Maatiyu 7:22 - Fulfulde Nigeria

²² E Nyalnde Jaango yimɓe ɗuɗɓe mbi'ayyam, ‘Moodibbo, Moodibbo! Naa' min nga'ajinii nder inde maaɗa? Naa' min mburtinii ginni nder inde maaɗa? Naa' min ngaɗii kayɗiniiɗum ɗuɗɗum nder inde maaɗa?’

Maatiyu 7:22 ပူးပေါင်းရင်းမြစ်များ

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

Yahaya 11:51

Haala ka'a ka Kayaafa wi'i naa' ɗum nyumo maako, ammaa nde kanko woni Mawɗo Mawɓe Ardiiɓe Diina e ɗum ɗon ndungu o waɗi annabaaku wiiki Yeesu maayay ngam lenyol Yahuudanko'en.

1 Tasaloonikanko'en 5:4

Ammaa onon bandiraaɓe, naa' nder nyiwre ngonɗon, hakko nyalnde nden ɗon uddoo'on bo gujjo.

Luka 10:12

E mi wi'a'on, e Nyalnde Jaango Allah ɓuray yurminanki yimɓe gariiri Sodom dow yimɓe gariiri ndin ɗon.”

Maatiyu 25:11

“Daga gaɗa sey surbaaɓe koriiɓe ɓen maa ngarti, ɓe mbi'i, ‘Joomu wuro! Joomu wuro! Maɓɓitanmin!’

Maatiyu 24:36

“Walaa anduɗo nden ɗon nyalnde koo ngel ɗon carel ngel fii ɗum ɗon waɗata. Koo malaa'ika'en wonɓe dow andaa, koo Ɓiɗɗo on maa andaa, sey Nyaako Mo Dow tan andi.

Maatiyu 7:21

“Naa' fuu bi'ayɗoyam, ‘Moodibbo, Moodibbo,’ nattata Laamu Allah, sey ni gaɗuɗo ko Nyaako am Mo Dow yiɗi.

2 Timooti 1:18

Joomiraawo meeɗen yurminanamo Nyalnde Jaango. A andi boɗɗum no o walliriyam nder gariiri Aafisa.

2 Tasaloonikanko'en 1:10

Halkere nden wangay nyalnde nde o wartoyta. O wartoyay ngam ceniiɓe maako teddinamo fuu kooliiɓemo mawninamo. Onon maa on kawtay e maɓɓe, ngam on njaɓii habaru ɗum min kokki'on.

Maatiyu 10:15

E mi wi'a'on goonga, Nyalnde Jaango Allah ɓuray yurminanki yimɓe Sodom e Gomoora dow yimɓe gariiri ndin ɗon.