Maatiyu 5:8 - Fulfulde Nigeria

⁸ “Ɓe barkiɗinaaɓe ɓe ɓerɗe laɓɗe, ngam ɓe ngi'ay Allah.

Maatiyu 5:8 ပူးပေါင်းရင်းမြစ်များ

Ibraaniyanko'en 10:22

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

Ibraaniyanko'en 12:14

Ngaɗee ko mbaawoton waɗuki njooɗodooɗon jam e koo moye ngarton ceniiɓe, ngam to naa' e jonde ceniinde walaa gi'ayɗo Joomiraawo.

Yaakubu 4:8

Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Tiitus 1:15

Koo ɗume e laaɓani ɓe ɓerɗe laaɓuɗe. Ammaa ɓe ɓerɗe ɗe laaɓaa e ɓe njaɓaayi goonga, walaa ko laaɓaniɓe, ngam hakke wonnii ɓerɗe maɓɓe e nyumol maɓɓe.

Kuuɗe Lilaaɓe 15:9

O feerootiraayi'en e maɓɓe, ngam o yaafanakeɓe hakke nde ɓe koolii Yeesu.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

1 Korintiyanko'en 13:12

Ko ngi'eten jooni, en ngi'ataaɗum boɗɗum bo daaroowo daaroggal nyiɓɓungal, ammaa carel e wara ngel ngi'etenɗum boɗɗum. Jooni seɗɗa tan andumi, ammaa carel e wara ngel andaymi andal kewngal, non no ɗum andiriyam.

Wahayu Yahaya 22:4

Nden ɓe ngi'ay yeeso maako, kadimaa ɗum winday inde maako e tiiɗe maɓɓe.