Maatiyu 8:20 - Fulfulde Nigeria

²⁰ Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”

Maatiyu 8:20 ပူးပေါင်းရင်းမြစ်များ

Luka 2:7

Sey o danyi ɓiɗɗo gorko, afo maako, o saawimo nder wudere wooɗunde, o fukkinimo nder to ɗum waɗanta marle nyamndu, ngam walaa njayri nder suudu hoɓɓe.

2 Korintiyanko'en 8:9

Ngam on andi ko Joomiraawo meeɗen Yeesu Almasiihu waɗani'on ngam yidde maako. Koo nde o diskuɗo, ngam mooɗon o warti mo walanaa, ngam laawol dullere maako ngarton riskuɓe.

Luka 2:16

Sey ɓe njawɗii, ɓe njahi, ɓe tawi Maryaama e Yusufu e ɓingel ngel e ngel fukkii nder to ɗum waɗanta marle nyamndu.

Luka 2:12

Raa no keɓtirtonmo, on taway ɓingel e saawaa nder wudere, nden e ngel fukkinaa nder to ɗum waɗanta marle nyamndu.”

Luka 8:3

e Yowaana, debbo Kuuja, ardiiɗo kuwooɓe wuro Hirudus, e Sujaana, e woɓɓe rewɓe ɗuɗɓe, ballooɓeɓe daga nder jawdi maɓɓe.

Maatiyu 12:32

Fuu bi'uɗo ko wooɗaa dow Ɓii Neɗɗo, ɗum waaway yaafanaakimo. Ammaa fuu bi'uɗo ko wooɗaa dow Ruuhu Allah, o yaafantaake haa abadaa.

Maatiyu 19:28

Yeesu wi'iɓe, “E mi wi'a'on goonga, e jaamanu garayɗum, to Ɓii Neɗɗo jooɗake dow jooɗorgal laamu muuɗum ɗum teddungal, onon tokkuɓeyam onon maa on njooɗoto dow jooɗorle laamu sappo e ɗiɗi, on laamoo lenyi Israa'iila sappo e ɗiɗi.

Maatiyu 17:9

E ɓe njippoyoo daga dow hocceere nden, sey Yeesu wagginiɓe, wi'i, “To' on mbi'u goɗɗo ko ngiiɗon naa ɗum ummini Ɓii Neɗɗo daga mayde.”

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Maatiyu 16:13

Nde Yeesu wari leydi Kaysaariya Filibi, sey o ƴami tokkuɓemo, o wi'i, “Moye yimɓe mbi'ata Ɓii Neɗɗo woni?”

Maatiyu 12:40

Ngam non, no Inuusa waɗiri balɗe tati jemma e nyalawma nder wonga linga manga, non maa Ɓii Neɗɗo waɗirta balɗe tati jemma e nyalawma nder yenaande.

Maatiyu 12:8

Ngam Ɓii Neɗɗo woni Joomu Nyalnde Siwtaare.”

Maatiyu 13:37

O wi'iɓe, “Aawuɗo awdi mbondi ndin woni Ɓii Neɗɗo.

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Luka 9:58

Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”

Luka 12:8

“E mi wi'a'on, jaɓuɗoyam yeeso yimɓe fuu, min Ɓii Neɗɗo, mi jaɓaymo yeeso malaa'ika'en Allah.

Luka 18:8

E mi wi'a'on, o yaaway waɗankiɓe ko haani. Ammaa to Ɓii Neɗɗo wartoyii, o taway kooliiɓemo nder duuniyaaru boo?”

Luka 21:36

Paamee koo ndeye ngaɗon do'aare ngam keɓon ndaɗon fii ɗu'um gaɗayɗum fuu, nden ndarooɗon yeeso Ɓii Neɗɗo.”

Yahaya 1:51

Sey Yeesu ɓeydi wiikiɓe, “E mi wi'a'on goonga, on ngi'ay dow maɓɓitake, malaa'ika'en Allah e ƴenta e njippoyoo yeeso Ɓii Neɗɗo.”

Yahaya 3:13

Walaa meeɗuɗo yaaki dow sey ni on ɗon ƴiwoyɗo daga dow, waato Ɓii Neɗɗo.

Yahaya 3:14

“Non no Muusa ƴeftiri mboodi gaɗiraandi njamndi mboɗeeri nder ladde, non maa doole Ɓii Neɗɗo ƴeftee,

Yahaya 6:27

To' on kuwan nyamndu lallayndu, ammaa kuwanee nyamndu tabbitayndu kokkayndu yonki ki re'ataa, ndu Ɓii Neɗɗo hokkata'on, ngam Allah Nyaako Mo Dow waɗaniimo alaama kollayɗum jaɓiimo.”

Yahaya 6:53

Yeesu wi'iɓe, “E mi wi'a'on goonga, to on nyaamaayi ɓandu Ɓii Neɗɗo, kadin to on njaraayi ƴiiƴam maako, on ngalaa yonki nder mooɗon.

Yahaya 6:62

Ko ngaɗoton to on ngi'ii Ɓii Neɗɗo e so''oo to wondono?

Yahaya 12:34

Sey yimɓe hawrutuɓe ɓen nootii mbi'imo, “Attawra Almasiihu jooɗoto haa abadaa. No waɗata mbi'aa doole ɗum ƴefta Ɓii Neɗɗo dow? Ɗum moye maa nee woni o'o Ɓii Neɗɗo?”

Yahaya 13:31

Gaɗa Yahuuda alii ɗon, Yeesu wi'i, “Jooni teddungal Ɓii Neɗɗo wangay, nden laawol maako teddungal Allah wangay.

Kuuɗe Lilaaɓe 7:56

O wi'i, “Raa! E mi yi'a dow e maɓɓitii, Ɓii Neɗɗo e darii e jungo Allah nyaamo.”