Maatiyu 6:2 - Fulfulde Nigeria

² “Ngam non, taa hokkay ɓe ngalanaa caahu, taa' andinka koo moye no munaafuki'en ngaɗata nder cuuɗi do'aare e dow ɗatal ngam yimɓe ngi'a mantaɓe. E mi wi'a'on goonga, ɓe njaadake ɓe keɓi mbarjaari maɓɓe.

Maatiyu 6:2 ပူးပေါင်းရင်းမြစ်များ

Maatiyu 6:5

“To on ngaɗay do'aare, to' on ngaɗu no munaafuki'en ngaɗata, ngam e ɓe ngiɗi waɗuki do'aare e ɓe ndarii nder cuuɗi do'aare e dow to ɗate kawri ngam koo moye yi'aɓe. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 6:16

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe.

Yahaya 5:41

“Mi ɗaɓɓitataa mawnineeki daga to yimɓe.

Ibraaniyanko'en 13:16

To' on ngejjutu waɗuki ko wooɗi e senduduki ko ngooduɗon e woɓɓe, ngam ɗu'um kanjum woni cakkiri belnanoori Allah ɓernde.

Luka 20:46

“Paamanee moodiɓɓe Attawra, giɗuɓe yiilaaki e ɓornii toggoho njuutuko, giɗuɓe hownireeki mangu nder luumo. E ɓe ngiɗi jooɗaaki dow jooɗorle mawɓe nder cuuɗi do'aare e jooɗorle mawɓe to humto.

Yahaya 7:18

Koo moye metoowo boliiɗe hoore muuɗum e ɗaɓɓitana hoore muuɗum mangu, ammaa kuwoowo ngam mawnina on ɗon liloyɗomo o neɗɗo mo goonga, walaa wonde fewre to maako.

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

Aafisanko'en 4:28

Koo moye gujjo doole ala nguyka. Ammaa o huutira juuɗe maako o huwa kuugal bongal, ngam o heɓa goɗɗum ɗum o hokkorta ɓe ngalanaa.

Galaatiyanko'en 2:10

Fii go'o ɗum ɓe toriimin woni to' min ngejjita ɓe ngalanaa wonɓe nder maɓɓe, nden maa kanjum woni ko kaaɓumi waɗuki.

Kuuɗe Lilaaɓe 10:4

O raari malaa'ikaajo on nder kulol, o wi'imo, “Na'am, Mawɗo?” Malaa'ikaajo on wi'imo, “Allah nanii do'aaje maaɗa o yi'ii ko kokkataa ɓe ngalanaa.

1 Timooti 6:18

Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

Roomanko'en 12:8

Ɓe o hokki dokkal sembiɗinki woɓɓe, sey ɓe cembiɗinaɓe. Ɓe o hokki dokkal hokkuki caahu, sey ɓe kokkaɗum e ɓernde go'o. Ɓe o hokki dokkal ardaare, sey ɓe ngaɗa hakkiilo maɓɓe dow ardaare nden. Ɓe o hokki dokkal yurminanki yimɓe, sey ɓe njurminanaɓe nder belɗum ɓernde.

Kuuɗe Lilaaɓe 24:17

“Mi waɗii duuɓi seɗɗa e leyɗe yaasi. Gaɗa ɗon mi so''ake Urucaliima ngam yaaranki ɓe ngalanaa dokkal e sakkanki Joomiraawo.

Kuuɗe Lilaaɓe 10:31

O wi'iyam, ‘Koneeliyus, Allah nanii do'aaje maaɗa o jaɓii sadakaaji maaɗa.

Kuuɗe Lilaaɓe 10:2

O kuloowo Allah, kanko e wuro maako fuu. E mo walla Yahuudanko'en ɓe ngalanaa naa' seɗɗa, e mo toroo Allah koo ngele carel.

Kuuɗe Lilaaɓe 9:36

Nder gariiri Joffa boo e woodi goɗɗo debbo tokkuɗo Yeesu bi'eteeɗo Tabiita. (Ma'ana Tabiita nder Helenankoore woni Dookas, waato lelwa.) E mo huwa kuuɗe boɗɗe, e mo walla ɓe ngalanaa.

Yahaya 13:29

Nde Yahuuda woni desoowo ceede maɓɓe, woɓɓe nder maɓɓe nyumi Yeesu wi'umo o yaha o sooda ko ɓe kuutinirta nder humto, koo o hokka ɓe ngalanaa goɗɗum.

Yahaya 5:44

No waɗata koolooɗonyam to on ɗaɓɓita mantindirki, ammaa on ndurwaayi keɓon manteeki daga to Allah? Kanko tan woni Allah.

Luka 6:42

No waɗata mbi'aa bandiraawo maaɗa, ‘Bandiraawo, al mi ittanmaa geenel nder hitere maaɗa,’ nden an e hoore maaɗa a yi'aayi legga wonga nder hitere maaɗa? An munaafukiijo, artu ittuki legga wonga nder hitere maaɗa, nden ngi'aa boɗɗum keɓaa no ittiraa geenel gongel nder hitere bandiraawo maaɗa.

