Maatiyu 7:15 - Fulfulde Nigeria

¹⁵ “Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi.

Maatiyu 7:15 ပူးပေါင်းရင်းမြစ်များ

1 Yahaya 4:1

Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

Maatiyu 24:11

Annabo'en fewre ɗuɗɓe ummoyto, ɓe majjina yimɓe ɗuɗɓe.

Koloosiyanko'en 2:8

To' on alu goɗɗo huutira faamu duuniyaaru ndu'u waɗa'on alon laawol goonga. Iri ɗu'um faamu walaa ko ɗum nafi ɗum majjinay'on. Naa' to Almasiihu ɗum ƴiwoyi, daga to yimɓe ɗum ƴiwoyi e ginni gooduɗi bawɗe nder duuniyaaru.

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

2 Biiturus 3:17

Ngam non, onon ɓe ngiɗumi, nde on andi fii ɗu'um, paamanee yimɓe kalluɓe, to' ekkitinol fewre maɓɓe hocca hakkiilo mooɗon njanon daga dow wigeere cembinde to ndariiɗon.

Luka 6:26

“On mbonii to yimɓe fuu manii'on, ngam non maama'en maɓɓe ngaɗannoo annabo'en fewre.

2 Timooti 3:13

Yimɓe kalluɓe e munaafuki'en ɓe ɓeyday halleende maɓɓe ɓe ngaɗay ka majjinki yimɓe, kamɓe maa woɓɓe e majjinaɓe.

2 Timooti 4:3

Ngam carel e wara ngel yimɓe nganyata ekkitinol goonga, ɓe tokka ko welnantaɓe ɓerɗe, ɓe tokka moodiɓɓe bi'ooɓeɓe ko ɓe ngiɗi nanki.

Filibiyanko'en 3:2

Ngaɗee hakkiilo e ɓen ɗon yimɓe ɓe ngikku bo ɗum kutiiji, kuwooɓe kuuɗe kalluɗe, wi'ooɓe doole ɗum naada ko ɗum heɓa kisndam.

Aafisanko'en 4:14

Nden en puɗɗitataa ngaɗen jonde bo sukahoy, en ngaylita ɓerɗe meeɗen dow ko kooliiɗen ngam majjinooɓe yimɓe ƴoyrii'en e ekkitinol fewre.

Galaatiyanko'en 2:4

koo nde woɓɓe e ngiɗunoo o naadee. Ɓe ngaɗii bo ɓe tokkuɓe Yeesu, ɓe natti nder kawtal meeɗen, e ɓe ndaara iri rimɗinki ki ngooduɗen nder sumpootirki e Yeesu Almasiihu, ngam ɓe ngartira'en maccuɓe.

Luka 12:15

Nden o wi'iɓe, “Paamee! Ngoɗɗitee yidde jawdi duuniyaaru, ngam heɓuki jawdi hokkataa neɗɗo yonki.”

Wahayu Yahaya 16:13

Sey ngiimi goɗɗi ginni kanji tati e ɗi nandi e paaɓi, go'otol e wurtoyoo daga nder honduko mbooga ngan ɗon, go'otol boo e wurtoyoo daga nder honduko mardi arandeeri ndin ɗon, nden go'otol e wurtoyoo daga nder honduko annabiijo on ɗon mo fewre.

Aafisanko'en 5:6

To' goɗɗo ƴoyra'on e boliiɗe meere, ngam iri kuuɗe ɗe'e waɗii monnere Allah waroyta dow yimɓe ganyuɓe ngaɗa ko o wi'i.

Kuuɗe Lilaaɓe 13:40

Ngam maajum, paamee to' ko annabo'en mbi'i heɓa'on. Ngam ɓe mbi'ii,

Yahaya 10:12

Neɗɗo koccaaɗo durngol naa' o jeyɗo baali ɗin. To o yi'ii caafaandu e wara, o alay baali ɗin o dogga. Caafaandu ndun nangaɗi sankitaɗi.

Maatiyu 16:11

No ɗum waɗi on paamaayi naa' dow buroodi metaymi? Mi wi'ii paamanee ƴuufinirɗum Faarisanko'en e Saadusanko'en.”

Maatiyu 16:6

Sey Yeesu wi'iɓe, “Paamee, ngaɗee hakkiilo e ƴuufinirɗum Faarisanko'en e Saadusanko'en.”

Maatiyu 10:17

Paamanee yimɓe, ngam ɓe njaaray'on yeeso mawɓe, ɓe piya'on nder cuuɗi do'aare maɓɓe,

Wahayu Yahaya 17:6

Sey ngiimi debbo on e yiltii ngam ƴiiƴam yimɓe Allah ɗam o yari e ƴiiƴam ɓe ɗum wari ngam tokkuki Yeesu. Nde ngiimoomi mi hayɗinii naa' seɗɗa.

Kuuɗe Lilaaɓe 13:6

Ɓe ngiilii nder leydi Sayiifurus ngondi caka ndiyam haa ɓe ngari gariiri Baafos. Ton ɓe kawri e goɗɗo Yahuudankeejo darnoowo bi'eteeɗo Bar‑Joocuwa. O annabiijo fewre,

Maatiyu 7:14

Ammaa dammugal jaarayngal yonki ki re'ataa ngal ɓiɗɗiingal, ɗonmaa ɗatal jaarayngal yonki ki re'ataa e ngal saɗi tokkuki, yimɓe seɗɗa tokkatangal.

Wahayu Yahaya 20:10

Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.