Roomanko'en 1:30 - Fulfulde Nigeria

³⁰ e ɓe meta kalluka dow woɓɓe, e ɓe nganya Allah, e ɓe kolla mangu, e ɓe ngoodi mangu hoore, mawninooɓe ko'e maɓɓe, e ɓe ɗaɓɓita laawol waɗuki ko halli, ɓe mawnintaa danyooɓe.

Roomanko'en 1:30 ပူးပေါင်းရင်းမြစ်များ

2 Timooti 3:2

Yimɓe ngartay giɗuɓe ko'e maɓɓe, gooduɓe yidde ceede, mantooɓe ko'e maɓɓe, mawninooɓe hoore, giɗuɓe huɗuki, ɓe mawnintaa danyooɓe maɓɓe, ɓe ngettataa, ɓe ngartay ɓe cenaaki.

Yahuuda 1:16

Ɓe'e yimɓe ɓe metitotooɓe, koo ndeye e ɓe ngi'a boofol woɓɓe. E ɓe tokka suunooji maɓɓe kalluɗi. E ɓe meta haalaaji mawninki ko'e maɓɓe, e ɓe metana yimɓe haalaaji belɗi ngam ɓe keɓa ko ɓe ngiɗi.

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

Yaakubu 4:16

Ammaa raɗɗum jooni nder mawninki ko'e mooɗon on mantitoo. Fuu iri kin ɗon mantitaaki ki kalluki.

Yaakubu 3:5

Non maa, ɗemngal ɗum goɗɗum pamarum nder ɓandu, ammaa e ngal mantitoo dow fii mawɗum. Ndaaree ngi'on no doccel hiite wulirta ladde mawnde.

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

2 Tasaloonikanko'en 2:4

O wanyay koo ɗume ko yimɓe noddata allah koo boo ko ɓe mawninta, o mawnina hoore maako dow maajum. Haa maa o nattay Wuro Ceniingo ngo Allah, o jooɗoo, o wi'a kanko woni Allah.

2 Korintiyanko'en 10:15

Min mantortaako ko ɓuri keerol ngol, waato min mantortaako kuugal ngal woɓɓe ngaɗi. Ammaa kammunde amin woni hoolaare mooɗon waɗa ka ɓeydaaki, nden kuugal ngal min kuwata nder mooɗon ɓeydoo naa' seɗɗa.

Roomanko'en 3:27

Ngam non, walaa goɗɗum ɗum goɗɗo mantortoo. Ngam ɗume? Ngam en ngartaayi aadili'en ngam kuuɗe meeɗen, sey ni ngam en koolake Yeesu.

Roomanko'en 2:23

An piyoowo gabaare dow dooka Allah, a yawantaa Allah laawol yewuki dooka maako?

Roomanko'en 2:17

Ammaa taa noddira hoore maaɗa Yahuudankeejo, taa mantoroo Attawra, taa fiya gabaare dow sumpo maaɗa e Allah,

Kuuɗe Lilaaɓe 5:36

Ko neeɓaayi goɗɗo bi'eteeɗo Tudas wangii. O hoccii hoore maako bo o mawɗo. Yimɓe ko waɗi 400 tokkimo. Too, o waraama, tokkunooɓemo fuu cankitake, walaa koo go'oto dariiɗo.

Luka 21:16

Danyooɓe mooɗon e minyiraaɓe mooɗon e mawniraaɓe mooɗon e bandiraaɓe mooɗon e higooɓe mooɗon, ɓe kokkitiray'on, nden ɓe mbara woɓɓe mooɗon.

Maatiyu 16:21

Daga ngel ɗon carel Yeesu fuɗɗi wiiki tokkuɓemo doole o yaha Urucaliima, o yara bone ɗuɗɗum to juuɗe mawɓe yimɓe, e mawɓe ardiiɓe diina, e moodiɓɓe Attawra, nden o waree. Nder nyalnde tatawre boo ɗum umminaymo.

Maatiyu 15:4

Ngam Allah wi'ii, ‘Hokku nyaako maaɗa e maduujo maaɗa mangu,’ nden, ‘Koo moye huɗi nyaako muuɗum koo maduujo muuɗum doole waree.’

Yahaya 7:7

Jooni duuniyaaru heɓaayi ko wanyirta'on, ammaa e ndu wanyiiyam ngam e mi wi'a kuuɗe mayru ɗe kalluɗe.

2 Korintiyanko'en 12:20

E mi hula to mi warii to mooɗon, mi tawrataa'on no ngiɗumi, nden onon maa on tawrataayam no ngiɗɗon. E mi hula mi tawra'on hawre, e lawliiru, e mettinki ɓernde, e yidde hoore, e huɗuki, e metuki haalaaji kalluɗi dow woɓɓe, e mawninki hoore, e umminki hakkiilo.