Maatiyu 6:24 - Fulfulde Nigeria

²⁴ “Walaa baawayɗo jagganaaki joomu wuro'en ɗiɗo. Koo o wanya go'oto o yiɗa go'oto, koo o mawnina go'oto o yawana go'oto. Non onon maa, on mbaawataa jagganaaki Allah e jagganaaki jawdi carel go'o.

Maatiyu 6:24 ပူးပေါင်းရင်းမြစ်များ

Luka 16:13

“Walaa maccuɗo baawayɗo jagganaaki joomu wuro'en ɗiɗo. Koo o wanya go'oto o yiɗa go'oto, koo o mawnina go'oto o yawana go'oto. Non onon maa on mbaawataa jagganaaki Allah e jagganaaki jawdi carel go'o.”

Yaakubu 4:4

On nyaamooɓe amaana! On andaa waaduki higaaku e duuniyaaru ɗum wanyuki Allah? Ngam non, fuu cuɓuɗo waada higaaku e duuniyaaru, o wartirii hoore maako ganyo Allah.

Galaatiyanko'en 1:10

Too, jooni yidde yimɓe ɗaɓɓitaymi, koo yidde Allah? Koo boo e mi ɗaɓɓita welnanki yimɓe ɓerɗe? Naa' non! Daa haa jooni yimɓe ɗaɓɓitaymi welnanki ɓerɗe, daa mi wartaayi maccuɗo Almasiihu.

Maatiyu 4:10

Sey Yeesu wi'imo, “Umma daga ɗo'o, an Ceyɗan! Aayaare wi'ii, ‘Mawnin Allah Joomiraawo maaɗa, kanko tan mawnintaa.’ ”

Luka 16:11

To on ngalaa goonga e jogaaki jawdi duuniyaaru, moye hoolotoo'on e jogaaki jawdi goongaari?

1 Timooti 6:17

Waggin gooduɓe risku nder duuniyaaru ndu'u, to' ɓe mawnina ko'e maɓɓe, to' ɓe ngaɗa ɓerɗe maɓɓe dow risku ɗum tabbitataa, ammaa ɓe ngaɗa ɓerɗe maɓɓe dow Allah, kokkuɗo'en koo ɗume ɓernde go'o ngam nanen belɗum.

Luka 16:9

“E mi wi'a'on, kuutiree jawdi duuniyaaru ngam keɓon higooɓe, ngam to jawdi ndin re'ii, ɗum jaɓa'on nder wuro Allah ngo haa abadaa.

2 Timooti 4:10

Dimas sendirii e am ngam yidde fii duuniyaaru ndu'u, o dillii Tasaloonika. Kirijen boo dillii Galaatiya, Tiitus kadimaa dillii Dalmaatiya.