Maatiyu 7:21 - Fulfulde Nigeria

²¹ “Naa' fuu bi'ayɗoyam, ‘Moodibbo, Moodibbo,’ nattata Laamu Allah, sey ni gaɗuɗo ko Nyaako am Mo Dow yiɗi.

Maatiyu 7:21 ပူးပေါင်းရင်းမြစ်များ

Roomanko'en 2:13

Ngam naa' nanooɓe ko Attawra wi'i ngoni aadili'en yeeso Allah, ammaa tokkuɓe ko ɗum wi'i, kamɓe noddirtee aadili'en.

Luka 6:46

O wi'iɓe, “Ngam ɗume noddirtoyyam, ‘Moodibbo, Moodibbo,’ ammaa on ngaɗataa ko mbiimi'on?

Yaakubu 1:22

To' on majjin ko'e mooɗon. Ngaɗee ko Wolde Allah wi'i, to' on ngartu nanooɓende tan.

Luka 11:28

Ammaa Yeesu wi'imo, “Non, ammaa ɓurɓe barkiɗineeki ngoni nanooɓe Wolde Allah e tokkande.”

Tiitus 1:16

E honduko e ɓe mbi'a e ɓe andi Allah, ammaa ko ɓe ngaɗata e holla ɓe andaamo. Ɓe nefniiɓe, ɓe ngaɗataa ko Allah wi'i, walaa kuugal bongal ngal ɓe mbaawata waɗuki.

Ibraaniyanko'en 4:6

Ɓen ɗon artuɓe nanki Habaru Belɗum ɓe keɓaayi nattuki siwtaare nden ɗon ngam ɓe ngaɗaayi ko Allah wi'i. Ammaa e woodi woɓɓe ɓe ɗum alata natta.

Yahaya 6:40

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

Wahayu Yahaya 3:5

Fuu keɓuɗo jaalorgal ɗum ɓornaymo kolte daneeje, nden mi ittataa inde maako daga nder deftere yonki. Mi wi'ay kanko ɗum mo am yeeso Nyaako am e yeeso malaa'ika'en maako.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

Ibraaniyanko'en 13:21

o waɗa'on mbaawon waɗuki koo ngale kuugal bongal ngal o yiɗi ngaɗon. O wartira'on ko welnantamo ɓernde barka Yeesu Almasiihu. Mangu tabbita to Yeesu haa abadaa abadin. Aamin.

Maatiyu 12:50

Ngam koo moye waɗi ko Nyaako am Mo Dow yiɗi, kanko woni minyiraawo am e maduujo am.”

Wahayu Yahaya 22:14

Ɓe barkiɗinaaɓe laɓɓinɓe kolte maɓɓe ngam ɓe keɓa nattuki gariiri ndin ɓe nyaama ɓikkoy lekki yonki.

Yahaya 3:5

Yeesu wi'imo, “E mi wi'umaa goonga, walaa baawayɗo natta Laamu Allah sey ni to ndiyam e Ruuhu Allah danyiimo.

Maatiyu 18:3

wi'i, “E mi wi'a'on goonga, to naa' on lestin ko'e mooɗon ngartuɗon bo sukahoy, on nattataa Laamu Allah koo seɗɗa!

Yahaya 7:17

Koo moye cuɓuɗo waɗa ko Allah yiɗi o anday koo ko ekkitinaymi to Allah ɗum ƴiwoyi, koo ko mbi'aymi ɗum boliiɗe am.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Markus 3:35

Fuu gaɗuɗo ko Allah yiɗi, kanko woni minyiraawo am e maduujo am.”

1 Tasaloonikanko'en 5:18

Nder fuu ko heɓi'on ngettee Allah, ngam kanjum woni ko Allah yiɗi ngaɗon nder tokkuki Yeesu Almasiihu.

Aafisanko'en 6:6

Ngaɗaneeɓe non naa' e carel ngel ɓe ngi'ata'on tan, koo boo ngam ɓe ɓeyda yiɗuki'on. Ammaa e ɓernde go'o ngaɗee ko Allah yiɗi bo maccuɓe Almasiihu.

1 Biiturus 2:15

Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu.

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’

1 Tasaloonikanko'en 4:3

Ngam Allah e yiɗi ngarton ceniiɓe, ngoɗɗitooɗon waɗuki njeenu.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

Luka 13:25

To joomu wuro ngon ummake maɓɓii dammugal ngal, on ndaroto yaasi on piya dammugal ngal on toroo on mbi'a, ‘Moodibbo, maɓɓitanmin dammugal!’ Ammaa o wi'ay'on, ‘Mi andaa'on, mi andaa to ƴiwoyɗon.’

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Luka 18:25

Ɗum ɓuray hoyki ngeelooba tokka nder yolnde baatal dow diskuɗo natta Laamu Allah.”

Maatiyu 19:24

Ɗonmaa e mi wi'a'on, ɗum ɓuray hoyki ngeelooba tokka nder yolnde baatal dow diskuɗo natta Laamu Allah.”

Maatiyu 18:35

“Non Nyaako am Mo Dow waɗanta koo moye mooɗon mo yaafanaaki bandiraawo muuɗum e ɓernde go'o.”

Yahaya 15:23

Koo moye ganyuɗoyam wanyii Nyaako am maa.

Maatiyu 26:42

O fuɗɗiti o dilli ɗiɗaɓum, o waɗi do'aare, o wi'i, “Nyaako am Mo Dow, to ɗum waɗataako ɗum ittanayam torra ka'a, sey to mi yariika, al ko ngiɗɗaa waɗee.”

Maatiyu 16:17

Yeesu nootii wi'imo, “A barkiɗinaaɗo, Siiman ɓii Inuusa, ngam naa' ɗum neɗɗo wi'imaaka, sey ni Nyaako am Mo Dow.

Wahayu Yahaya 2:27

O laamortoɓe e sawru njamndi, o pusipusinaɓe bo gojiije leydi.

Yahaya 14:7

O wi'iɓe, “Daa on andiyam, daa on andi Nyaako am Mo Dow maa. Daga jooni on andimo on ngi'iimo.”

Yahaya 5:17

Yeesu boo wi'iɓe, “Haa hande Nyaako am e huwa, min maa e mi huwa.”

Maatiyu 26:39

Nde o yahi yeeso seɗɗa, sey o yani e leydi e mo hippii, o waɗi do'aare, o wi'i, “Nyaako am Mo Dow, to ɗum waɗoto, ittanam jardugel torra ka'a. Fuu e non naa' ko ngiɗumi waɗetee, ammaa ko ngiɗɗaa waɗee.”

Maatiyu 18:10

“Paamee, to' on njawan koo go'oto nder sukahoy pamaroy ko'oy. Ngam e mi wi'a'on, malaa'ika'en maakoy ton dow koo ndeye e ndaara yeeso Nyaako am Mo Dow.

Maatiyu 18:19

“Ɗonmaa, e mi wi'a'on, to yimɓe ɗiɗo nder mooɗon kawtii ko'e torake goɗɗum e duuniyaaru, Nyaako am Mo Dow waɗanayɓeɗum.

Maatiyu 25:10

E ɓe dow laawol soodoykiɗam, sey angoojo on yottii. Ciryiiɓe fitilaaji ɓen nattidi e maako nder wuro to ɗum waɗata humto ngon. Ɗum maɓɓii dammugal wuro ngon.