Maatiyu 6:10 - Fulfulde Nigeria

¹⁰ Laamu maaɗa wara, ko ngiɗɗaa waɗee nder duuniyaaru, no ɗum waɗirtee e dow.

Maatiyu 6:10 ပူးပေါင်းရင်းမြစ်များ

Ibraaniyanko'en 10:36

E haani munyon ngam ngaɗon ko Allah yiɗi, keɓon ko o waɗi alkawal.

Yahaya 4:34

Yeesu wi'iɓe, “Nyamndu am woni mi waɗa ko lilɗoyam wi'iyam, mi yottina kuugal ngal o hokkiyam.

Maatiyu 26:42

O fuɗɗiti o dilli ɗiɗaɓum, o waɗi do'aare, o wi'i, “Nyaako am Mo Dow, to ɗum waɗataako ɗum ittanayam torra ka'a, sey to mi yariika, al ko ngiɗɗaa waɗee.”

Maatiyu 12:50

Ngam koo moye waɗi ko Nyaako am Mo Dow yiɗi, kanko woni minyiraawo am e maduujo am.”

1 Tasaloonikanko'en 5:18

Nder fuu ko heɓi'on ngettee Allah, ngam kanjum woni ko Allah yiɗi ngaɗon nder tokkuki Yeesu Almasiihu.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Yahaya 6:40

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

Koloosiyanko'en 1:9

Ngam maajum, daga nyalnde nde min nani habaru ɗum e min ngaɗana'on do'aare. E min toroo Allah waɗa'on ngarton gooduɓe faamu kewɗum dow ko o yiɗi ngaɗon. Ɗonmaa e min toroomo keɓon faamu e andal ɗum Ruuhu Allah hokkata.

Aafisanko'en 6:6

Ngaɗaneeɓe non naa' e carel ngel ɓe ngi'ata'on tan, koo boo ngam ɓe ɓeyda yiɗuki'on. Ammaa e ɓernde go'o ngaɗee ko Allah yiɗi bo maccuɓe Almasiihu.

Maatiyu 7:21

“Naa' fuu bi'ayɗoyam, ‘Moodibbo, Moodibbo,’ nattata Laamu Allah, sey ni gaɗuɗo ko Nyaako am Mo Dow yiɗi.

1 Biiturus 2:15

Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu.

Ibraaniyanko'en 13:21

o waɗa'on mbaawon waɗuki koo ngale kuugal bongal ngal o yiɗi ngaɗon. O wartira'on ko welnantamo ɓernde barka Yeesu Almasiihu. Mangu tabbita to Yeesu haa abadaa abadin. Aamin.

Maatiyu 3:2

e mo wi'a, “Tuubee, ngam Laamu Allah ɓadake!”

Luka 22:42

“Nyaako am Mo Dow, taa jaɓii, ittanam jardugel torra ka'a. Fuu e non, naa' ko ngiɗumi waɗetee, ammaa ko ngiɗɗaa waɗee.”

Yahaya 7:17

Koo moye cuɓuɗo waɗa ko Allah yiɗi o anday koo ko ekkitinaymi to Allah ɗum ƴiwoyi, koo ko mbi'aymi ɗum boliiɗe am.

Wahayu Yahaya 19:6

Nden mi nanii goɗɗum bo hoolo yimɓe ɗuɗɓe, bo hoolo ndiyamji doggooji, bo hoolo riggaango cembingo, e ɓe mbi'a, “Haaliluuya! Ngam Allah Joomiraawo meeɗen Joomu Bawɗe e laamoo!

1 Tasaloonikanko'en 4:3

Ngam Allah e yiɗi ngarton ceniiɓe, ngoɗɗitooɗon waɗuki njeenu.

Kuuɗe Lilaaɓe 21:14

Nde min anditi min mbaawataa waylutuki nyumo maako, min nde''iti, min mbi'i, “Joomiraawo waɗa no yiɗi!”

Kuuɗe Lilaaɓe 13:22

Nde Joomiraawo jippini Caawulu dow laamu, o lamni Dawda. Dow Dawda on boo o wi'i, ‘Mi yi'ii Dawda ɓii Jeesi, o neɗɗo pukkaniiɗoyam to ɓernde, gaɗayɗo ko ngiɗmi.’

Maatiyu 4:17

Daga carel ngel, Yeesu fuɗɗi wa'ajinki, e wi'a, “Tuubee, ngam Laamu Allah warii haade mooɗon.”

Wahayu Yahaya 12:10

Sey nanmi wonde hononde cembinde daga dow e wi'a, “Jooni kisndam, e laamu, e bawɗe Allah meeɗen, e laamu Almasiihu maako warii. Ngam on ɗon gullotooɗo bandiraaɓe meeɗen yeeso Allah jemma e nyalawma riiwaama daga dow.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

Ibraaniyanko'en 10:7

Sey mbiimi, ‘Yaa Allah, rammi ɗo'o. Mi warii ngam mi waɗa ko ngiɗɗaa, non no ɗum windiraa nder Attawra dow am.’ ”

Luka 19:38

E ɓe mbi'a, “O barkiɗinaaɗo Laamiiɗo garoyɗo nder inde Joomiraawo! Jam e ton dow, en mawnin Allah!”

Markus 3:35

Fuu gaɗuɗo ko Allah yiɗi, kanko woni minyiraawo am e maduujo am.”

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Markus 11:10

Laamu maama meeɗen Dawda garayɗum ɗum barkiɗinaaɗum! En mantu Allah Mo Dow!”

Wahayu Yahaya 11:15

Sey malaa'ikaajo joweeɗiɗaɓo duudi luwal muuɗum, sey ɗum nani hononɗe cembiɗɗe daga dow e mbi'a, “Laamu duuniyaaru fuu wartii ɗum Joomiraawo meeɗen e Almasiihu maako. O laamoto haa abadaa abadin!”

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.

Ibraaniyanko'en 1:14

Malaa'ika'en ɗum ɓeye? Ɓe ruuhuuji kuwanooji Allah ɓe o lilata ngam mballa keɓayɓe kisndam.

Koloosiyanko'en 1:13

O hisnii'en daga bawɗe nyiwre ɗe Ceyɗan, o nattinii'en nder laamu Ɓiɗɗo maako mo o yiɗi.

Luka 19:11

E ɓe nder nanuki ko o wi'ataɓe, sey o hokkiɓe misaalu ɗu'um ngam o ɓadake Urucaliima, kadimaa ngam yimɓe e kammoo Laamu Allah wangay ɗon e ɗon.

Kuuɗe Lilaaɓe 22:14

O wi'iyam, ‘Allah mo maama'en meeɗen suɓiima ngam andaa ko o yiɗi waɗuki, ngi'aa Aadiliijo maako, nanaa ko o wi'ata e honduko maako,