Roomanko'en 12:1 - Fulfulde Nigeria

¹ Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

Roomanko'en 12:1 ပူးပေါင်းရင်းမြစ်များ

1 Biiturus 2:5

Onon boo, bo kaaƴe gooduɗe yonki, alee ɗum huutira'on ɗum maha wuro ceniingo ngam Ruuhu Allah. Onon ngoni kawtal ardiiɓe diina, on kokka Allah cakkiri ndi Ruuhu maako wallata'on kokkon. E mo jaɓandi laawol Yeesu Almasiihu.

Roomanko'en 6:13

To' on puɗɗutu alanon hakke wonde jokkoode ɓandu mooɗon nde huutiree fii kalluɗum. Ammaa kokkee Allah ko'e mooɗon bo yimɓe ɓe ɗum ummini daga mayde yaaki yonki, nden kokkonmo fuu ko'e mooɗon ngam o huutira'on kuuɗe aadilaaku.

Roomanko'en 6:19

E mi huutira boliiɗe ɗe caɗaa ngam on cembiɗaa. Ndenno on ngartirii ko'e mooɗon maccuɓe waɗuki fii nefniiɗum e fii kalluɗum gaɗuɗum ka ɓeydaaki naa' seɗɗa. Non maa, jooni ngartiree ko'e mooɗon maccuɓe aadilaaku ngam ngaɗon jonde ceniinde.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

Roomanko'en 6:16

Goonga on andi to on tokkii ko goɗɗo wi'i'on no maccuɓe ngaɗata, on ngartii maccuɓe on ɗon mo ngaɗoton ko wi'i, koo hakke pooɗayɗum mayde, koo waɗuki ko Allah yiɗi gartirayɗum neɗɗo aadiliijo.

2 Korintiyanko'en 4:16

Ngam non, min ittataa kammunde. Koo nde ɓalli amin e ɓeyda tampuki, fuu e non ɓerɗe amin e cembiɗinee koo ndeye.

1 Tasaloonikanko'en 4:1

E re'irde bandiraaɓe, e min toroo'on, ngam Yeesu Joomiraawo, ngaɗee jonde kaanunde nde Allah nanata belɗum mayre, non no ekkitiiɗon to amin, non no njooɗoriiɗon jooni. Ɓeydee jooɗoraaki non.

2 Korintiyanko'en 5:20

Ngam non, min metooɓe ko Almasiihu wi'imin, bo Allah torotoo'on laawol amin. E min toroo'on ngam Almasiihu, ciryootiree e Allah.

Aafisanko'en 5:10

Ngaɗee ko mbaawoton ekkitooɗon ko welnanta Joomiraawo ɓernde.

Filibiyanko'en 2:17

Kuuɗe ɗe kuwoton ngam on koolake Joomiraawo, bo cakkiri ɗe ngoni to maako. Koo to ɗum rufay ƴiiƴam am dow cakkiri ndin, mi nanay belɗum, mbelmbelten en fuu.

1 Korintiyanko'en 1:10

E mi toroo'on bandiraaɓe ngam inde Joomiraawo meeɗen Yeesu Almasiihu, on fuu njaɓee ko mbi'oton warta go'o ngam to' ɗum heɓa feerootirol hakkunde mooɗon, ammaa nyumo mooɗon e ɓerɗe mooɗon warta go'o.

Roomanko'en 2:4

Koo an a yawana yidde Allah mawnde, e ciya yaawuki monnere maako, e munyal maako? A andaa yidde Allah e fooɗumaa tuubaa?

1 Biiturus 2:20

To on ngaɗii ko wooɗaa on piyaama on munyii, moye mantata munyal mooɗon? Ammaa to on ngaɗii ko wooɗi on torraama on munyii, Allah barkiɗinay'on.

Filibiyanko'en 4:18

Mi heɓii dokkal ngal lildoyɗoyyam to jungo Abaaforoditus. Ngal ɓuri ko ngiɗumi. Ngal wartii bo urde welnde nde ɗum hokkata Allah, cakkiri ndi o jaɓata, mbelnanayndimo ɓernde.

2 Korintiyanko'en 6:1

Minon, min kuudooɓe e Allah. Ngam maajum e min toroo'on to' on alu caahu Allah ɗum keɓuɗon warta meere.

Roomanko'en 15:30

Bandiraaɓe am, ngam Joomiraawo meeɗen Yeesu Almasiihu e yidde nde Ruuhu Allah hollata, e mi toroo'on mballeeyam waɗuki do'aare naa' seɗɗa.

Roomanko'en 15:16

ngam mi warta kuwanoowo Yeesu Almasiihu nder yimɓe naa' Yahuudanko'en. E mi huwa kuugal ardiiɗo diina nder wa'ajinki Habaru Belɗum ɗum Allah, ngam yimɓe naa' Yahuudanko'en ngarta bo cakkiri ndi Allah jaɓi, ndi Ruuhu Allah wartiri ceniindi.

Filibiyanko'en 1:20

Ko kaaɓumi yiiki e ko kammiimi woni to' mi semtina hoore am koo seɗɗa, ammaa mi meta e sembe ɓernde, ngam jooni e koo ndeye ɗum mawnina Almasiihu nder koo ɗume ko ngaɗaymi, koo laawol jonde am, koo laawol mayde am.

1 Timooti 2:3

Non e wooɗi. Allah Kisnoowo meeɗen e nana belɗum maajum,

1 Tasaloonikanko'en 5:12

Ammaa e mi toroo'on bandiraaɓe, kokkee kuwooɓe nder mooɗon mangu, waato ardiiɓe'on nder kuugal Joomiraawo wagginooɓe'on.

Luka 7:47

Ngam non e mi wi'umaa, o holliiyam yidde mawnde ngam e mo andi o yaafanaama hakke ɗuɗɗum. Ammaa jaafanaaɗo seɗɗa, yidde seɗɗa hollata.”

Ibraaniyanko'en 13:22

E mi toroo'on bandiraaɓe, njaɓee wagginoore nde'e, ngam ɗerewol ngo'ol ngol mbindanmi'on ngol juutaa.

1 Timooti 5:4

To debbo mo gorko muuɗum maayi e woodi ɓiɓɓe koo taaniraaɓe, ɓe puɗɗa ekkitaaki ko diina maɓɓe wi'i e haani ɓe ngaɗana danyooɓe maɓɓe, non ɓe ngaatiranta danyooɓe maɓɓe ko ɓe ngaɗaniɓe, ngam Allah e nana belɗum non.

1 Tasaloonikanko'en 4:10

Min tabbitinii on ngiɗi fuu bandiraaɓe meeɗen wonɓe leydi Makidooniya. Fuu e non bandiraaɓe, e min ɓeyda wiiki'on, ɓeydee waɗuki non.

Roomanko'en 9:23

Ɗonmaa o yiɗii o wanginana yimɓe ɓe o yurminani teddungal maako mangal. Daga arande kamɓe o siryii keɓa teddungal maako.

2 Korintiyanko'en 4:1

Ngam non, nde Allah yurminaniimin hokkiimin kuugal nga'al, min ittataa kammunde.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

Filimon 1:9

Ammaa ngam e mi yiɗumaa, mi ɓurii yiɗuki mi toromaa, min Bulus nayeejo, mo Yeesu lili, jooni boo e mi suraa ngam tokkuki Yeesu.

Filimon 1:10

E mi toromaa ngam Onisimus gartuɗo bo ɓiɗɗo to am, ngam mi holliimo laawol Allah ko e mi surii.