Maatiyu 6:1 - Fulfulde Nigeria

¹ “Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

Maatiyu 6:1 ပူးပေါင်းရင်းမြစ်များ

Maatiyu 23:5

Fuu ko ɓe ngaɗata e ɓe ngaɗaɗum ngam yimɓe ngi'aɓe. E ɓe kaɓɓa laayaho mawko ko aayaaje Deftere Ceniinde to tiiɗe maɓɓe e juuɗe maɓɓe, e ɓe njuutina cilmbi toggooje maɓɓe.

Yahaya 12:43

Ngam ɓe ɓurii yiɗuki yimɓe manaɓe e dow Allah manaɓe.

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

Luka 16:15

O wi'iɓe, “Onon ngoni kollooɓe ko'e mooɗon on gaɗooɓe ko haani yeeso yimɓe, ammaa Allah e andi ɓerɗe mooɗon. Ngam ko yimɓe mawninta e harmini yeeso Allah.

Galaatiyanko'en 6:12

Ɓen ɗon yimɓe mawninooɓe ko'e maɓɓe ngam ko ɗum waɗaniɓe e ɓandu, kamɓe ngiɗi doole ɗum naada'on. E ɓe ngaɗa non ngam to' ɓe torree ngam gaafaangal Almasiihu.

Yahaya 5:44

No waɗata koolooɗonyam to on ɗaɓɓita mantindirki, ammaa on ndurwaayi keɓon manteeki daga to Allah? Kanko tan woni Allah.

2 Yahaya 1:8

Ngam non paamanee ko'e mooɗon ngam to' ndullon ko kuwanɗon, ammaa keɓon mbarjaari kewndi mbondi.

Markus 8:15

Yeesu wagginiɓe wi'i, “Paamee, ngaɗee hakkiilo e ƴuufinirɗum Faarisanko'en e ɗum Hirudus.”

Maatiyu 6:16

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 16:6

Sey Yeesu wi'iɓe, “Paamee, ngaɗee hakkiilo e ƴuufinirɗum Faarisanko'en e Saadusanko'en.”

Luka 12:15

Nden o wi'iɓe, “Paamee! Ngoɗɗitee yidde jawdi duuniyaaru, ngam heɓuki jawdi hokkataa neɗɗo yonki.”

Maatiyu 5:48

Ngam non, ngartee keewuɓe no Nyaako mooɗon Mo Dow o kewɗo.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Luka 11:35

Faamu boɗɗum koo jayngol gongol nder maaɗa ɗum nyiwre.

Luka 12:1

E carel ngel, yimɓe ɗuɗɓe moɓtii haa ɓe ngaɗi ka yaɓyaɓtirki. Yeesu wi'i tokkuɓemo, “Paamee to' ngarton bo Faarisanko'en ngam ɓe munaafuki'en.

Maatiyu 25:40

Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’

Maatiyu 5:46

To yiɗuɓe'on tan ngiɗɗon, ɗume barka keɓoton? Koo jaɓooɓe ceede leydi maa e ngiɗi yiɗuɓeɓe.

Maatiyu 23:13

“On mbonii, onon moodiɓɓe Attawra e Faarisanko'en! On munaafuki'en! On maɓɓanii yimɓe dammugal nattuki Laamu Allah. Onon on nattaayi, on alaayi giɗuɓe nattuki natta.

Maatiyu 6:9

Raa no ngaɗirton do'aare, ‘Yaa Allah Nyaako amin Mo Dow, inde maaɗa ceniinde mawninee.

Ibraaniyanko'en 2:1

Ngam maajum doole ngaɗen fuu hakkiilo meeɗen dow ko nanɗen, ngam to' celen daga tokkukiɗum.

Ibraaniyanko'en 11:26

O yi'ii semtineeki ngam Almasiihu ɗum risku ɓurɗum jawdi leydi Masar, ngam hakkiilo maako e dow mbarjaari ndi o heɓata yeeso.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Kuuɗe Lilaaɓe 3:12

Nde Biiturus yi'i yimɓe kawritii, sey o wi'iɓe, “Onon bandiraaɓe am Israa'iilanko'en, ngam ɗume kayɗinton? Ngam ɗume ndaarotonmin? On kammii e bawɗe amin koo ngam tiinaare amin dow tokkuki Allah min njamɗitiniri jaraaɗo o'o?