Maatiyu 6:25 - Fulfulde Nigeria

²⁵ “Ngam non, e mi wi'a'on, to' on ngannu dow jonde mooɗon, waato dow ko nyaamoton, koo ko njaroton, koo ko ɓornotooɗon. Naa' yonki ɓurii nyamndu? Nden naa' ɓandu ɓurii kolte?

Maatiyu 6:25 ပူးပေါင်းရင်းမြစ်များ

Filibiyanko'en 4:6

To' on ngannu dow koo ɗume, ammaa nder koo ɗume mbi'ee Allah ko ngiɗɗon nder do'aare e toraaki e yettoore.

1 Biiturus 5:7

Tambinaneemo fuu ko wannata'on, ngam e mo faamana'on.

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Maatiyu 6:31

“Ngam non, to' on ngannu mbi'on, ‘Ko nyaameten?’, koo ‘Ko njareten?’, koo ‘Ko ɓornotooɗen?’

Markus 4:19

ammaa wannuki e fii duuniyaaru, e yidde jawdi, e suuno feere‑feere natti ɓerɗe maɓɓe ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Maatiyu 10:19

Fuu carel ngel ɗum nangi'on ɗum yaari'on yeeso laamu, to' on ngannu dow no metirton, koo ko mbi'oton, ngam nder carel ngel ɗum wi'ay'on ko mbi'oton.

1 Korintiyanko'en 7:32

E mi yiɗi ngaɗon jonde nde walaa wannaare. Gorko mo walaa debbo e mo waɗa ɓernde maako fuu dow waɗuki kuugal Joomiraawo, ngam e mo yiɗi o welnana Joomiraawo ɓernde.

Maatiyu 6:34

Ngam non, to' on ngannu e jaango, ngam jaango e woodi wannaare muuɗum. Koo ndeye nyalnde e woodi wannaare mayre keƴayndende.

2 Timooti 2:4

Walaa soojiijo nattinayɗo hoore muuɗum nder wongal kuugal feere, ngam ko o yiɗi woni o welnana mawɗo maako ɓernde.

Luka 8:14

Awdi njanundi nder gi'e boo woni yimɓe nanuɓe Wolde nden, ammaa wannaare, e risku, e belɗum duuniyaaru ɓiɗɗi ɓerɗe maɓɓe, ngam non ɓe mawnaayi nder ɗatal Allah.

Maatiyu 13:22

Janundi nder gi'e woni misaalu nanɓe Wolde Allah, ammaa wannuki e fii duuniyaaru, e yidde jawdi, ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Luka 12:11

“To yimɓe njaarii'on yeeso mawɓe e laamiiɓe, to' on ngannu dow no mburtinirton ko'e mooɗon koo ko mbi'oton.

Markus 13:11

Fuu carel ngel ɗum nangi'on ɗum yaari'on yeeso laamu, to' on ngannu dow ko mbi'oton. E carel ngel Allah hokkay'on ko mbi'oton, sey mbi'onka. Ngam naa' ɗum onon metata, ammaa ɗum Ruuhu Allah.