Maatiyu 6:13 - Fulfulde Nigeria

¹³ Taa' alu min njaha to min ngaɗata hakke, ammaa hisnumin daga Kalluɗo.’

Maatiyu 6:13 ပူးပေါင်းရင်းမြစ်များ

1 Korintiyanko'en 10:13

Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

Yahaya 17:15

Naa' e mi toromaa ngam ittaaɓe nder duuniyaaru, ammaa e mi toromaa ngam curaaɓe daga on ɗon Kalluɗo.

Maatiyu 26:41

Njooɗee, to' on ɗaano, ngaɗee do'aare to ɗum foondii'on to' ngaɗon hakke. Ɓernde e yiɗi waɗuki ko haani, ammaa ɓandu tampii.”

Wahayu Yahaya 19:1

Gaɗa ɗon mi nanii hoolo cembingo bo hononde yimɓe ɗuɗɓe cembinde ton dow e ɓe ngima e ɓe mbi'a, “Haaliluuya! Allah meeɗen jeyi kisndam e mangu e laamu,

2 Tasaloonikanko'en 3:3

Ammaa Joomiraawo o gaɗoowo ko o wi'i, o sembiɗinay'on, o reenay'on daga on ɗon Kalluɗo.

Maatiyu 6:10

Laamu maaɗa wara, ko ngiɗɗaa waɗee nder duuniyaaru, no ɗum waɗirtee e dow.

2 Biiturus 2:9

Fuu fii ɗu'um hollii'en Joomiraawo e andi no hisnirta kulooɓemo daga torraaji, e no o waɗata ka torrirki kalluɓe haa o hiitooɓe Nyalnde Jaango.

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

Wahayu Yahaya 21:4

O moytanayɓe fuu gonɗi maɓɓe, ɗum boo fuɗɗitataa ɗum waɗa mayde koo wannaare koo bojji koo torra ngam koo ɗume ɗum ndenno ƴaɓɓake.”

Wahayu Yahaya 3:10

Nde on njogake wolde am nder munyal e sembe ɓernde, mi suranay'on torra garanayka duuniyaaru ngam ɗum foonda yimɓe mayru.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

2 Korintiyanko'en 1:20

Ngam Almasiihu hebbinii koo ngale alkawal ngal Allah waɗi. Kanjum waɗi mbi'eten “Aamin” laawol maako ngam teddinki Allah.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Wahayu Yahaya 1:18

Min woni mo yonki! Ndenno mi maayiino. Ammaa jooni e mi woodi yonki haa abadaa abadin, e mi woodi laamu dow Mayde nden e mi woodi laamu dow Laahira.

Maatiyu 5:37

Al ‘Ee’ mooɗon warta ‘Ee,’ nden ‘Aa'a’ mooɗon warta ‘Aa'a.’ Fuu ko ƴaɓɓii ɗu'um, daga to Ceyɗan ɗum ƴiwoyi.

1 Korintiyanko'en 14:16

To naa' non, taa yettii Allah nder ɗemngal ngal a andaa, no goɗɗo mo nanataangal wiirata “Aamin” dow yettoore maaɗa? O faamaayi ko mbiiɗaa.

Maatiyu 28:20

on ekkitinaɓe ɓe tokka koo ɗume ko mbiimi'on ngaɗon. Raɗɗum, e mi wondi e mooɗon koo ndeye haa re'uki duuniyaaru.”

Wahayu Yahaya 19:4

Sey mawɓe ɓen ɗon 24 e ɗum ɗon tagaaɗum nayum gooduɗum yonki ndiccii mawnini Allah jooɗiiɗo dow jooɗorgal laamu. E ɓe mbi'a, “Aamin! Haaliluuya!”

Wahayu Yahaya 5:13

Sey nanmi koo ɗume ko tagaa e dow, e nder duuniyaaru, e ley leydi, e nder ndiyam, e ko woni nder maajum fuu, e ɗum yima e ɗum wi'a, “Mantuki, e mangu, e mawnineeki, e laamu ɗum tabbita to Jooɗiiɗo dow jooɗorgal laamu on, e Karoori ndin haa abadaa abadin!”

Wahayu Yahaya 3:14

“Windan malaa'ikaajo kawtal tokkuɓe Yeesu wonɓe gariiri Lawdiikiya wi'uki: “Min woni bi'eteeɗo Aamin, ceyduujo mo goonga, barka am Allah tagi koo ɗume.

Ibraaniyanko'en 11:36

Woɓɓe njukkitaama piyaama, haa ɓe kaɓɓiraa ɓoggi njamndi ɓe maɓɓaa nder suudu cural.

1 Timooti 1:17

O Laamiiɗo haa abadaa, o walaa keerol, o yi'ataako, kanko tan woni Allah. Mangu e teddungal tabbita to maako haa abadaa abadin.