Roomanko'en 10:18 - Fulfulde Nigeria

¹⁸ Ammaa, e mi ƴama, ɗum goonga ɓe nanaayi habaru ɗum? Goonga ɓe naniiɗum, ngam aayaare wi'ii, “Habaru Allah yahii koo toye nder duuniyaaru, boliiɗe maɓɓe nattii koo toye nder duuniyaaru.”

Roomanko'en 10:18 ပူးပေါင်းရင်းမြစ်များ

Roomanko'en 1:8

Arande, e mi yetta Allah am barka Yeesu Almasiihu ngam mooɗon on fuu, ngam duuniyaaru fuu e nana habaru no kooloriiɗon Yeesu.

Maatiyu 24:14

Nden ɗum wa'ajinay Habaru Belɗum dow Laamu Allah koo toye nder duuniyaaru, ngam ɗum warta ceyda to leƴƴi fuu, nden re'uki duuniyaaru kin wara.

1 Tasaloonikanko'en 1:8

Ngam daga to mooɗon wolde Joomiraawo heɓi sankitaaki naa' e leydi Makidooniya e Akaaya tan, ammaa koo toye ɗum andii hoolaare mooɗon dow Allah. Ngam non naa' sey to min mbi'ii goɗɗum dow maajum.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Markus 16:15

Nden o wi'iɓe, “Njahee koo toye nder duuniyaaru nga'ajinanon koo moye Habaru Belɗum.

Maatiyu 28:19

Ngam non, njahee ngartiron fuu lenyi duuniyaaru tokkuɓeyam, ngaɗanonɓe baptisma nder inde Allah Nyaako Mo Dow, e Ɓiɗɗo, e Ruuhu Allah,

Maatiyu 26:13

E mi wi'a'on goonga, koo toye to ɗum wa'ajini ɗu'um Habaru Belɗum nder duuniyaaru fuu, ɗum hokkay habaru ko debbo o'o waɗi ngam siftorkimo.”

Maatiyu 4:8

Ceyɗan fuɗɗiti yaarimo dow wonde hocceere townde hollimo leyɗe duuniyaaru fuu e jawdi maaje,

Roomanko'en 15:19

e kuuɗe kayɗiniiɗe ɗe ngaɗumi laawol bawɗe Ruuhu Allah. Daga Urucaliima mi filake haa yaaki gariiri Iliirikum, mi wa'ajini Habaru Belɗum dow Almasiihu e ɗen ɗon bigeeje fuu.

Kuuɗe Lilaaɓe 28:23

Ɓe ndesi nyalnde nde ɓe co''oytoo to maako. Nde nyalnde nden wari, yimɓe ɗuɗɓe ngari, kawriti to Bulus jippii. Ilaa subaka haa alaasara e mo wa'ajinanaɓe, e mo hokkaɓe habaru Laamu Allah. E mo hollaɓe habaru Yeesu nder Attawra e nder defte annabo'en ngam o fooɗaɓe ɓe tokka Yeesu.

Markus 16:20

Sey tokkuɓemo ɓen ndilli ɓe nga'ajinoyi Habaru Belɗum koo toye. Joomiraawo walliɓe, o hokkiɓe bawɗe waɗuki kuuɗe kayɗiniiɗe ngam tabbitinki ko ɓe mbi'ata to maako ɗum ƴiwoyi.]

Kuuɗe Lilaaɓe 26:20

Arande mi wa'ajinanii yimɓe Dimasku, nden e yimɓe Urucaliima e leydi Yahuudiya fuu. Gaɗa non tokkumi nder yimɓe naa' Yahuudanko'en, mbiimiɓe ɓe tuuba, ɓe ngaylitoyoo to Allah, ɓe kuwa kuuɗe kollayɗe ɓe tuubii.

Kuuɗe Lilaaɓe 1:8

Ammaa to Ruuhu Allah jippoyake dow mooɗon, on keɓay bawɗe, on ngartay kokkayɓe woɓɓe habaru am nder Urucaliima, e leydi Yahuudiya fuu, e leydi Samaariya, haa keerol duuniyaaru.”