Maatiyu 6:14 - Fulfulde Nigeria

¹⁴ “Ngam to on njaafanake gaɗanɓe'on ko wooɗaa, Nyaako mooɗon Mo Dow maa yaafanto'on.

Maatiyu 6:14 ပူးပေါင်းရင်းမြစ်များ

Aafisanko'en 4:32

Ngiɗindiree, njurminindiree hakkunde mooɗon, njaafootiree non no Allah yaaforanii'on barka Almasiihu.

Markus 11:25

Koo ndeye to on ndarake on ngaɗa do'aare, to e woodi mo njogitiiɗon nder ɓerɗe mooɗon, njaafaneemo, ngam Nyaako mooɗon Mo Dow maa yaafanoo'on hakke mooɗon.”

Koloosiyanko'en 3:13

Munyindiree. To goɗɗo waɗanii goɗɗo ko haanaa, ɓe njaafootira. Non no Joomiraawo yaaforanii'on, onon maa sey njaafootiron.

Maatiyu 7:2

Ngam non no kiitoriiɗon woɓɓe, onon maa non ɗum hiitorantoo'on, nden e poondirgel ngel poondirɗon, e maagel ɗum foondiranta'on.

Yaakubu 2:13

Ngam e nyalnde kiita, Allah yurminantaa mo walaa yurmeende. Ammaa yurmeende e heɓa jaalorgal dow kiita.

Maatiyu 6:12

Yaafanamin hakkeeji amin no min njaaforantoo gaɗanɓemin ko wooɗaa.

1 Yahaya 3:10

Raa no ɗum feerootirta ɓiɓɓe Allah e ɓiɓɓe Ceyɗan. Fuu mo waɗataa ko wooɗi koo yiɗaa bandiraaɓe muuɗum, kanko naa' o ɓiɗɗo Allah.

Maatiyu 5:7

“Ɓe barkiɗinaaɓe jurminanooɓe yimɓe, ngam kamɓe maa ɗum yurminanayɓe.

Luka 6:37

“To' on kiito woɓɓe, on kiitataake. To' on metu kalluka dow goɗɗo, ɗum metataa kalluka dow mooɗon. Njaafee, ɗum yaafanto'on.