Maatiyu 7:25 - Fulfulde Nigeria

²⁵ Nde ndiyam waɗi, canɗi keewi, hendu ummoyii piyi wuro ngon, ammaa ngo yanaayi ngam ngo mahaama dow tafaare.

Maatiyu 7:25 ပူးပေါင်းရင်းမြစ်များ

Yaakubu 1:12

O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.

1 Biiturus 1:7

ngam tabbitinki hoolaare mooɗon. Hoolaare nden nde ɓuri jiinaari. Koo nde jiinaari nyalnde go'o ɗum re'ay, e ɗum foondiree hiite. Non maa ɗum foonday hoolaare mooɗon ɗum tabbitinande ngam keɓon manteeki, e teddineeki, e mawnineeki nyalnde nde Yeesu Almasiihu wartata.

Koloosiyanko'en 2:7

No ɗaɗi lekki ngaɗirta lekki kin daroo boɗɗum, cembiɗa, non onon maa, ndaree boɗɗum, ɓeydee sembe nder hoolaakimo, non no ɗum ekkitiniri'on. Ngaɗee ka yettukimo koo ngele carel.

1 Biiturus 1:5

Onon bawɗe Allah e surana'on barka hoolaaki Yeesu, ngam keɓon kisndam ɗam o siryii wanginki nyalnde re'uki duuniyaaru.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Aafisanko'en 3:17

ngam Almasiihu jooɗoo nder ɓerɗe mooɗon barka hoolaakimo. E mi toroo Allah ngam yidde lugga sembiɗa nder ɓerɗe mooɗon,

1 Yahaya 2:19

Wanywanyɓe Almasiihu ɓen ndenno nder meeɗen ɓe ngonnoo, ammaa ɓe cendirii e meeɗen ngam daga ndenno maa naa' ɗum ɓe meeɗen. Daa ɗum ɓe meeɗen, daa haa jooni e ɓe ngondi e meeɗen. Ammaa ɓe alii'en, ngam ɗum holla nden maa ɓe fuu naa' ɗum ɓe meeɗen.

Maatiyu 16:18

E mi wi'imaa, an woni Biiturus, waato Tafaare. Dow tafaare nden njooɗinaymi tokkuɓeyam. Mayde fuu e bawɗe mayre waawataa jaalooɓe.

Maatiyu 7:24

“Ngam non, neɗɗo fuu nanɗo ɗe'e boliiɗe am waɗi ko mbiimi e nandi e neɗɗo gooduɗo faamu mahuɗo wuro muuɗum dow tafaare.

Maatiyu 7:26

“Ammaa koo moye nanɗo boliiɗe am waɗaayi ko mbiimi e nandi e neɗɗo mo walaa hakkiilo mahuɗo wuro muuɗum dow njaareendi.

Maatiyu 7:27

Nde ndiyam waɗi, canɗi keewi, hendu ummoyii piyi wuro ngon, sey ngo yani ngo sankitii ngo fuu.”