Roomanko'en 1:23 - Fulfulde Nigeria

²³ Allah tabitayɗo haani ɓe mawnina, ammaa e ɓe mawnina gunkiiji gaɗaaɗi nder nandi neɗɗo maayayɗo, e nder nandi colli, e nder nandi marle, e nder nandi ko dasotoo.

Roomanko'en 1:23 ပူးပေါင်းရင်းမြစ်များ

Kuuɗe Lilaaɓe 17:29

Too, nde en lenyol Allah, haanaayi kammooɗen e mo nandi e goɗɗum gaɗiraaɗum e jiinaari koo e ajurfaari koo e hayre cehaande, koo e ko neɗɗo waɗiri nyumo muuɗum.

Roomanko'en 1:25

Ɓe ngayliti goonga Allah warti fewre. E ɓe mawnina ko tagaa haa e ɓe kuwanaɗum, ammaa Allah Tagoowo tan haani ɓe mawnina. Kanko woni kaanuɗo manteeki haa abadaa! Aamin.

1 Biiturus 4:3

Jonde nde ngaɗɗon ndenno iri nde yimɓe ɓe andaa Allah ngiɗi, nde heƴii non. Ndenno on ngaɗi ka halleende, e suunooji kalluɗi, e yareyareeji pooɗooji jonde meere, e mawninki gunkiiji fii koo wooɗaa.

1 Korintiyanko'en 12:2

On andi carel ngel ngonnooɗon heeferɓe ɗum fooɗii hakkiilo mooɗon ɗum majjinii'on, on mawnina gunkiiji ɗi metataa.

Wahayu Yahaya 9:20

Yimɓe koriiɓe ɓe bone ɗum ɗon mbaraayi, ɓe tuubaayi ɓe cendiri e ko ɓe ngaɗi e juuɗe maɓɓe. Ɓe alaayi mawninki ginni, e allaaji fewre gaɗiraaɗi jiinaari, koo ajurfaari, koo njamndi mboɗeeri, koo hayre, koo lekki. Ɗi fuu ɗi ngi'ataa, ɗi nanataa, ɗi njahataa.

Kuuɗe Lilaaɓe 10:12

Nder maajum boo e woodi marle feere‑feere ɗe koyɗe nayi, e dasotooɗe, e colli.