Roomanko'en 1:1 - Fulfulde Nigeria

¹ Min Bulus windi ɗerewol ngo'ol. Mi maccuɗo Yeesu Almasiihu lilaaɗo maako cuɓaaɗo mo Allah noddi wa'ajina Habaru Belɗum.

Roomanko'en 1:1 ပူးပေါင်းရင်းမြစ်များ

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

Roomanko'en 15:16

ngam mi warta kuwanoowo Yeesu Almasiihu nder yimɓe naa' Yahuudanko'en. E mi huwa kuugal ardiiɗo diina nder wa'ajinki Habaru Belɗum ɗum Allah, ngam yimɓe naa' Yahuudanko'en ngarta bo cakkiri ndi Allah jaɓi, ndi Ruuhu Allah wartiri ceniindi.

1 Korintiyanko'en 1:1

Min, Bulus mo Allah suɓi warta lilaaɗo Yeesu Almasiihu e bandiraawo meeɗen Sastaanis mbindi ɗerewol ngo'ol.

Koloosiyanko'en 1:1

Min Bulus mo Allah suɓi warta lilaaɗo Yeesu Almasiihu windi ɗerewol ngo'ol hawti e bandiraawo meeɗen Timooti.

Tiitus 1:1

Min, Bulus maccuɗo Allah lilaaɗo Yeesu Almasiihu windi ɗerewol ngo'ol. O suɓiiyam ngam mi sembiɗina yimɓe Allah cuɓaaɓe dow hoolaaki Yeesu, mi ekkitinaɓe goonga ngam ɓe njooɗoo jonde wooɗunde yeeso Allah.

Roomanko'en 1:9

Allah mo kuwanaymi kuugal wa'ajinki Habaru Belɗum dow Ɓiɗɗo maako e ɓernde am fuu, kanko woni ceyduujo am, koo ndeye mi yejjitataa'on nder do'aare am.

2 Korintiyanko'en 1:1

Min Bulus mo Allah suɓi warta lilaaɗo Yeesu Almasiihu e bandiraawo meeɗen Timooti minon mbindi ɗerewol ngo'ol. Min mbindanngol kawtal yimɓe Allah gonɓe gariiri Korinti, e fuu yimɓe Allah gonɓe nder fuu leydi Akaaya.

1 Korintiyanko'en 9:1

Min, naa' mi dimo? Naa' mi lilaaɗo? Naa' mi yi'ii Yeesu Joomiraawo meeɗen? Naa' on ngartii tokkuɓe Yeesu barka kuugal am ngal Joomiraawo?

2 Timooti 1:11

Ngam hokkuki Habaru Belɗum ɗu'um, Allah wartiriyam ga'ajinoowo e lilaaɗo e ekkitinoowo.

1 Timooti 1:1

Ɗerewol ngo'ol ƴiwoyii daga jungo am, min Bulus. Allah Kisnoowo meeɗen e Yeesu Almasiihu mo ngaɗɗen ɓernde dow muuɗum wi'ii mi warta lilaaɗo maako.

Galaatiyanko'en 1:1

Min Bulus lilaaɗo windi ɗerewol ngo'ol. Naa' yimɓe cuɓiyam, naa' neɗɗo wartiriyam lilaaɗo. Yeesu Almasiihu e Allah Nyaako Mo Dow, umminɗo Yeesu daga mayde wartiriyam lilaaɗo.

1 Timooti 2:7

Ngam maajum ɗum suɓiiyam mi warta ga'ajinoowo e lilaaɗo e ekkitinoowo yimɓe naa' Yahuudanko'en dow hoolaaki goongahi. Goonga mbi'aymi, naa' mi feway!

1 Tasaloonikanko'en 2:2

Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

Filibiyanko'en 1:1

Min Bulus e Timooti min maccuɓe Yeesu Almasiihu. Min mbindan fuu yimɓe Allah tokkuɓe Yeesu wonɓe gariiri Filibi e mawɓe e huwooɓe nder kawtal tokkuɓe Yeesu.

Wahayu Yahaya 1:1

Nde'e deftere e nde saawi wahayu ɗum Allah hokki Yeesu Almasiihu ngam o holla maccuɓe maako ko waɗata naa' ko neeɓi. Yeesu lili malaa'ikaajo muuɗum to maccuɗo maako Yahaya ngam o wi'amo fii ɗum.

