Maatiyu 9:35 - Fulfulde Nigeria

³⁵ Yeesu yahi gariije mawɗe e ngarihoy pamaroy fuu, e ekkitina nder cuuɗi do'aare ɗi Yahuudanko'en, e wa'ajina Habaru Belɗum dow Laamu Allah, e mo yamɗitina yimɓe gooduɓe koo iri ɗume nyawu, e koo iri ɗume ciya njamu.

Maatiyu 9:35 ပူးပေါင်းရင်းမြစ်များ

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Markus 6:56

Koo toye to o yahi, koo nder ngarihoy, koo nder gariije mawɗe, koo nder gure ladde, yimɓe e pukkina nyawɓe nder luumo, ɓe toroomo nyawɓe ɓen meema koo cilmbi toggoore maako. Fuu meemuɓeɗi njamɗiti.

Maatiyu 11:5

wumɓe e mbumta, jaraaɓe e njaaɓa, gooduɓe nyawu nyaamoojum laral e njamɗitinee, pahuɓe e nana, mayɓe e umminee, ɓe ngalanaa e nga'ajinanee Habaru Belɗum.

Luka 13:22

Yeesu e yaha Urucaliima o tokki gariije e ngarihoy e mo ekkitina.

Kuuɗe Lilaaɓe 2:22

Ɗonmaa Biiturus wi'i, “Yimɓe Israa'iila, nanee boliiɗe ɗe'e: Allah hollii'on o suɓii Yeesu Najarankeejo ngam o hokkiimo bawɗe huwuki kuuɗe mawɗe e kuuɗe kayɗiniiɗe e alaamaaji ɗi o waɗi nder mooɗon. Onon e ko'e mooɗon on andi ko waɗi.

Markus 6:6

O hayɗini ngam ɓe koolaakimo. Yeesu e yiiloo e ekkitina nder ngarihoy.

Maatiyu 11:1

Nde Yeesu yottini ko wi'ata tokkuɓemo sappo e ɗiɗo, sey o ummii daga ɗon, o dilli, e mo ekkitina, e mo wa'ajina nder gariije.

Maatiyu 10:1

Sey Yeesu noddi tokkuɓemo sappo e ɗiɗo, o hokkiɓe bawɗe wurtinki ginni e yamɗitinki yimɓe daga koo iri ɗume nyawu e ciya njamu.

Markus 1:14

Too, gaɗa ɗum surii Yahaya nder suudu cural, Yeesu yahi Galiili e wa'ajina Habaru Belɗum daga to Allah.