Roomanko'en 11:20 - Fulfulde Nigeria

²⁰ Ɗu'um ɗum goonga. Ɓe itta daga lekki kin ngam ɓe koolaaki Allah, ammaa an boo a takka e lekki kin ngam a hoolake Almasiihu. Ngam non, taa' mawnin hoore, ammaa jooɗa nder kulol Allah.

Roomanko'en 11:20 ပူးပေါင်းရင်းမြစ်များ

Roomanko'en 12:16

Njooɗee jonde jam hakkunde mooɗon. To' on mawnin ko'e mooɗon, ammaa kawtee ko'e mooɗon e yimɓe ɓe ɗum hocci naa' ɓe goɗɗum. To' on koccu ko'e mooɗon bo on ɓurii yimɓe koriiɓe faamu.

2 Korintiyanko'en 1:24

Min ngiɗaa min kolla'on laamu sembe dow hoolaare mooɗon. Minon min kuudooɓe e mooɗon ngam nanon belɗum nder ɓerɗe mooɗon, ngam on ndarake boɗɗum dow ko kooliiɗon.

1 Korintiyanko'en 10:12

Ngam non, taa nyuma a darii boɗɗum, waɗu hakkiilo to' njanaa.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

Filibiyanko'en 2:12

Ngam non onon ɓe ngiɗumi, koo ndeye on ngaɗa ko ɗum wi'i'on carel ko ngondunoomi e mooɗon. Jooni maa nde mi walaa ɗon, ɓeydee waɗuki ko ɗum wi'i'on. Ngaɗee ka huwuki kuugal kisndam mooɗon nder kulol Allah.

Ibraaniyanko'en 3:12

Bandiraaɓe am tokkuɓe Yeesu, paamee to' ɓernde koo moye mooɗon halla wanya hoolaaki, alon tokkukimo.

1 Timooti 6:17

Waggin gooduɓe risku nder duuniyaaru ndu'u, to' ɓe mawnina ko'e maɓɓe, to' ɓe ngaɗa ɓerɗe maɓɓe dow risku ɗum tabbitataa, ammaa ɓe ngaɗa ɓerɗe maɓɓe dow Allah, kokkuɗo'en koo ɗume ɓernde go'o ngam nanen belɗum.

Koloosiyanko'en 2:7

No ɗaɗi lekki ngaɗirta lekki kin daroo boɗɗum, cembiɗa, non onon maa, ndaree boɗɗum, ɓeydee sembe nder hoolaakimo, non no ɗum ekkitiniri'on. Ngaɗee ka yettukimo koo ngele carel.

Roomanko'en 11:18

Ngam non, to' on piyu gabaare mbi'on on ɓurii ɗen ton lice ɗe ɗum itti. To on ngaɗii non, to' on ngejjutu, naa' onon njogii ɗaɗi lekki kin, ammaa ɗaɗi ɗin njogii'on.

2 Korintiyanko'en 10:5

E min keɓa jaalorgal dow koo ɗiye geddi e mawnitaare kaɗaynde yimɓe anda Allah. E min nanga nyumooji fuu, min ngartiraɗi gaɗayɗi ko Almasiihu wi'i.

Wahayu Yahaya 18:7

Kokkeendi bone pooɗaneendi wannaare, non no ndi mawniniri hoore mayri e nanki belɗum ɗum ndi nani. Ngam e ndi wi'a hoore mayri, ‘E mi jooɗii, mi laamiiɗo. Min, naa' mi debbo mo gorko muuɗum maayi, mi nattataa wannaare.’

Wahayu Yahaya 3:17

On mbi'a, ‘E min ngoodi risku. E min ngoodi jawdi, walaa ko min ndulli.’ Ammaa on andaa on coyɓe on ngartii ko yurminii, on ngalanaa, on wumɓe, on ɓornaaki.