Yahuuda 1:1

Min woni Yahuuda, maccuɗo Yeesu Almasiihu, minyiraawo Yaakubu. Mi windan'on ɗerewol ngo'ol, onon ɓe Allah Nyaako Mo Dow yiɗi noddi, ɓe Yeesu Almasiihu suranta.

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Yaakubu 1:1

Min, Yaakubu, windi ɗerewol ngo'ol. Mi maccuɗo Allah e Joomiraawo meeɗen Yeesu Almasiihu. E mi howna'on, onon tokkuɓe Yeesu cankitiiɓe nder duuniyaaru.

Ibraaniyanko'en 5:4

Walaa keɓanayɗo hoore muuɗum mangu wartuki mawɗo mawɓe ardiiɓe diina, ammaa Allah noddatamo, non no noddiri Haruuna.

Filibiyanko'en 2:11

Nden yeeso koo ɗume koo ngale ɗemngal wi'ay Yeesu Almasiihu o Joomiraawo, ngam mawninki Allah Nyaako Mo Dow.

Aafisanko'en 4:11

O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe.

Aafisanko'en 1:13

Onon maa, on ngartii yimɓe Allah carel ko nanɗon wolde goonga, waato Habaru Belɗum dow Yeesu gaddanɗum'on kisndam. On koolakemo, Allah boo hokkii'on Ruuhu muuɗum ɗum o waɗani'on alkawal. Ruuhu ɗum hollii on ngartii ɓe maako.

2 Korintiyanko'en 12:11

Mi wartirii hoore am bo kaaŋaaɗo, ammaa onon ngaɗiyam ngaɗumi non. Goonga, onon haani manayam, ngam ɓen ɗon noddeteeɓe “mawɓe lilaaɓe” ɓe ɓuraayiyam koo seɗɗa, koo nde naa' mi goɗɗum.

2 Korintiyanko'en 11:5

Mi kammaaki ɓen ɗon noddeteeɓe “mawɓe lilaaɓe” ɓe ɓurdiiyam goɗɗum.

2 Korintiyanko'en 4:5

Ngam naa' habaru amin min nga'ajinta, ammaa ko min nga'ajinta woni Yeesu Almasiihu o Joomiraawo, minon boo ngam maako min ngarti maccuɓe mooɗon.

Roomanko'en 1:16

Mi nanataa cemtuɗum wa'ajinki Habaru Belɗum, ngam ɗum bawɗe Allah baawayɗe hisna koo moye kooliiɗomo. Arande ɗum andiniiɗum Yahuudanko'en, nden sey yimɓe naa' Yahuudanko'en.

Kuuɗe Lilaaɓe 22:21

Joomiraawo wi'iyam, ‘Umma, mi lilete to woɗɗi nder leƴƴi ɗi naa' Yahuudanko'en.’ ”

Kuuɗe Lilaaɓe 22:7

Sey njanumi e leydi, nanmi wonde hononde e wi'ayam, ‘Caawulu, Caawulu, ngam ɗume torrataayam?’

Kuuɗe Lilaaɓe 20:24

Ammaa mi hoccaayi yonki am bono goɗɗum geetum, to ni mi heɓii mi heenyii kuugal ngal Yeesu Joomiraawo hokkiyam, waato wa'ajinki Habaru Belɗum ɗum yidde Allah.

Wahayu Yahaya 22:9

Ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa, e annabo'en, e waɗooɓe ko deftere nde'e wi'i. Allah tan mawnintaa!”

Koloosiyanko'en 1:25

Mi wartii maccuɗo tokkuɓe Yeesu barka kuugal ngal Allah hokkiyam. Kuugal ngal woni mi wa'ajina fuu wolde maako.

Aafisanko'en 1:1

Min Bulus mo Allah suɓi mi warta lilaaɗo Yeesu Almasiihu, windi ɗerewol ngo'ol. Mi windan yimɓe Allah gonɓe nder gariiri Aafisa kooliiɓe Yeesu Almasiihu e ɓernde go'o.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

Roomanko'en 16:18

Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.

Roomanko'en 15:29

E mi andi, to mi warii to mooɗon, mi warday e barka Almasiihu fuu.

