Maatiyu 6:5 - Fulfulde Nigeria

⁵ “To on ngaɗay do'aare, to' on ngaɗu no munaafuki'en ngaɗata, ngam e ɓe ngiɗi waɗuki do'aare e ɓe ndarii nder cuuɗi do'aare e dow to ɗate kawri ngam koo moye yi'aɓe. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 6:5 ပူးပေါင်းရင်းမြစ်များ

Maatiyu 6:2

“Ngam non, taa hokkay ɓe ngalanaa caahu, taa' andinka koo moye no munaafuki'en ngaɗata nder cuuɗi do'aare e dow ɗatal ngam yimɓe ngi'a mantaɓe. E mi wi'a'on goonga, ɓe njaadake ɓe keɓi mbarjaari maɓɓe.

Luka 18:13

Ammaa jaɓoowo ceede leydi on darii to woɗɗi. O raaraayi dow, e mo rondi juuɗe maako dow hoore, e mo wi'a, ‘Yaa Allah, yurminanam, mi waɗii hakke.’

Markus 11:25

Koo ndeye to on ndarake on ngaɗa do'aare, to e woodi mo njogitiiɗon nder ɓerɗe mooɗon, njaafaneemo, ngam Nyaako mooɗon Mo Dow maa yaafanoo'on hakke mooɗon.”

Luka 20:47

Kamɓe ngoni nyaamooɓe jawdi rewɓe ɓe worɓe mu''en maayi, waɗooɓe do'aaje juutuɗe ngam ɗum yi'aɓe. Ɓe ɓuray yaruki bone.”

Yaakubu 4:6

Ammaa Allah e ɓeyda walluki'en. Kanjum waɗi aayaare wi'i, “Allah wanyii gooduɓe mangu hoore, ammaa e mo walla lesnuɓe ko'e.”

Luka 18:1

Sey Yeesu hokki tokkuɓemo misaalu ɗu'um ngam o hollaɓe ɓe ngaɗa ka waɗuki do'aare to' ɓe coma.

Aafisanko'en 6:18

Koo ndeye ngaɗee ka waɗuki do'aare no Ruuhu Allah holliri'on nder koo ɗume ɗum ngaɗoton. Kadin ngaɗon ka toraaki Allah walla'on. Ngam fii ɗu'um, paamee, to' on njaɓu comon, koo ndeye ngaɗee ka waɗanki yimɓe Allah fuu do'aare.

Luka 11:43

“On mbonii, onon Faarisanko'en, ngam on ngiɗi jooɗaaki dow jooɗorle mawɓe nder cuuɗi do'aare, on ngiɗi hownireeki mangu nder luumo.

Maatiyu 21:22

To on ngoodi hoolaare, fuu ko toriiɗon Allah on keɓayɗum.”

1 Tasaloonikanko'en 5:17

Ngaɗee ka waɗuki do'aare.

Yahaya 16:24

Haa jooni on toraaki goɗɗum nder inde am. Toree on keɓay, ngam welwelo mooɗon heewa.

Markus 12:38

Yeesu e ekkitina, wi'i, “Paamanee moodiɓɓe Attawra, giɗuɓe yiilaaki e ɓornii toggoho njuutuko, giɗuɓe hownireeki mangu nder luumo.

Maatiyu 9:38

Toree Joomu gese ɗen liloya huwooɓe nder gese maako.”

Maatiyu 23:13

“On mbonii, onon moodiɓɓe Attawra e Faarisanko'en! On munaafuki'en! On maɓɓanii yimɓe dammugal nattuki Laamu Allah. Onon on nattaayi, on alaayi giɗuɓe nattuki natta.

Maatiyu 23:6

To humto e ɓe ngiɗi jooɗaaki to mawɓe njooɗotoo; nder cuuɗi do'aare maa e ɓe ngiɗi jooɗorle mawɓe.

Maatiyu 6:16

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 6:1

“Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

Maatiyu 23:5

Fuu ko ɓe ngaɗata e ɓe ngaɗaɗum ngam yimɓe ngi'aɓe. E ɓe kaɓɓa laayaho mawko ko aayaaje Deftere Ceniinde to tiiɗe maɓɓe e juuɗe maɓɓe, e ɓe njuutina cilmbi toggooje maɓɓe.

Luka 6:24

“On mbonii, onon riskuɓe, ngam on keɓii ko ɗaɓɓitoton.