Maatiyu 6:9 - Fulfulde Nigeria

⁹ Raa no ngaɗirton do'aare, ‘Yaa Allah Nyaako amin Mo Dow, inde maaɗa ceniinde mawninee.

Maatiyu 6:9 ပူးပေါင်းရင်းမြစ်များ

Wahayu Yahaya 4:11

“Yaa Joomiraawo Allah amin, a hewtii mawnineeki. Mangu e laamu e bawɗe fuu an jeyiɗum, ngam an tagi koo ɗume. E yidde maaɗa ɗum tagaa, ɗum jooɗii.”

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

Galaatiyanko'en 4:6

Ngam on ɓiɓɓe Allah, o liloyi Ruuhu Ɓiɗɗo maako nder ɓerɗe meeɗen, e ɗum nodda Allah e ɗum wi'a, “Nyaako am, Nyaako am.”

Wahayu Yahaya 5:12

e ɓe ngima sembee e ɓe mbi'a, “Karoori baraandi ndin ndi hewtii ndi heɓa bawɗe, e risku, e faamu, e sembe, e mangu, e mawnineeki, e manteeki!”

Maatiyu 7:11

To onon kalluɓe, on andi no kokkirton ɓiɓɓe mooɗon fii boɗɗum, hakko Nyaako mooɗon Mo Dow! O ɓuray non hokkuki toriiɓemo fii boɗɗum!

Maatiyu 26:29

E mi wi'a'on, mi fuɗɗitataa mi yara ndiyam inabooje naa nyalnde nde njaraymi ngoɗɗam kesam hawti e mooɗon nder Laamu Nyaako am Mo Dow.”

Maatiyu 23:9

To' on noddu koo moye ‘Nyaako’ e duuniyaaru, ngam on ngoodi Nyaako go'oto, gonɗo ton dow.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Luka 15:18

Mi so''oto to nyaako am, mi wi'amo, “Bappa, mi waɗii hakke yeeso Allah e yeeso maaɗa.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

1 Timooti 6:16

Kanko tan woni mo maayataa, e mo jooɗii nder jayngol, walaa potuɗo ɓaddoo haade maagol, walaa meeɗuɗo yiikimo, walaa baawayɗo yi'amo. Mangu e laamu ɗum re'ataa tabbita to maako. Aamin.

Luka 15:21

Ɓiɗɗo on wi'imo, ‘Bappa, mi waɗii hakke yeeso Allah e yeeso maaɗa, jooni mi hewtaayi ɗum noddayam ɓiɗɗo maaɗa.’

Luka 2:14

“En mawnin Allah Mo Dow, jam jooɗoo nder duuniyaaru e dow yimɓe ɓe o nanata belɗum maɓɓe.”

Maatiyu 6:14

“Ngam to on njaafanake gaɗanɓe'on ko wooɗaa, Nyaako mooɗon Mo Dow maa yaafanto'on.

Maatiyu 6:6

Ammaa taa waɗay do'aare, nattu suudu maaɗa maɓɓaa dammugal, toroɗaa Nyaako maaɗa Mo Dow mo yi'ataake. Nden kanko gi'oowo ko waɗetee e suuɗe o hokkete mbarjaari.

Maatiyu 5:48

Ngam non, ngartee keewuɓe no Nyaako mooɗon Mo Dow o kewɗo.

Galaatiyanko'en 1:1

Min Bulus lilaaɗo windi ɗerewol ngo'ol. Naa' yimɓe cuɓiyam, naa' neɗɗo wartiriyam lilaaɗo. Yeesu Almasiihu e Allah Nyaako Mo Dow, umminɗo Yeesu daga mayde wartiriyam lilaaɗo.

Yahaya 20:17

Yeesu wi'imo, “Taa' jogayam, ngam mi ƴeeŋaayi to Nyaako am Mo Dow taw. Ammaa so''a to bandiraaɓe am mbi'aaɓe mi ƴeeŋay to Nyaako am, Nyaako mooɗon, Allah am, Allah mooɗon.”

Maatiyu 26:42

O fuɗɗiti o dilli ɗiɗaɓum, o waɗi do'aare, o wi'i, “Nyaako am Mo Dow, to ɗum waɗataako ɗum ittanayam torra ka'a, sey to mi yariika, al ko ngiɗɗaa waɗee.”

Roomanko'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

Maatiyu 10:29

Naa' coloy ɗiɗoy e cooree yamnde go'o? Fuu e non walaa koo go'otel maakoy baatayngel naa e yidde Nyaako mooɗon Mo Dow.