Roomanko'en 11:22 - Fulfulde Nigeria

²² Ngam non, nyumu dow yidde Allah e monnere maako. E mo monnana ɓen ɗon aluɓe tokkukimo, ammaa o hollete yidde maako, taa waɗii ka hoolaakimo kanko kolloowo yidde. Ammaa taa waɗaayi non, an maa ɗum ittete daga lekki kin.

Roomanko'en 11:22 ပူးပေါင်းရင်းမြစ်များ

Ibraaniyanko'en 3:14

To en njogake hoolaaki ki ngoodunooɗen daga arande boɗɗum haa keerol balɗe meeɗen, en ngarti gonduɓe e Almasiihu.

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

1 Korintiyanko'en 15:2

Barka maajum on kisii, to on njogake boɗɗum wa'aju ɗum nga'ajinanmi'on. To naa' non, on koolii Yeesu e meere.

Yahaya 15:2

O ittay koo ngale lisal am ngal rimataa, nden o mo''inay koo ngale lisal dimoowal, ngam ngal ɓeyda rimuki.

Wahayu Yahaya 2:5

Ciptoree ko njoofunooɗon, tuubee, ngaɗon ko ngaɗaynooɗon ndenno. To naa' non, mi waranay'on mi itta fitilaaru mooɗon to ndu resaa, sey ni to on tuubii.

Galaatiyanko'en 6:9

To' en comu waɗuki ko wooɗi, ngam to carel waɗii en keɓay barka, to en alaayi waɗuki ko wooɗi.

Roomanko'en 2:7

Yimɓe munyuɓe nder waɗuki ko wooɗi, ɗaɓɓutuɓe teddungal e mangu e yonki ki re'ataa, kamɓe Allah hokkata yonki ki re'ataa.

Ibraaniyanko'en 10:23

Kammunde nde mbi'eten en ngoodi, en njogande boɗɗum, ngam on ɗon gaɗuɗo alkawal o hebbinayngal.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Yahaya 8:31

Sey Yeesu wi'i Yahuudanko'en kooliiɓemo, “To on tokkii ekkitinol am, on tokkuɓeyam ɓe goonga.

1 Tasaloonikanko'en 3:8

Jooni e min ngoodi yonki goonga, to on ndarake e sembe nder tokkuki Joomiraawo.

Kuuɗe Lilaaɓe 11:23

Nde Barnaba wari yi'i no Allah barkiɗiniri yimɓe naa' Yahuudanko'en tokkuɓe Yeesu, o nani belɗum, o sembiɗiniɓe ɓe ndaroo dow ko ɓe koolii, ɓe tokka Joomiraawo e ɓernde go'o.

Luka 8:15

Ammaa awdi janundi dow leydi mbondi woni nanuɓe Wolde Allah, ɓe njogoonde ɓernde go'o, nder munyal ɓe tokkande haa ɓe ngaɗa ko Allah yiɗi.

1 Tasaloonikanko'en 3:5

Ngam non, nde tampumi munyuki, mi liloyii ngam mi nana habaru hoolaare mooɗon. E mi hula koo Ceyɗan majjinii'on, kuugal amin wartii meere.

1 Yahaya 2:19

Wanywanyɓe Almasiihu ɓen ndenno nder meeɗen ɓe ngonnoo, ammaa ɓe cendirii e meeɗen ngam daga ndenno maa naa' ɗum ɓe meeɗen. Daa ɗum ɓe meeɗen, daa haa jooni e ɓe ngondi e meeɗen. Ammaa ɓe alii'en, ngam ɗum holla nden maa ɓe fuu naa' ɗum ɓe meeɗen.

Roomanko'en 11:21

Ngam nde Allah itti ɗen ɗon lice lekki jaytun aawaaki, on nyuma onon maa o alay'on?