Roomanko'en 1:21 - Fulfulde Nigeria

²¹ Koo nde e ɓe andi Allah, ɓe mawninaayimo bo Allah koo ɓe ngettamo, ammaa nyumo maɓɓe wartii meere, ɓerɗe maɓɓe ɗe mbaawataa faamuki goonga ɗe keewi nyiwre.

Roomanko'en 1:21 ပူးပေါင်းရင်းမြစ်များ

2 Timooti 3:2

Yimɓe ngartay giɗuɓe ko'e maɓɓe, gooduɓe yidde ceede, mantooɓe ko'e maɓɓe, mawninooɓe hoore, giɗuɓe huɗuki, ɓe mawnintaa danyooɓe maɓɓe, ɓe ngettataa, ɓe ngartay ɓe cenaaki.

Wahayu Yahaya 14:7

O ƴefti hononde sembee o wi'i, “Kulee Allah mawnineemo! Ngam carel ngel o waɗanta duuniyaaru kiita waɗii. Mawninee taguɗo dow e ley, e maayo e to ndiyam ɓulata.”

Yahaya 3:19

Raa ko waɗi Allah taƴanta yimɓe kiita: jayngol warii nder duuniyaaru, ammaa ɓe ɓurii yiɗuki nyiwre dow jayngol, ngam kuuɗe maɓɓe ɗe kalluɗe.

Wahayu Yahaya 15:4

Moye woni hulataama, yaa Joomiraawo? Moye woni mawnintaa mangu maaɗa? Ngam an tan woni ceniiɗo. Yimɓe duuniyaaru fuu mawninte, ngam koo moye yi'ii kuuɗe maaɗa ɗe aadilaaku.”

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Roomanko'en 11:10

gite maɓɓe mbuma ɓe tampa yiiki, torra kalluka wartanaɓe dongal haa abadaa.”

Roomanko'en 1:28

Nde ɓe nganyii ɓe anda Allah, Allah aliiɓe ɓe tokka nyumooji kalluɗi ngam ɓe ngaɗa ko haanaa ɗum waɗa.

Roomanko'en 1:19

Ngam ko ɗum waawata anduki dow Allah, e njayri ɗum woni to maɓɓe, ngam Allah holliiɓeɗum.

Roomanko'en 15:9

kadin ngam yimɓe naa' Yahuudanko'en mawnina Allah ngam yurmeende maako. Non no ɗum windiraa, “Ngam non, mi mantete nder yimɓe naa' Yahuudanko'en, mi yima gimi mantuki inde maaɗa.”

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

1 Biiturus 1:18

On andi ɗum rimɗinii'on daga ngikkuuji meereeji ɗi ndonuɗon to maama'en mooɗon. Ɗum rimɗiniraayi'on fii re'oojum bo ajurfaari e jiinaari.