Roomanko'en 11:13

Jooni e mi metana'on onon yimɓe naa' Yahuudanko'en. Nde mi lilaaɗo to yimɓe naa' Yahuudanko'en, mi fiyay gabaare am dow kuugal ngal Allah hokkiyam mi waɗa,

Kuuɗe Lilaaɓe 27:23

Allah jeyɗoyam mo mawninaymi liloyii malaa'ikaajo muuɗum, o warii to am jemma.

Kuuɗe Lilaaɓe 26:1

Nden Agarifa wi'i Bulus, “Mi aliima wi'u ko ngiɗɗaa wi'uki.” Sey Bulus ƴefti jungo fuɗɗi wurtinki hoore muuɗum, wi'i,

Kuuɗe Lilaaɓe 13:9

Sey Caawulu, bi'eteeɗo Bulus, keewuɗo Ruuhu Allah, sutiimo,

Yahaya 15:15

Mi fuɗɗitataa mi noddira'on maccuɓe, ngam maccuɗo andaa ko jeyɗomo waɗata. Ammaa mi noddii'on higooɓe, ngam mi andinii'on koo ɗume ɗum nanmi to Nyaako am.

Yahaya 12:26

Fuu kuwanoowoyam doole tokkayam. Nden to ngonmi, ton kuwanoowoyam wonata, kanko maa. Koo moye kuwanayɗoyam, Nyaako am hokkaymo mangu.”

Wahayu Yahaya 22:6

Sey malaa'ikaajo on wi'iyam, “Haala ka'a ɗum goonga tabbutuka. Allah Joomiraawo kokkuɗo annabo'en Ruuhu muuɗum o liloyi malaa'ikaajo maako holla maccuɓe maako ko waɗata naa' ko neeɓi.”

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

Kuuɗe Lilaaɓe 26:14

Gaɗa min fuu min njanii e leydi, sey nanmi hononde e wi'ayam nder Ibraaniyankoore, ‘Caawulu, Caawulu, ngam ɗume torrataayam? A torra hoore maaɗa e meere nde nganyuɗaayam.’

Kuuɗe Lilaaɓe 21:40

Sey mawɗo sooji'en on jaɓi o medda e maɓɓe. Sey Bulus darii dow ƴentirɗum suudu, o ƴeftani yimɓe ɓen jungo ngam ɓe nde''ita. Nde ɓe nde''iti, o metiraniɓe ɗemngal Ibraaniyankoore, o wi'i,

Yahaya 15:20

Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.

Markus 1:14

Too, gaɗa ɗum surii Yahaya nder suudu cural, Yeesu yahi Galiili e wa'ajina Habaru Belɗum daga to Allah.

2 Korintiyanko'en 2:12

Nde njaami Tooruwas ngam mi wa'ajina Habaru Belɗum ɗum Almasiihu, Joomiraawo maɓɓitaniiyam laawol kuugal ɗon.

2 Korintiyanko'en 11:7

Mi wa'ajinanii'on Habaru Belɗum dow Allah caahu. Mi leynii hoore am ngam ɗum hokka'on mangu. Koo mi woofii nde ngaɗumi non?

1 Tasaloonikanko'en 2:8

Ngam yidde nde min ngiɗi'on haa e min ciryii naa' min kokka'on Habaru Belɗum ɗum Allah tan, ammaa fuu e yonkiiji amin, ngam on ngartii ɓe min ngiɗi naa' seɗɗa.

1 Tasaloonikanko'en 2:9

Bandiraaɓe, on ngejjitaayi kuuɗe ɗe min kuwi naa' seɗɗa. Min kuwii jemma e nyalawma ngam to' min njowana goɗɗo nder mooɗon wongal teddoral carel ko min nga'ajinanta'on Habaru Belɗum ƴiwoyɗum to Allah.

1 Biiturus 4:17

Ngam carel waɗii ngel ɗum waɗanta yimɓe kiita. Ɓe ɗum fuɗɗanta waɗanki kiita boo woni yimɓe Allah. To dow meeɗen enen yimɓe Allah ɗum fuɗɗirta kiita, too, no ɗum wartanta ganyuɓe tokka Habaru Belɗum ɗum Allah?