Roomanko'en 10:3 - Fulfulde Nigeria

³ Ɓe paamaayi laawol ngol Allah wartirta yimɓe aadili'en, ɓe ndarwii laawol ngol ɓe tokkata. Ngam non, ɓe njaɓaayi tokkuki laawol ngol Allah wartirta yimɓe aadili'en.

Roomanko'en 10:3 ပူးပေါင်းရင်းမြစ်များ

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

Luka 16:15

O wi'iɓe, “Onon ngoni kollooɓe ko'e mooɗon on gaɗooɓe ko haani yeeso yimɓe, ammaa Allah e andi ɓerɗe mooɗon. Ngam ko yimɓe mawninta e harmini yeeso Allah.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Roomanko'en 5:19

Non no yimɓe ɗuɗɓe ngarti gaɗooɓe hakke ngam neɗɗo go'oto wanyii ko Allah wi'i, non maa yimɓe ɗuɗɓe ngartay aadili'en ngam neɗɗo go'oto waɗii ko Allah yiɗi.

Roomanko'en 1:17

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Roomanko'en 3:22

Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol.

Luka 10:29

Ammaa moodibbo dooka on yiɗii wurtina hoore muuɗum, sey o ƴami Yeesu, o wi'i, “Moye woni bandiraawo am?”

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Roomanko'en 3:26

O waɗu non ngam e carel ngel o holla kanko e hoore maako o aadiliijo, nden e mo waɗa koo moye kooliiɗo Yeesu warta aadiliijo.

Roomanko'en 10:2

Mi waaway mi hokka ceyda dow maɓɓe e ɓe ngiɗi huwanki Allah naa' seɗɗa, ammaa e ɓe kuwanamo naa' dow faamu boɗɗum.

Roomanko'en 10:20

Nden Icaaya metii e sembe ɓernde wi'ii Allah wi'ii, “Ɓen ɗon ɓe ɗaɓɓitataayam ɓe keɓiiyam; mi wanginii hoore am to yimɓe ɓe ƴamaayi no ɓe keɓirtayam.”

Roomanko'en 11:7

Too, noye won ɗon? Yimɓe Israa'iila tampii keɓa ko ɗaɓɓitata. Seɗɗa nder maɓɓe keɓiɗum, ɓe Allah suɓi, ammaa koriiɓe ɗum saatinaniiɓe ɓerɗe.