1 Biiturus 5:12

Silbaanus walliyam mbindanmi'on ɗerewol ngo'ol pamarol. E yiiki am o tokkuɗo Yeesu kooleteeɗo. E mi yiɗi mi sembiɗina'on mi wi'a'on ɗu'um woni caahu Allah ɗum goonga. Ndaree dow maajum e goonga.

1 Biiturus 5:9

Nganyeemo, ndarooɗon dow hoolaaki Yeesu e sembe. On andi bandiraaɓe mooɗon fuu nder duuniyaaru e njara iri kan ɗon torra.

Yaakubu 4:6

Ammaa Allah e ɓeyda walluki'en. Kanjum waɗi aayaare wi'i, “Allah wanyii gooduɓe mangu hoore, ammaa e mo walla lesnuɓe ko'e.”

Yaakubu 2:19

A jaɓii Allah o go'oto. Too, boɗɗum! Koo ginni maa njaɓii non. Kanjum waɗi e ɗi ndiwna ngam kulol.

Ibraaniyanko'en 4:11

Ngam non en ngaɗu ko mbaaweten waɗuki ngam natten siwtaare nden ɗon. To' goɗɗo meeɗen waɗa no ɓen ton, wanya ko Allah wi'i dulla siwtaare nden.

Ibraaniyanko'en 4:6

Ɓen ɗon artuɓe nanki Habaru Belɗum ɓe keɓaayi nattuki siwtaare nden ɗon ngam ɓe ngaɗaayi ko Allah wi'i. Ammaa e woodi woɓɓe ɓe ɗum alata natta.

Ibraaniyanko'en 3:19

Ngam non, en ngi'ii ɓe mbaawaayi nattuki leydi ndin ngam ɓe koolaaki Allah.

2 Tasaloonikanko'en 2:4

O wanyay koo ɗume ko yimɓe noddata allah koo boo ko ɓe mawninta, o mawnina hoore maako dow maajum. Haa maa o nattay Wuro Ceniingo ngo Allah, o jooɗoo, o wi'a kanko woni Allah.

Roomanko'en 3:3

Goonga, woɓɓe maɓɓe koolaaki Allah. Ammaa ciya hoolaaki maɓɓe waaway wartira Allah mo hebbintaa alkawal muuɗum?

Kuuɗe Lilaaɓe 18:6

Ammaa nde ɓe ngeddimo, ɓe kuɗimo. Sey o fiɗɗi sollaare kolte maako, o wi'iɓe, “Mi wurtake hakke mooɗon! Ƴiiƴam mooɗon e dow ko'e mooɗon. Daga hande, to yimɓe naa' Yahuudanko'en njahaymi.”

Luka 18:14

E mi wi'a'on, jaɓoowo ceede leydi on hootii wuro o jaafanaaɗo hakke maako, ammaa Faarisankeejo on yaafanaaka. Ngam koo moye mawninɗo hoore muuɗum o pamɗinteeɗo, nden lestinɗo hoore muuɗum boo o mawninteeɗo.”

1 Korintiyanko'en 16:13

Njooɗee on paama, ndaree boɗɗum dow hoolaare mooɗon, ngaɗon ngorgu, cembiɗee.

Roomanko'en 11:21

Ngam nde Allah itti ɗen ɗon lice lekki jaytun aawaaki, on nyuma onon maa o alay'on?

Roomanko'en 12:3

Ngam caahu ɗum Allah hokkiyam, e mi wi'a koo moye mooɗon, to' hocca hoore muuɗum ko ɓuri no haani. Ammaa koo moye faama no hocciri hoore muuɗum. Koo moye hocca hoore muuɗum ko fottidi e hoolaaki Allah ki Allah hokkimo.

1 Korintiyanko'en 15:1

Jooni bandiraaɓe am, e mi yiɗi mi siftorana'on Habaru Belɗum ɗum nga'ajinanmi'on, ɗum njaɓuɗon, ɗum tokkoton boɗɗum.