mooɗon ɗe hoolaare, e no yidde nde ngooduɗon waɗata'on on kuwa naa' seɗɗa, e no munyirton nder torra ngam kammunde mooɗon dow Joomiraawo meeɗen Yeesu Almasiihu.

Filibiyanko'en 3:1

E re'irde bandiraaɓe am, nanee belɗum ngam sumpootirki mooɗon e Joomiraawo. Mi somaayi windanki'on ko mbindannoomi'on ndenno, ngam ɗum suruki njamu mooɗon.

2 Korintiyanko'en 12:8

Nde tati e mi toroo Joomiraawo ittanayamɗum,

Roomanko'en 2:7

Yimɓe munyuɓe nder waɗuki ko wooɗi, ɗaɓɓutuɓe teddungal e mangu e yonki ki re'ataa, kamɓe Allah hokkata yonki ki re'ataa.

Kuuɗe Lilaaɓe 12:5

Biiturus maɓɓaa nder suudu cural, ammaa kawtal tokkuɓe Yeesu ngaɗi ka waɗankimo do'aare.

Kuuɗe Lilaaɓe 6:4

Ammaa minon, min ngaɗay ka waɗuki do'aare e min ekkitina Wolde Allah.”

Kuuɗe Lilaaɓe 2:42

Ɓe ngaɗi ka tokkuki ekkitinol lilaaɓe, e ɓe cumpootira, e ɓe nyamda, e ɓe ngaada do'aare.

Luka 10:20

Ammaa to' on nanu belɗum ngam ginni e ngaɗa ko mbiiɗon, ammaa nanee belɗum ngam inɗe mooɗon mbindaama e wuro Allah.”

Maatiyu 5:12

Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.