Markus 12:39

E ɓe ngiɗi jooɗaaki dow jooɗorle mawɓe nder cuuɗi do'aare e jooɗorle mawɓe to humto.

Filimon 1:7

Bandiraawo am, mi nanii belɗum ɗuɗɗum. Ɓernde am fukkake ngam a holla tokkuɓe Yeesu yidde, a sembiɗinaɓe.

1 Tasaloonikanko'en 2:6

Min ɗaɓɓitaayi mangu to yimɓe, koo to mooɗon, koo to woɓɓe, koo nde min mbaaway min mbi'a'on doole ngaɗanonmin goɗɗum ngam min lilaaɓe Almasiihu.

Kuuɗe Lilaaɓe 11:29

Sey tokkuɓe Yeesu puɗɗi hawrutuki ceede, koo moye wadda ko waawi wadduki, ngam ɓe mballa bandiraaɓe maɓɓe wonɓe leydi Yahuudiya.

Luka 13:15

Sey Yeesu nootii wi'imo, “Onon munaafuki'en! Naa' koo moye mooɗon e fitta ngaari muuɗum koo mbabba muuɗum nder Nyalnde Siwtaare yarnoyanga?

Luka 12:56

Onon munaafuki'en! On mbaawi raaruki ko woni e leydi e ko woni e dow andon ko waɗata, ammaa ngam ɗume on mbaawataa faamuki ko waɗata e carel nge'el?

Luka 12:33

Cooree ko ngooduɗon, kokkon ɓe ngalanaa ceede ɗen. Ndesanee ko'e mooɗon jawdi ndi wonnataako, jawdi ndi dow ndi re'ataa. Ton gujjo ɓaddataakondi, nden walaa mooƴu nyaamayngundi.

Luka 11:43

“On mbonii, onon Faarisanko'en, ngam on ngiɗi jooɗaaki dow jooɗorle mawɓe nder cuuɗi do'aare, on ngiɗi hownireeki mangu nder luumo.

Luka 11:41

Ngam non kokkee ɓe ngalanaa ko woni nder jarduɗe e le'oy mooɗon, nden ɗe fuu ɗe laaɓanay'on.

Luka 6:24

“On mbonii, onon riskuɓe, ngam on keɓii ko ɗaɓɓitoton.

Markus 7:6

Sey Yeesu nootii wi'i, “Annabi Icaaya wi'ii goonga nde waɗi annabaaku dow mooɗon, onon munaafuki'en, no ɗum windiraa, Allah wi'ii, ‘Ɓen ɗon yimɓe e honduko tan ɓe mawnintayam, ammaa ɓerɗe maɓɓe e ngoɗɗitiiyam.

Maatiyu 24:51

o fiyaymo boɗɗum o waɗamo nder munaafuki'en. Ɗon ɗum woyata ɗum nyerƴindira nyiiƴe.

Maatiyu 23:6

To humto e ɓe ngiɗi jooɗaaki to mawɓe njooɗotoo; nder cuuɗi do'aare maa e ɓe ngiɗi jooɗorle mawɓe.

Maatiyu 22:18

Ammaa Yeesu heɓti halleende maɓɓe, o wi'iɓe, “Ngam ɗume poondotonyam, onon munaafuki'en?

Maatiyu 16:3

Ɗonmaa to subaka waɗii on ngi'ii dow woojii e woodi duule koo toye, on mbi'a, ‘Hande ɗum waɗay iyeende.’ On mbaawi raaruki ko woni e dow andon ko waɗata, ammaa on mbaawataa faamuki ma'ana kuuɗe ɗe ngaɗaymi.

Maatiyu 15:7

Onon munaafuki'en! Icaaya wi'ii goonga nde o waɗi annabaaku dow mooɗon wiiki,

Maatiyu 7:5

An munaafukiijo, artu ittuki legga wonga nder hitere maaɗa, nden ngi'aa boɗɗum keɓaa no ittiraa geenel gongel nder hitere bandiraawo maaɗa.

Maatiyu 5:18

E mi wi'a'on goonga, haa dow e ley re'a, walaa bindel go'o koo toɓɓel go'el itteteengel nder Attawra naa koo ngele bindel nder Attawra hebbinaama.

Maatiyu 6:3

Ammaa taa hokkay mo walanaa caahu, taa' jaɓu jungo nano maaɗa anda ko jungo nyaamo maaɗa waɗata.

Maatiyu 23:5

Fuu ko ɓe ngaɗata e ɓe ngaɗaɗum ngam yimɓe ngi'aɓe. E ɓe kaɓɓa laayaho mawko ko aayaaje Deftere Ceniinde to tiiɗe maɓɓe e juuɗe maɓɓe, e ɓe njuutina cilmbi toggooje maɓɓe.

1 Korintiyanko'en 13:3

To mi hokkii ɓe ngalanaa fuu ko ngoodumi, koo mi jaɓii ɓandu am wulee, to mi walaa yidde, walaa ko ɓeydoriimi.