Maatiyu 7:24 - Fulfulde Nigeria

²⁴ “Ngam non, neɗɗo fuu nanɗo ɗe'e boliiɗe am waɗi ko mbiimi e nandi e neɗɗo gooduɗo faamu mahuɗo wuro muuɗum dow tafaare.

Maatiyu 7:24 ပူးပေါင်းရင်းမြစ်များ

Yahaya 13:17

Jooni nde on andi fuu fii ɗu'um, on barkiɗinaaɓe to on ngaɗiiɗum.

Luka 11:28

Ammaa Yeesu wi'imo, “Non, ammaa ɓurɓe barkiɗineeki ngoni nanooɓe Wolde Allah e tokkande.”

1 Yahaya 2:3

To en ngaɗa ko Allah wi'i ngaɗen, e holla en tabbitinii en andimo won ɗon.

Yahaya 14:15

“To on ngiɗiyam, on ngaɗay ko mbiimi ngaɗon.

Yahaya 15:14

Onon ngoni higooɓe am to on ngaɗii ko mbiimi ɗum waɗa.

Yahaya 15:10

To on ngaɗii ko mbiimi ɗum waɗa, on njooɗoto nder yidde am, non no ngaɗirmi ko Nyaako am Mo Dow wi'i ɗum waɗa njooɗiimi nder yidde maako.

Maatiyu 12:50

Ngam koo moye waɗi ko Nyaako am Mo Dow yiɗi, kanko woni minyiraawo am e maduujo am.”

Maatiyu 7:25

Nde ndiyam waɗi, canɗi keewi, hendu ummoyii piyi wuro ngon, ammaa ngo yanaayi ngam ngo mahaama dow tafaare.

Maatiyu 7:26

“Ammaa koo moye nanɗo boliiɗe am waɗaayi ko mbiimi e nandi e neɗɗo mo walaa hakkiilo mahuɗo wuro muuɗum dow njaareendi.

Maatiyu 16:18

E mi wi'imaa, an woni Biiturus, waato Tafaare. Dow tafaare nden njooɗinaymi tokkuɓeyam. Mayde fuu e bawɗe mayre waawataa jaalooɓe.

Maatiyu 24:45

“Moye woni maccuɗo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

Maatiyu 25:2

Njowo nder maɓɓe e ngoodi faamu, njowo nder maɓɓe boo ngalaa faamu.

Maatiyu 25:4

Gooduɓe faamu ɓen boo kocci fitilaaji maɓɓe e nebbam feere.

Maatiyu 25:9

Ammaa gooduɓe faamu ɓen mbi'iɓe, ‘Naa' non, ɗam heƴataa'en. Ɗum ɓurii njahon to soorooɓe, coodoyon ɗam mooɗon.’

Roomanko'en 2:13

Ngam naa' nanooɓe ko Attawra wi'i ngoni aadili'en yeeso Allah, ammaa tokkuɓe ko ɗum wi'i, kamɓe noddirtee aadili'en.